Article 2

შეწყდეს ყველა საგამოძიებო საქმის წარმოება და სასამართლოში განუხილველი საქმეები პირველი მუხლით გათვალისწინებულ დანაშაულთა გამო, რომლებიც ჩადენილია ამ კანონის ამოქმედებამდე. პირველი მუხლით გათვალისწინებულ დანაშაულთა ჩამდენ პირებს, რომლებიც თავს არიდებენ მოკვლევის, წინასწარი გამოძიების ორგანოებში და სასამართლოში გამოცხადებას, ამნისტია შეეხებათ მხოლოდ იმ შემთხვევაში, თუ ამნისტიის ამოქმედებამდე ან მისი შესრულების პერიოდში ნებაყოფლობით გამოცხადდებიან შესაბამის ორგანოებში და ჩადენილი არ აქვთ სხვა დანაშაული.