დავით ელისაბედაშვილის კერძო სააღსრულებო ბიურო

ვერიფიცირებულიEstablished

თბილისი, პეტრე ქავთარაძის I შესახვევი, N 10, საოფისე ფართი N9გ2, სართული 4

1 სპეციალისტი

ჩვენი სპეციალისტები

დავით ელისაბედაშვილი

კერძო აღმასრულებელი

დავით ელისაბედაშვილი არის კერძო აღმასრულებელი, რომელსაც სააღსრულებო საქმიანობის მრავალწლიანი პრაქტიკული გამოცდილება აქვს. იგი აღნიშნულ სფეროში საქმიანობას 2007 წლიდან ახორციელებს და გამოირჩევა მაღალი პროფესიონალიზმითა და პრაქტიკული ცოდნით. დავითის პროფესიული კარიერა უკავშირდება თბილისის სააღსრულებო ბიუროს, სადაც მუშაობდა აღმასრულებლის პოზიციაზე. 2009 წლიდან კი საქმიანობას აგრძელებს როგორც კერძო აღმასრულებელი, სადაც წარმატებით ახორციელებს სააღსრულებო საქმიანობას სხვადასხვა კატეგორიის საქმეებზე. იგი არის გრიგოლ რობაქიძის სახელობის უნივერსიტეტის დოქტორანტი, რაც კიდევ უფრო ამყარებს მის თეორიულ და აკადემიურ ცოდნას სამართლის სფეროში. 2016 წლიდან დავითი გახლავთ მიწვეული ლექტორი ილიას სახელმწიფო უნივერსიტეტში, სადაც კითხულობს სალექციო კურსებს სააღსრულებო, სანივთო, ადმინისტრაციული საპროცესო და სამოქალაქო საპროცესო სამართლის მიმართულებით. დავითს ასევე აქვს მნიშვნელოვანი გამოცდილება განათლების ხარისხის უზრუნველყოფის მიმართულებით — 2019 წლიდან იგი არის აკრედიტაციის ექსპერტი განათლების ხარისხის განვითარების ეროვნულ ცენტრში. მისი პროფესიული განვითარება მოიცავს საერთაშორისო გამოცდილებასაც: 2022 წლიდან არის საერთაშორისო ორგანიზაციის CONNEX – European Collection and Enforcement Network-ის წევრი და საქართველოს წარმომადგენელი. დავითს გამოქვეყნებული აქვს არაერთი სამეცნიერო ნაშრომი სამართლის სფეროში, რაც მის აკადემიურ და პრაქტიკულ საქმიანობას დამატებით ღირებულებას სძენს.

ქონების გამოთხოვა და ფაქტობრივი გადაცემასანოტარო აქტების და სპეციალური გადაწყვეტილებების აღსრულება+8

პროფილის ნახვა

კომპანიის შესახებ

2009 წლიდან დღემდე დავით ელისაბედაშვილის კერძო სააღსრულებო ბიუროს საქმიანობა ეფუძნება სანდოობას, სტაბილურობასა და პროფესიულ სიზუსტეს. კერძო სააღსრულებო ბიუროს დამფუძნებელი და ხელმძღვანელი, დავით ელისაბედაშვილი, არის საქართველოში ერთადერთი კერძო აღმასრულებელი, რომელიც წარმოადგენს საერთაშორისო კერძო აღმასრულებელთა ორგანიზაციას - CONNEXX. იგი აქტიურად მონაწილეობს სხვადასხვა საერთაშორისო კონფერენციაში, მათ შორის სპიკერის რანგში. გარდა ამისა დოქტორანტურის ფარგლებში იკვლევს სააღსრულებო სამართლის აქტუალურ საკითხებს. აღსანიშნავია, რომ დავით ელისაბედაშვილი გახლავთ სააღსრულებო სამართლის სფეროში არაერთი სამეცნიერო ნაშრომის ავტორი.

სპეციალიზაციები

აღსრულება და იძულებითი აღსრულება ფულადი მოთხოვნების აღსრულება ქონებაზე ყადაღის დადება და მართვა იძულებითი აუქციონი და ქონების რეალიზაცია ქონების გამოთხოვა და ფაქტობრივი გადაცემა სააღსრულებო წარმოების მართვა და კონტროლი საარბიტრაჟო და საერთაშორისო გადაწყვეტილებების აღსრულება სანოტარო აქტების და სპეციალური გადაწყვეტილებების აღსრულება კერძო აღმასრულებლის მომსახურება სააღსრულებო კონსულტაცია და მონიტორინგი

როგორ ვმუშაობთ

რთული და განსაკუთრებული კატეგორიის საქმეების მართვა მოითხოვს განსაკუთრებულ ყურადღებას, ცოდნასა და გამოცდილებას. სწორედ მსგავსი ტიპის საქმეებზე მუშაობის დროს ავლენს ჩვენი გუნდი პროფესიონალიზმს, ინდივიდუალურ მიდგომასა და პრობლემის ეფექტურად გადაჭრის უნარს. ჩვენ ვახდენთ პრობლემის ღრმა ანალიზს, ვაფასებთ ყველა შესაძლო ვარიანტს და ვირჩევთ საუკეთესო გზას, რომელიც უზრუნველყოფს სწრაფ, ეფექტურ და სამართლებრივად გამართულ შედეგს. ჩვენ ვქმნით სამართლებრივ უფლებას, რომელიც გარდაიქმნება რეალურ შედეგად.