სახელმწიფო საკუთრებაში არსებული ქონების სარგებლობაში გადაცემის შესახებ

ამ კანონში გამოყენებულ ტერმინებს აქვს შემდეგი მნიშვნელობა: ა) ქონება – სახელმწიფო საკუთრებაში არსებული მოძრავი ან უძრავი ნივთი; ბ) ქონების სარგებლობაში გადამცემი – საქართველოს ეკონომიკური განვითარების სამინისტრო (შემდგომში – ეკონომიკური განვითარების სამინისტრო) ან ამ კანონით განსაზღვრული სხვა უფლებამოსილი ორგანო, რომელიც სახელმწიფოს სახელით სარგებლობაში გადასცემს ქონებას; გ) სარგებლობაში პირველადი გადაცემა – ეკონომიკური განვითარების სამინისტროს მიერ სარგებლობაში გადაუცემელი ქონების სარგებლობაში გადაცემა საქართველოს სახელმწიფო ხელისუფლების, აფხაზეთის ავტონომიური რესპუბლიკისა და აჭარის ავტონომიური რესპუბლიკის, ადგილობრივი თვითმმართველობის ორგანოებისათვის (შემდგომში – სახელმწიფო ორგანოები) და საჯარო სამართლის იურიდიული პირებისათვის.

1.ქონების სარგებლობაში გადაცემა ხდება ვადით ან უვადოდ, სასყიდლით ან უსასყიდლოდ, კონკურსის ან აუქციონის საფუძველზე ან მათ გარეშე. ქონების სარგებლობაში გადაცემისას მიეთითება მისი ნარჩენი საბალანსო ღირებულება.

2.უძრავი ნივთის სარგებლობაში გადაცემა საჯარო რეესტრში უნდა დაარეგისტრიროს იმ სახელმწიფო ორგანომ, ფიზიკურმა პირმა, საჯარო სამართლის ან კერძო სამართლის იურიდიულმა პირმა, რომელსაც სარგებლობაში გადაეცა ქონება.

3.აკრძალულია სარგებლობაში გადაცემული ქონების იპოთეკით დატვირთვა, დაგირავება, სერვიტუტით დატვირთვა, უძრავ ნივთზე სხვაგვარი განკარგვითი გარიგების დადება ან ინდივიდუალური ადმინისტრაციულ-სამართლებრივი აქტის გამოცემა, რომელიც იწვევს ქონების მესაკუთრის შეცვლას, თუ ამ კანონით სხვა რამ არ არის გათვალისწინებული. საქართველოს 2010წლის 23 მარტის კანონი №2792-სსმI, №14, 30.03.2010წ., მუხ.81

ქონების სარგებლობაში გადაცემისას ამ კანონით გათვალისწინებულ შემთხვევებში ტარდება აუქციონი ან კონკურსი. აუქციონის ჩატარების წესი განისაზღვრება „სახელმწიფო ქონების პრივატიზების, ადგილობრივი თვითმმართველი ერთეულის ქონების პრივატიზებისა და სარგებლობის უფლებით გადაცემის შესახებ“ საქართველოს კანონით, ხოლო კონკურსის ჩატარების წესი – საქართველოს მთავრობის დადგენილებით.

სახელმწიფო ორგანოს ან საჯარო სამართლის იურიდიულ პირს უფლება აქვს, მიიღოს და ბალანსზე აიყვანოს ფიზიკური ან იურიდიული პირის საკუთრებაში არსებული ქონება, რომელიც მას გადასცა ფიზიკურმა ან იურიდიულმა პირმა. სახელმწიფო ორგანოს მიერ ასეთი ფორმით მიღებული ქონება ექვემდებარება სახელმწიფოს საკუთრებად რეგისტრაციას საქართველოს კანონმდებლობით დადგენილი წესით. საქართველოს 2010წლის 23 მარტის კანონი №2792-სსმI, №14, 30.03.2010წ., მუხ.81 თავი II ქონების სარგებლობაში გადაცემა მუხლი 6. სახელმწიფო ორგანოსათვის და საჯარო სამართლის იურიდიული პირისათვის ქონების სარგებლობაში გადაცემის წესი 1. სახელმწიფო ორგანო ეკონომიკური განვითარების სამინისტროს მიმართავს განცხადებით ქონების სარგებლობაში პირველადი გადაცემის შესახებ. ეკონომიკური განვითარების სამინისტრო განცხადების წარდგენიდან 2 კვირის ვადაში იღებს გადაწყვეტილებას განცხადებაში დასმულ საკითხზე თანხმობის გაცემის თაობაზე, რომელიც სახელმწიფო ორგანოსათვის ქონების სარგებლობაში გადაცემის საჯარო რეესტრში რეგისტრაციის საფუძველია, ან მოტივირებულ უარს აცხადებს ქონების გადაცემაზე. ეკონომიკური განვითარების სამინისტროს მიერ უარის თქმის შემთხვევაში ქონების გადაცემის საკითხს განიხილავს და გადაწყვეტილებას იღებს საქართველოს მთავრობა.

