იპოვეთ თქვენი სპეციალისტი

სანდრო სარუხანიშვილი არის სამართლის დოქტორი კვალიფიციური იურისტი, რომელიც სპეციალიზებულია სამოქალაქო და ადმინისტრაციულ სამართალში, დიდი მონაცემების, ციფრული კომერციისა და ციფრული ბაზრების სამართალში. მას აქვს მნიშვნელოვანი გამოცდილება საბანკო საქმეში, იურიდიული დოკუმენტაციის მომზადებაში, კონტრაქტების ანალიზსა და შესაბამისობის უზრუნველყოფაში. სანდრომ სამართლის მაგისტრის ხარისხი მიიღო სულხან-საბა ორბელიანის უნივერსიტეტში (2020-2022). მანამდე, 2015-2019 წლებში, სამართლის ბაკალავრის ხარისხი მოიპოვა თბილისის სახელმწიფო უნივერსიტეტში (თსუ). სანდრო გაცვლითი პროგრამით სწავლობდა კადისის უნივერსიტეტში, კადისი, ესპანეთი, (2024-2025), LUMSA-ს, რომი, იტალია (2021-2022) და ვილნიუსის უნივერსიტეტში, ვილნიუსი, ლიეტუვა (2017-2018). სანდროს პროფესიული უნარები მოიცავს სამართლებრივ კვლევას, პრობლემის გადაჭრას, ანალიტიკურ აზროვნებას და სამართლებრივ წერას. ის ფლობს Microsoft Office-ის პროგრამებსა და სამართლებრივ ბაზებზე მუშაობის უნარს.  მისი ძლიერი მხარეებია დეტალებზე ორიენტირებულობა, კრიტიკული ანალიზი, ადაპტირებულობა, ორგანიზებულობა და კომუნიკაციის უნარი.

ლიანა ზაგაშვილი არის იურისტი საქართველოდან, რომელმაც 2020 წელს დაასრულა ბაკალავრიატი ილიას სახელმწიფო უნივერსიტეტში. 2022 წელს მას მიენიჭა მაგისტრის აკადემიური ხარისხი სულხან-საბა ორბელიანის უნივერსიტეტში და ამავე უნივერსიტეტში 2023 წლიდან განაგრძო სადოქტორო საფეხურზე სწავლება. მისი გამოცდილება აერთიაბებს, როგორც კერძო სექტორში, ასევე საჯარო დაწესებულებიდან მიღებულ ცოდნას. დასაქმებულია პერსონალურ მონაცემთა დაცვის ოფიცრის პოზიციაზე სხვადასხვა დაწესებულებებში და 2020 წლიდან იკავებს უმაღლესს საგანმანათლებლო დაწესებულებების აკრედიტაციისა და ავტორიზაციის ექსპერტის პოზიციას. მისი კვლევის სფერო წარმოადგენს ხელოვნურ ინტელექტსა და საავტორო უფლებების დაცვას ლიტერატურული ნაწარმოების ფარგლებში.

მორის გიგაური არის იურისტი, რომლის აკადემიური და პროფესიული გზა გამორჩეულია სამართლის სფეროში მიღწეული უწყვეტი პროგრესით. 2017-2021 წლებში მან წარჩინებით დაასრულა ბაკალავრიატი ივანე ჯავახიშვილის სახელობის თბილისის სახელმწიფო უნივერსიტეტის სამართლის ფაკულტეტზე. 2021-2023 წლებში იმავე უნივერსიტეტში წარჩინებით მიიღო კერძო (ბიზნეს) სამართლის მაგისტრის ხარისხი. 2024-2025 წლებში მორისმა წარმატებით დაასრულა მიუნსტერის უნივერსიტეტის (გერმანია) იურისტთა სპეციალიზაციის ონლაინ კურსი, რომელიც ფოკუსირებულია ინფორმაციული ტექნოლოგიების ევროპულ სამართალზე. მორისს ჩაბარებული აქვს შემდეგი პროფესიული გამოცდები: — ადვოკატთა საკვალიფიკაციო გამოცდა (საერთო სპეციალიზაცია) — მედიატორობის მსურველ პირთა სასერტიფიკატო პროგრამა, რომელიც მოიცავს როგორც თეორიული ცოდნის, ისე პრაქტიკული უნარ-ჩვევების დამადასტურებელ შემოწმებას. მისი კარიერული გამოცდილება მოიცავს მუშაობას როგორც კერძო, ისე საჯარო სექტორში. 2022 წლიდან დღემდე მორისი დასაქმებულია BDO ლეგალში (BDO საქართველო) იურისტის პოზიციაზე, სადაც სამართლებრივ მომსახურებას უწევს ადგილობრივ და საერთაშორისო კომპანიებს. 2023 წლიდან იგი თანამშრომლობს საქართველოს იუსტიციის სასწავლო ცენტრთან, სადაც უძღვება ტრენინგებს, ლექციებსა და სემინარებს სამართლის სხვადასხვა მიმართულებით -მათ შორის საჯარო და კერძო სკოლების პედაგოგებისთვის. მანამდე, 2020-2021 წლებში, მორისი მუშაობდა „სოხაძე, ბარამაშვილი და პარტნიორებში“ და მუდმივმოქმედ არბიტრაჟში „სამართლიანი არბიტრი“ უმცროს იურისტად. მორისის პრაქტიკული გამოცდილება მოიცავს ბიზნესის სამართლებრივ მხარდაჭერას, ბიზნეს სუბიექტების რეგისტრაციას, სამართლებრივი დოკუმენტების მომზადებას და უძრავ ქონებასთან დაკავშირებული ოპერაციების სამართლებრივ მართვას. თუმცა, მისი ყველაზე ძლიერი და უკვე ოთხწლიანი გამოცდილება დაკავშირებულია საიმიგრაციო სამართალთან, რომელშიც მას მომზადებული აქვს 1000-ზე მეტი წარმატებულად დამუშავებული საიმიგრაციო საქმე.

