---
title: "მუხლი 3. აჭარის — აჭარის ავტონომიური რესპუბლიკის ჯილდოებისა და საპატიო წოდებების შესახებ"
url: "https://legal.ge/ka/law/4966292-acharis-avtonomiuri-respublikis-jildoebisa-da-sapatio-wodebebis-shesak/3"
law: "აჭარის ავტონომიური რესპუბლიკის ჯილდოებისა და საპატიო წოდებების შესახებ"
article: "3"
identifier: "matsne 4966292"
adopted: "2020-08-18"
consolidated_as_of: "2020-08-18"
legal_force: "in force"
official_source: "matsne, the Legislative Herald of Georgia"
publisher: "legal.ge"
---

# მუხლი 3. აჭარის — აჭარის ავტონომიური რესპუბლიკის ჯილდოებისა და საპატიო წოდებების შესახებ

> Text consolidated as of 2020-08-18. Official source: matsne, the Legislative Herald of Georgia.
> Cite as: აჭარის ავტონომიური რესპუბლიკის ჯილდოებისა და საპატიო წოდებების შესახებ, მუხლი 3 (consolidated as of 2020-08-18), legal.ge, https://legal.ge/ka/law/4966292-acharis-avtonomiuri-respublikis-jildoebisa-da-sapatio-wodebebis-shesak/3

ავტონომიური რესპუბლიკის ჯილდოებით დაჯილდოებისა და საპატიო წოდებების მინიჭების პირობები 1. ტბელ აბუსერისძის ორდენით ჯილდოვდება პირი აჭარის ავტონომიური რესპუბლიკის აღმშენებლობაში – მმართველობის, კანონიერებისა და მართლწესრიგის განმტკიცების, ეკონომიკის, ჯანმრთელობის დაცვის სფეროს, განათლების, კულტურის, მეცნიერების, ხელოვნების ან ლიტერატურის დარგის განვითარებაში − შეტანილი განსაკუთრებული წვლილისათვის, სპორტული მიღწევისათვის, გმირობისა და თავდადებისათვის. ტბელ აბუსერისძის  ორდენი სამი ხარისხისაა:
ა) ტბელ აბუსერისძის  III ხარისხის ორდენით ჯილდოვდება პირი სამსახურებრივი მოვალეობის შესრულებისას გამოვლენილი გამორჩეული საქმიანობისათვის;
ბ) ტბელ აბუსერისძის II ხარისხის ორდენით ჯილდოვდება პირი  კულტურის, განათლების, მეცნიერების, ხელოვნების, სპორტის ან სხვა დარგში გამოჩენილი მოღვაწეობისათვის, საზოგადოებრივი ცხოვრების შესაბამის სფეროში გამორჩეული მიღწევისათვის, აჭარის ავტონომიური რესპუბლიკისათვის გაწეული აღმატებული ღვაწლისათვის;
გ) ტბელ აბუსერისძის I ხარისხის ორდენით ჯილდოვდება პირი აჭარის ავტონომიური რესპუბლიკის წინაშე განსაკუთრებული დამსახურებისათვის, გამორჩეული სახელმწიფოებრივი ან/და საზოგადოებრივი მოღვაწეობისათვის.

2. აჭარის ავტონომიური რესპუბლიკის მედლით ჯილდოვდება პირი აჭარის ავტონომიური რესპუბლიკაში ღირსეული სამსახურისათვის.

3. საპატიო წოდება შეიძლება მიენიჭოს განათლების, კულტურის, მეცნიერების, ჯანმრთელობის დაცვის, გარემოს დაცვის, ხელოვნების, სპორტის ან საზოგადოებივი ცხოვრების სხვა სფეროში მოღვაწე პირს   შესაბამისი სფეროს განვითარებაში შეტანილი განსაკუთრებული წვლილისათვის.

4. ამ მუხლით განსაზღვრული აჭარის ავტონომიური რესპუბლიკის ჯილდოებით კალენდარული წლის განმავლობაში შეიძლება დაჯილდოვდეს  არაუმეტეს 3-3 პირი.

5. საპატიო წოდება კალენდარული წლის განმავლობაში შეიძლება მიენიჭოს  არაუმეტეს 6 პირს.

---
Previous article: https://legal.ge/ka/law/4966292-acharis-avtonomiuri-respublikis-jildoebisa-da-sapatio-wodebebis-shesak/2.md
Next article: https://legal.ge/ka/law/4966292-acharis-avtonomiuri-respublikis-jildoebisa-da-sapatio-wodebebis-shesak/4.md