2.ქონების სარგებლობაში პირველადი გადაცემის შემდეგ სახელმწიფო ორგანო უფლებამოსილია შესაბამისი ორგანოს ხელმძღვანელის ინდივიდუალური ადმინისტრაციულ-სამართლებრივი აქტის საფუძველზე ეს ქონება სარგებლობაში გადასცეს სხვა სახელმწიფო ორგანოს, რაზედაც ფორმდება მიღება-ჩაბარების აქტი. სახელმწიფო ორგანოს უფლება აქვს, ამ კანონით დადგენილი წესით სარგებლობაში გადასცეს ის ქონება, რომელიც ირიცხება ამ სახელმწიფო ორგანოს ბალანსზე.

3.სახელმწიფო ორგანო ქონების სარგებლობაში გადაცემის თაობაზე წერილობით, შესაბამისი დასაბუთებით მიმართავს იმ სახელმწიფო ორგანოს, რომელსაც ეს ქონება საქართველოს კანონმდებლობით დადგენილი წესით აქვს გადაცემული. მიმართვის წარდგენის, მისი განხილვისა და გადაწყვეტილების მიღების წესი განისაზღვრება საქართველოს მთავრობის დადგენილებით.

4.ამ მუხლის მე-2 პუნქტით გათვალისწინებული ინდივიდუალური ადმინისტრაციულ-სამართლებრივი აქტი უნდა შეიცავდეს მითითებას ქონების სარგებლობაში გადაცემის ვადის (თუ არ ხდება ქონების უვადოდ გადაცემა), აგრეთვე გადაცემის სხვა პირობების (ასეთის არსებობის შემთხვევაში) თაობაზე.

5.სახელმწიფო ორგანოს მიერ სარგებლობაში მიღებული ქონების სხვა სახელმწიფო ორგანოსათვის სარგებლობაში გადაცემის შემთხვევაში უქმდება ეკონომიკური განვითარების სამინისტროსა და ამ ორგანოს შორის დადებული ხელშეკრულება, რომლის საფუძველზედაც მოხდა უძრავი ნივთის სარგებლობაში გადაცემა.

6.თუ ვერ დგინდება ქონების მესაკუთრე, სახელმწიფო ორგანო (გარდა ადგილობრივი თვითმმართველობის ორგანოსი) ეკონომიკური განვითარების სამინისტროს მიმართავს განცხადებით ქონების სარგებლობაში გადაცემის შესახებ. ეკონომიკური განვითარების სამინისტრო განცხადების წარდგენიდან 1 თვის ვადაში იღებს გადაწყვეტილებას განცხადებაში დასმულ საკითხზე თანხმობის გაცემის თაობაზე, რომელიც სახელმწიფო ორგანოს მიერ საჯარო რეესტრის ეროვნული სააგენტოსათვის ქონების სახელმწიფოს საკუთრებად აღრიცხვისა და ამავე სახელმწიფო ორგანოსათვის სარგებლობაში გადაცემის რეგისტრაციის თაობაზე მიმართვის საფუძველია, ან მოტივირებულ უარს აცხადებს ქონების გადაცემაზე. თუ ეკონომიკური განვითარების სამინისტრო დადგენილ ვადაში არ მიიღებს გადაწყვეტილებას, სახელმწიფო ორგანო უფლებამოსილია მიმართოს საჯარო რეესტრის ეროვნულ სააგენტოს ქონების სახელმწიფოს საკუთრებად აღრიცხვისა და ამავე სახელმწიფო ორგანოსათვის სარგებლობაში გადაცემის რეგისტრაციის მოთხოვნით.

7.თუ ქონების მესაკუთრე ვერ დგინდება, ადგილობრივი თვითმმართველობის ორგანო ეკონომიკური განვითარების სამინისტროს მიმართავს განცხადებით ქონების სარგებლობაში გადაცემის შესახებ. ეკონომიკური განვითარების სამინისტრო განცხადების წარდგენიდან 1 თვის ვადაში იღებს გადაწყვეტილებას განცხადებაში დასმულ საკითხზე თანხმობის გაცემის თაობაზე, რომელიც სახელმწიფო ორგანოს მიერ საჯარო რეესტრის ეროვნული სააგენტოსათვის ქონების ადგილობრივი თვითმმართველი ერთეულის საკუთრებად რეგისტრაციის თაობაზე მიმართვის საფუძველია, ან მოტივირებულ უარს აცხადებს ქონების გადაცემაზე. თუ ეკონომიკური განვითარების სამინისტრო დადგენილ ვადაში არ მიიღებს გადაწყვეტილებას, ადგილობრივი თვითმმართველობის ორგანო უფლებამოსილია მიმართოს საჯარო რეესტრის ეროვნულ სააგენტოს ქონების ადგილობრივი თვითმმართველი ერთეულის საკუთრებად რეგისტრაციის მოთხოვნით.