ვახტანგ ბარამაშვილი ადვოკატია საქართველოდან. მან 2016 წელს თბილისის სახელმწიფო უნივერსიტეტში მიიღო სამართლის ბაკალავრის ხარისხი, ხოლო 2018 წელს ილიას სახელმწიფო უნივერსიტეტში - ბიზნეს სამართლის მაგისტრის ხარისხი. კარიერის დასაწყისში გამოცდილება დააგროვა ადგილობრივ ფირმებში ასისტენტად და უმცროს იურისტად და 2016 წელს მცირე ხნით იმუშავა GLCorp-ში. 2018 წლისთვის ის ხელმძღვანელობდა სამოქალაქო სამართლის დეპარტამენტს Amaglobeli Holding-ში. 2018 წლის ბოლოს ბარამაშვილი გახდა იურიდიული ფირმის „სოხაძე, ბარამაშვილი და პარტნიორები“ თანადამფუძნებელი და მმართველი პარტნიორი. ამ თანამდებობის ფარგლებში ის ხელმძღვანელობდა სამოქალაქო სამართლის ფართო პრაქტიკას და კლიენტების წარმომადგენლობას. 2019 წლის იანვრიდან არის არბიტრი (საბჭოს წევრი) თბილისის საერთაშორისო ტრიბუნალში, არბიტრაჟში. გარდა ამისა, ბარამაშვილმა 2020 წელს დაიკავა უფროსი იურისტის თანამდებობა გენეტიკის ეროვნულ ლაბორატორიაში, სადაც იურიდიულ საკითხებში კონსულტაციებს უწევდა ამ სამეცნიერო დაწესებულებას. ამ თანამდებობებთან ერთად, იგი განუწყვეტლივ ეწეოდა ადვოკატის პრაქტიკას და აქტიურად მოღვაწეობდა საქართველოს ადვოკატთა ასოციაციაში. 2019 წლიდან არის მოწვეული პროფესორი სულხან-საბა ორბელიანის უნივერსიტეტში.

