---
title: "მუხლი 5. სამომხმარებლო კოოპერატივის მართვისა და კონტროლის ორგანოები — სამომხმარებლო კოოპერაციის შესახებ"
url: "https://legal.ge/ka/law/29902-samomkhmareblo-kooperatsiis-shesakheb/5"
law: "სამომხმარებლო კოოპერაციის შესახებ"
article: "5"
identifier: "matsne 29902"
adopted: "1997-05-15"
consolidated_as_of: "2021-08-02"
legal_force: "in force"
official_source: "matsne, the Legislative Herald of Georgia"
publisher: "legal.ge"
---

# მუხლი 5. სამომხმარებლო კოოპერატივის მართვისა და კონტროლის ორგანოები — სამომხმარებლო კოოპერაციის შესახებ

> Text consolidated as of 2021-08-02. Official source: matsne, the Legislative Herald of Georgia.
> Cite as: სამომხმარებლო კოოპერაციის შესახებ, მუხლი 5 (consolidated as of 2021-08-02), legal.ge, https://legal.ge/ka/law/29902-samomkhmareblo-kooperatsiis-shesakheb/5

1. სამომხმარებლო კოოპერატივის მართვის უმაღლესი ორგანოა მეპაიეთა საერთო კრება, თუ წევრ-მეპაიეთა რაოდენობა 200-ზე ნაკლებია, ხოლო თუ წევრი-მეპაიე 200-ზე მეტია-წარმომადგენელთა კრება, რომელიც იღებს წესდებას, განსაზღვრავს სავალდებულო საპაიო შესატანის ოდენობას, ირჩევს აღმასრულებელ-განმკარგულებელ და მაკონტროლებელ ორგანოებს – გამგეობას და სარევიზიო კომისიას. გამგეობის წევრი არ შეიძლება იმავდროულად იყოს სარევიზიო კომისიის შემადგენლობაში. გამგეობა ახორციელებს კოოპერატივის სამეურნეო და სხვა საქმიანობას. სარევიზიო კომისია აკონტროლებს კოოპერატივის წესდების დაცვას, სამომხმარებლო კოოპერაციის ორგანიზაციებისა და საწარმოების სამეურნეო–საფინანსო საქმიანობას. გამგეობა და სარევიზიო კომისია ანგარიშვალდებული არიან წევრთა საერთო (წარმომადგენელთა) კრების წინაშე. მართვის უმაღლესი ორგანო წყვეტს კოოპერატივის საქმიანობასთან დაკავშირებულ სხვა საკითხებს. წარმომადგენელთა რაოდენობას ადგენს სამომხმარებლო კოოპერატივის წევრთა საერთო (წარმომადგენელთა) კრება.

2. სამომხმარებლო კოოპერატივის ყოველი წევრი, მიუხედავად მისი საპაიო შენატანის ოდენობისა, საერთო (წარმომადგენელთა) კრებაზე სარგებლობს ერთი ხმის უფლებით.

3. სამომხმარებლო კოოპერატივის მართვისა და კონტროლის ორგანოები ირჩევა 5 წლის ვადით. თავი III სამომხმარებლო კოოპერატივების კავშირები

---
Previous article: https://legal.ge/ka/law/29902-samomkhmareblo-kooperatsiis-shesakheb/4.md
Next article: https://legal.ge/ka/law/29902-samomkhmareblo-kooperatsiis-shesakheb/6.md