---
title: "მუხლი 15. ინფორმაციის სისწორის დადასტურება (ვერიფიკაცია) — ფინანსურ კონგლომერატში შემავალი რეგულირებული საწარმოების დამატებითი ზედამხედველობის შესახებ"
url: "https://legal.ge/ka/law/5982666-pinansur-konglomeratshi-shemavali-regulirebuli-sawarmoebis-damatebiti-/15"
law: "ფინანსურ კონგლომერატში შემავალი რეგულირებული საწარმოების დამატებითი ზედამხედველობის შესახებ"
article: "15"
identifier: "matsne 5982666"
adopted: "2023-11-29"
consolidated_as_of: "2023-12-19"
legal_force: "in force"
official_source: "matsne, the Legislative Herald of Georgia"
publisher: "legal.ge"
---

# მუხლი 15. ინფორმაციის სისწორის დადასტურება (ვერიფიკაცია) — ფინანსურ კონგლომერატში შემავალი რეგულირებული საწარმოების დამატებითი ზედამხედველობის შესახებ

> Text consolidated as of 2023-12-19. Official source: matsne, the Legislative Herald of Georgia.
> Cite as: ფინანსურ კონგლომერატში შემავალი რეგულირებული საწარმოების დამატებითი ზედამხედველობის შესახებ, მუხლი 15 (consolidated as of 2023-12-19), legal.ge, https://legal.ge/ka/law/5982666-pinansur-konglomeratshi-shemavali-regulirebuli-sawarmoebis-damatebiti-/15

1. საზედამხედველო ორგანო უფლებამოსილია ფინანსურ კონგლომერატში შემავალი საწარმოს (როგორც რეგულირებული, ისე არარეგულირებული საწარმოს) შესახებ ინფორმაციის სისწორის დადასტურება (ვერიფიკაცია) მოსთხოვოს ინფორმაციის სისწორისთვის პასუხისმგებელ მესამე სახელმწიფოს საზედამხედველო ორგანოს. ის საზედამხედველო ორგანო, რომელსაც მეორე საზედამხედველო ორგანო ინფორმაციის სისწორის დადასტურების (ვერიფიკაციის) მიზნით მიმართავს, ვალდებულია ინფორმაციის სისწორე თავად დაადასტუროს ან ამ მიზნით აუდიტორს/ექსპერტს მიმართოს, ან ინფორმაციის სისწორის დადასტურების (ვერიფიკაციის) მომთხოვნ საზედამხედველო ორგანოს მისცეს შესაძლებლობა, თავად შეამოწმოს ინფორმაციის სისწორე.

2. საზედამხედველო ორგანო, რომელიც ამ მუხლის პირველი პუნქტის შესაბამისად მოითხოვს ინფორმაციის სისწორის დადასტურებას (ვერიფიკაციას), უფლებამოსილია მოითხოვოს მისი ინფორმაციის სისწორის დადასტურების (ვერიფიკაციის) პროცესში ჩართვა.

---
Previous article: https://legal.ge/ka/law/5982666-pinansur-konglomeratshi-shemavali-regulirebuli-sawarmoebis-damatebiti-/14.md
Next article: https://legal.ge/ka/law/5982666-pinansur-konglomeratshi-shemavali-regulirebuli-sawarmoebis-damatebiti-/16.md