ანა აბრამაშვილი — საქართველოს ადვოკატთა ასოციაციის წევრი (სიითი ნომერი 10005) — არის გამოცდილი და შედეგზე ორიენტირებული ადვოკატი, რომელიც სპეციალიზდება სამოქალაქო და ადმინისტრაციულ სამართალში სრული მოცულობით. მას მიღებული აქვს მაგისტრის ხარისხი კერძო/ბიზნეს სამართლის მიმართულებით საქართველოს საერთაშორისო უნივერსიტეტში (2018), აგრეთვე გააჩნია დამატებითი სპეციალიზაცია ბავშვთა უფლებებში (სამოქალაქო მიმართულება). პროფესიული გამოცდილების დაგროვება დაიწყო 2013 წლიდან, როდესაც იგი მუშაობდა არასამთავრობო ორგანიზაცია „კოალიცია საზოგადოებრივი ინიციატივა"-ში იურისტის პოზიციაზე, სადაც საქმიანობა მოიცავდა საპარლამენტო სესიების მონიტორინგს, საკანონმდებლო ანალიზსა და სტატიების შედგენას. შემდგომ პერიოდში, 2014-2018 წლებში, გაიარა სტაჟირება რამდენიმე წამყვან სანოტარო და საადვოკატო ბიუროში, მათ შორის: ეკატერინე შენგელიას სანოტარო ბიურო, გიორგი ტიკაძის, კახაბერ მათოშვილის და მიხეილ ოთარაშვილის საადვოკატო ბიუროებში, ასევე შპს FMG Legal-სა და არასამთავრობო ორგანიზაცია „ადამიანის უფლებათა ცენტრ"-ში. 2018 წლიდან დაიწყო აქტიური პროფესიული კარიერა — იყო მთავარი იურისტი კომპანია „Innovators Group Georgia"-ში (2018-2020), იურისტი სასამართლო საპროცესო მიმართულებით არაბთა კომპანიაში (2018-2019), ხოლო 2019 წლიდან ეწევა კერძო საადვოკატო საქმიანობას. 2019-2023 წლებში იკავებდა მთავარი იურისტის/ადვოკატის პოზიციას შპს „Cardinal Consulting"-ში. ამჟამად ანა აბრამაშვილი ერთდროულად არის მთავარი იურისტი და ადვოკატი რამდენიმე წამყვან ორგანიზაციაში: შპს „ეს.ი.ეი" (WST) (2023 წლიდან), შპს „ბარაქა" (2024 წლიდან), შპს „ნიუ ვორდ +" (2024 წლიდან) და შპს „ლუქსინ" (2025 წლიდან). მისი პრაქტიკა მრავალპროფილიანია და მოიცავს წარმომადგენლობას როგორც ადმინისტრაციულ, ისე სამოქალაქო მიმართულებით ნებისმიერი სირთულის დავებსა და საქმეებში. პროფესიული საქმიანობის განმავლობაში მას აქვს მრავალი წარმატებით დასრულებული საქმე, რაც განაპირობებს კლიენტების ნდობასა და გრძელვადიან თანამშრომლობას. მისი სამუშაო სტილი გამოირჩევა სიზუსტით, პასუხისმგებლობითა და ინდივიდუალური მიდგომით თითოეული საქმის მიმართ.

დავით ღოლიჯაშვილი არის იურისტი 9 წელზე მეტი გამოცდილებით სამართლის სხვადასხვა სფეროში. დავითი მუშაობდა გაეროს ლტოლვილთა უმაღლესი კომისარიატის (UNHCR) მხარდაჭერილ პროექტში „ლტოლვილების, თავშესაფრის მაძიებლების, ჰუმანიტარული სტატუსის მქონე და მოქალაქეობის არმქონე პირების დაცვა და გაძლიერება“ - სამართლებრივი მრჩევლის პოზიციაზე. გარდა მიგრაციის სამართლისა, დავითი წლების განმავლობაში მუშაობდა საქართველოს საკონსტიტუციო სასამართლოში მოსამართლის უფროსი თანაშემწის თანამდებობაზე და აქვს ადამიანი უფლებებისა და კონსტიტუციური სამართლის სიღრმისეული ცოდნა. დავითს ბაკალავრის ხარისხი მოპოვებული აქვს თბილისის სახელმწიფო უნივერსიტეტში, ხოლო მაგისტრის ხარისხი ჟენევის აკადემიაში. გარდა კერძო და საჯარო სექტორში მუშაობის გამოცდილებისა, დავითის აკადემიური კარიერა მოიცავს სხვადასხვა უნივერსიტეტში სწავლებას საკონსტიტუციო სამართალწარმოების მიმართულებით.

განათლება ბაკალავრი - აკაკი წერეთლის სახელმწიფო უნივერსიტეტი - 2012-2016 - ბიზნესის, სამართლისა და სოციალურ მეცნიერებათა ფაკულტეტი, სამართალმცოდნე მაგისტრანტი - კავკასიის უნივერსიტეტი - 2016-2019 - სამართალი, სამართალმცოდნე სამუშაო გამოცდილება ადვოკატი - საერთო სპეციალიზაცია (სისხლის სამართალი, სამოქალაქო სამართალი, ადმინისტრაციული სამართალი) , მათ შორის დამატებითი სპეციალიზაციები, არასრულწლოვანთა მართლმსაჯულებასა და ბავშვის უფლებებში. ვმუშაობ წარმატებით სამართლის ყველა მიმართულებით. გთავაზობთ, წარმომადგენლობას საგამოძიებო ორგანოებში, კერძო და საჯარო დაწესებულებებში, სასამართლოში, კვალიფიციურ კონსულტაციებს, ხელშეკრულებებსა და სხვა სახის დოკუმენტებზე მუშაობას. აქტიურად ვთანამშრომლობ კერძო კომპანიებთან, ბიზნეს სამართლის მიმართულებით გთავაზობთ მომსახურებას. ჩემი გამოცდილება ადვოკატობამდე მოიცავს, იურისტად მუშაობას სხვადასხვა კერძო კომპანიასთან. ასევე აქტიურად ვიყავი ჩართული საიას სხვადასხვა პროექტში. 2014 წლიდან ვარ საქართველოს ახალგაზრდა იურისტთა ასოციაციის წევრი. ვატარებ ტრენინგებს სხვადასხვა ორგანიზაციებისთვის სამართლის მოთხოვნად თემებზე.

