Статья 161. თავისუფალი ზონიდან ან თავისუფალი საწყობიდან საქონლის გატანის პირობები

1. თუ საქართველოს კანონმდებლობით სხვა რამ არ არის დადგენილი, თავისუფალი ზონიდან ან თავისუფალი საწყობიდან გასატანი საქონელი შეიძლება: ა) გატანილ იქნეს საქართველოს საბაჟო ტერიტორიიდან; ბ) გადატანილ იქნეს საქართველოს საბაჟო ტერიტორიის სხვა ადგილზე.

2. საქართველოს საბაჟო ტერიტორიის სხვა ადგილზე გადატანილი საქონლის მიმართ გამოიყენება ამ კოდექსის 44-ე–61-ე მუხლების დებულებები.

3. ამ მუხლის მე-2 ნაწილი არ ვრცელდება იმ საქონელზე, რომლის გატანა თავისუფალი ზონიდან ხდება საზღვაო ან საჰაერო გზით მის მიმართ საბაჟო რეჟიმის გამოყენების გარეშე.

4. თავისუფალ ზონაში არსებული საქონლის საქართველოს ტერიტორიიდან გატანა განიხილება, როგორც საქონლის ექსპორტი. საქართველოს 2008 წლის 14 მარტის კანონი №5916 - სსმ I, №7, 26.03.2008წ., მუხ.36 მუხლი 162. საბაჟო ღირებულების განსაზღვრის სპეციალური დებულებები თუ საბაჟო ვალდებულება წარმოიშობა თავისუფალი ზონიდან ან თავისუფალი საწყობიდან გამოტანილი საქონლის მიმართ, ამ შემთხვევაში საბაჟო ღირებულება უნდა განისაზღვროს არსებული მეთოდების გამოყენებით. საქართველოს 2008 წლის 14 მარტის კანონი №5916 - სსმ I, №7, 26.03.2008წ., მუხ.36