8.ამ მუხლის პირველი–მე-4 და მე-6 პუნქტების მოქმედება აგრეთვე ვრცელდება საჯარო სამართლის იურიდიულ პირებზე, გარდა მოქალაქეთა პოლიტიკური გაერთიანებებისა, შემოქმედებითი კავშირებისა და საქართველოს სამოციქულო ავტოკეფალური მართლმადიდებელი ეკლესიისა. სახელმწიფო კონტროლს დაქვემდებარებულ საჯარო სამართლის იურიდიულ პირს თავის სარგებლობაში არსებული ქონების გადაცემის უფლება აქვს მხოლოდ სახელმწიფო კონტროლის განმახორციელებელი ორგანოს თანხმობით.

9.საქართველოს მთავრობის თანხმობით, საჯარო სამართლის იურიდიულ პირს ეკონომიკური განვითარების სამინისტრომ, სახელმწიფო ორგანომ ან საჯარო სამართლის იურიდიულმა პირმა ქონება შეიძლება გადასცეს საქართველოს სამოქალაქო კოდექსით გათვალისწინებული სარგებლობის ფორმებით, ვადით ან უვადოდ, სასყიდლით ან უსასყიდლოდ. საქართველოს 2010წლის 23 მარტის კანონი №2792-სსმI, №14, 30.03.2010წ., მუხ.81

1.ფიზიკურ პირს ან კერძო სამართლის იურიდიულ პირს უძრავი ნივთი გადაეცემა სასყიდლით, საქართველოს სამოქალაქო კოდექსით გათვალისწინებული სარგებლობის ფორმებით, კონკურსის ან აუქციონის საფუძველზე, ეკონომიკური განვითარების სამინისტროს თანხმობით, იმ სახელმწიფო ორგანოს მიერ, რომელსაც ეს ნივთი სარგებლობაში აქვს გადაცემული. თუ უძრავი ნივთი არ არის სარგებლობაში გადაცემული, მას ფიზიკურ პირს ან კერძო სამართლის იურიდიულ პირს სარგებლობაში გადასცემს ეკონომიკური განვითარების სამინისტრო.

2.ფიზიკური პირისათვის და კერძო სამართლის იურიდიული პირისათვის ქონების სასყიდლით ან უსასყიდლოდ, კონკურსის ან აუქციონის გარეშე გადაცემა შესაძლებელია მხოლოდ საქართველოს მთავრობის თანხმობით.

3.ეკონომიკური განვითარების სამინისტრო იმ უძრავ ნივთებს, რომელთა პრივატიზება აკრძალულია „სახელმწიფო ქონების პრივატიზების, ადგილობრივი თვითმმართველი ერთეულის ქონების პრივატიზებისა და სარგებლობის უფლებით გადაცემის შესახებ“ საქართველოს კანონით, უსასყიდლო აღნაგობის, უსასყიდლო უზუფრუქტისა და თხოვების ფორმებით, კონკურსის ან აუქციონის გარეშე გადასცემს მხოლოდ სახელმწიფოს წილობრივი მონაწილეობით შექმნილ საწარმოებს, სადაც სახელმწიფო საკუთრებაშია წილის (აქციების) 50% ან 50%-ზე მეტი. საქართველოს 2010წლის 23 მარტის კანონი №2792-სსმI, №14, 30.03.2010წ., მუხ.81 თავი III გარდამავალი და დასკვნითი დებულებანი

ამ კანონის ამოქმედების დღისთვის საქართველოს მთავრობამ უზრუნველყოს: ა) მოქმედი ნორმატიული აქტების ამ კანონის მოთხოვნებთან შესაბამისობა; ბ) „სახელმწიფო ორგანოსათვის სახელმწიფო საკუთრებაში არსებული ქონების სარგებლობაში გადაცემის შესახებ მიმართვის წარდგენის, მისი განხილვისა და გადაწყვეტილების მიღების წესის“ დამტკიცება; გ) „სახელმწიფო საკუთრებაში არსებული ქონების სარგებლობაში გადაცემისას კონკურსის ჩატარების წესის“ დამტკიცება.

1.ეს კანონი, გარდა პირველი–მე-7 მუხლებისა და მე-9 მუხლის მე-3 პუნქტისა, ამოქმედდეს გამოქვეყნებისთანავე.

2.ამ კანონის პირველი–მე-7 მუხლები და მე-9 მუხლის მე-3 პუნქტი ამოქმედდეს გამოქვეყნებიდან 30-ე დღეს.

3.ძალადაკარგულად გამოცხადდეს „სახელმწიფო საკუთრებაში არსებული შენობა-ნაგებობების სარგებლობის უფლებით გადაცემის შესახებ“ საქართველოს კანონი (საქართველოს საკანონმდებლო მაცნე, №11, 01.05.2006, მუხ.

78). საქართველოს პრეზიდენტი  მ. სააკაშვილი თბილისი, 2009 წლის 3 ნოემბერი. №1940–IIს შეტანილი ცვლილებები:

1.საქართველოს 2010წლის 23 მარტის კანონი №2792-სსმI, №14, 30.03.2010წ., მუხ.81 2. ძალადაკარგულია - საქართველოს 2010 წლის 21 ივლისის კანონი №3512 - სსმ I, №48, 09.08.2010 წ., მუხ.312