საერთო სპეციალიზაციის ადვოკატი 2021 წლიდან, დამატებითი სპეციალიზაციით ბავშვთა უფლებებისა და არასრულწლოვანთა მართლმსაჯულების მიმართულებით. 2024 წლიდან არის სერტიფიცირებული მედიატორი. იურიდიულ სფეროში მუშაობის გამოცდილება აქვს 2014 წლიდან როგორც კერძო, ასევე საჯარო სექტორში, რაც უზრუნველყოფს მრავალმხრივ პრაქტიკულ ცოდნასა და პროფესიულ უნარებს სხვადასხვა ტიპის სამართლებრივ საკითხებში. განათლება მიღებული აქვს თბილისის სახელმწიფო უნივერსიტეტი-ში: • მაგისტრის ხარისხი – კერძო სამართლის მიმართულებით (2018–2020 წწ.) • ბაკალავრის ხარისხი – სამართლის მიმართულებით (2014–2018 წწ.) პროფესიული საქმიანობის ფარგლებში ორიენტირებულია კლიენტზე მორგებულ, ეფექტიან და ეთიკურ სამართლებრივ მომსახურებაზე. სამუშაო ენები: ქართული, ინგლისური,რუსული.

ნინო ხუციშვილი არის ადვოკატი, რომელიც სპეციალიზირებულია სამოქალაქო და ადმინისტრაციულ სამართალში. 2016-2020 წლებში წარჩინებით დაამთავრა საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტი, ხოლო 2020-2022 წლებში სწავლობდა სულხან-საბა ორბელიანის უნივერსიტეტში, კერძო სამართლის მიმართულებით. ფლობს რუსულ და ინგლისურ ენებს. 2016-2018 წლებში იყო საქართველოს ტექნიკური უნივერსიტეტის თვითმმართველობის აქტიური წევრი. 2018 წელს საქმიანობდა ა(ა)იპ „ასოციაცია პირველი თანასწორთა შორის“-ში იურისტისა და ორგანიზაციის წევრის სტატუსით. მონაწილეობდა პროექტების ორგანიზებაში, ჯგუფების ხელმძღვანელობასა და მენტორობაში, მათ შორის, სკოლებს შორის იმიტირებულ სისხლის სამართლის პროცესებში. 2018 წლიდან არის ა(ა)იპ „თავისუფალი განვითარებისა და სამართლის ცენტრი“-ს თანადამფუძნებელი, სადაც აქტიურად იყო ჩართული პროექტების წერასა და ორგანიზებაში, მოლაპარაკებების წარმოებასა და ორგანიზაციულ მართვაში. 2018-2019 წლებში გაიარა სტაჟირება საქართველოს ტექნიკური უნივერსიტეტის სამართლის კლინიკის იურიდიული კონსულტაციის ცენტრში, 2018-2020 წლებში - მაღალი აკადემიური მოსწრებისთვის დაენიშნა სახელმწიფო სტიპენდია და 2019-2020 წლებში - გაიარა სახელმწიფო სტაჟირება თბილისის საქალაქო სასამართლოში. 2019-2020 წლებში მუშაობდა ადვოკატის თანაშემწედ მერიის ა(ა)იპ იურიდიულ კლინიკაში - „ჩემი ადვოკატი“. 2020-2024 წლებში მუშაობდა სს „თიბისი ბანკში“ იურისტის პოზიციაზე. მისი საქმიანობა მოიცავდა საკრედიტო და იურიდიული დოკუმენტაციის მომზადებასა და ვიზირებას, კლიენტებთან კომუნიკაციას, დოკუმენტების კანონმდებლობასთან და ბანკის შიდა სტანდარტებთან შესაბამისობის უზრუნველყოფას, საკრედიტო პროდუქტების პროგრამულ რეგისტრაციას, სესხების გაცემისა და გადაფარვის პროცედურების განხორციელებასა და საკრედიტო დოკუმენტაციის სრულ ადმინისტრირებას, ხოლო 2024 წლიდან მუშაობს იურისტად სს “პროკრედიტ ბანკში”. 2021-2024 წლებში იყო შპს „რეესტრი+“-ის ავტორიზებული პირი და ახორციელებდა საჯარო რეესტრში უძრავი ქონებისა და მასთან დაკავშირებული ცვლილებების რეგისტრაციას, ასევე, შსს მომსახურების სააგენტოში - სატრანსპორტო საშუალებების გირავნობის რეგისტრაციას. გავლილი აქვს არაერთი პროფესიული ტრენინგი და კურსი, მიღებული აქვს უამრავი სერთიფიკატი. მისი პროფესიული კარიერა მოიცავს როგორც კერძო, ასევე საჯარო სექტორებში მუშაობას, სადაც მან დააგროვა მნიშვნელოვანი გამოცდილება სამართლის სხვადასხვა დარგებში.

ლაშა სოზაშვილი არის ფინანსური მენეჯერი და მთავარი ბუღალტერი 15 წელზე მეტი პროფესიული გამოცდილებით ფინანსური მართვისა და ბუღალტრული აღრიცხვის სფეროში. დაამთავრა ივანე ჯავახიშვილის სახელობის თბილისის სახელმწიფო უნივერსიტეტი, ეკონომიკისა და ბიზნესის ფაკულტეტი, სპეციალობით „ინფორმატიკა ბიზნესში“. პროფესიული კარიერის განმავლობაში იკავებდა ფინანსური მენეჯერისა და მთავარი ბუღალტრის პოზიციებს როგორც კერძო სექტორში, ასევე არასამთავრობო და დონორ ორგანიზაციებში. აქვს მრავალწლიანი გამოცდილება საერთაშორისო და ადგილობრივი საგრანტო პროექტების ფინანსურ ადმინისტრირებაში, ბიუჯეტირებაში, საგადასახადო დეკლარირებასა და ფინანსურ ანგარიშგებაში. მისი საქმიანობა მოიცავს სრული საბუღალტრო აღრიცხვის წარმოებას, ფინანსური რისკების მართვას, შიდა კონტროლის მექანიზმების დანერგვასა და დონორებთან ანგარიშგების პროცესის უზრუნველყოფას. პროფესიული სტილი ეფუძნება სიზუსტეს, ფინანსურ დისციპლინასა და კანონმდებლობასთან სრულ შესაბამისობას.

თამარ ავალიანი გახლავთ საერთო სპეციალიზაციის ადვოკატი საქართველოდან. 2015 – 2019 წლებში სწავლობდა იურიდიულ ფაკულტეტზე თბილისის სახელმწიფო უნივერსიტეტში, ხოლო 2019-2020 წლებში საგადასახადო დაგეგმვისა და იურიდიული კონსულტაციის სამაგისტრო პროგრამაზე კატალონიის საერთაშორისო უნივერსიტეტში (UIC Barcelona) ბარსელონაში, ესპანეთი. პრაქტიკული გამოცდილების დაგროვება დაიწყო 2016 წლიდან, სტაჟიორად და უმცროს იურისტად მუშაობდა რამდენიმე იურიდიულ კომპანიაში, ასევე გახლდათ არბიტრის თანაშემწე მუდმივმოქმედ არბიტრაჟში „სამართლიანი არბიტრი“. 2018 წლიდან თამარ ავალიანი არის იურიდიული კომპანია „სოხაძე, ბარამაშვილი და პარტნიორები“-ს პარტნიორი იურისტი, 2020-2021 წლებში იკავებდა დირექტორის პოზიციას იურიდიულ კომპანია „ემ ჯი აი ჯგუფში“. 2021 წლიდან კი იკავებს გენეტიკის ეროვნული ლაბორატორიის იურისტის თანამდებობას და პარალელურად გახლავთ საქართველოს ადვოკატთა ასოციაციის წევრი.

Visionary Crypto Entrepreneur | Co-Founder of Crypto Bazari Studio & Pixel Academy | Pioneering Web3 Education and Investment Strategies in Georgia As a trailblazing leader in the crypto ecosystem, I co-founded Crypto Bazari Studio in 2021, establishing it as Georgia's premier and exclusive crypto community. We wield unparalleled influence over regulatory frameworks, market dynamics, and key players—ensuring that major exchanges align with our vision or risk market dominance. Under my guidance, we've invested strategically in Bitcoin and cryptocurrencies over four years, delivering an average annual return of 783% and transforming from a startup to the region's undisputed market boss. Building on this success, I've served as a trusted advisor to leading exchanges, providing expertise in regulatory compliance, lobbying, community engagement, and data-driven strategies. My team and I developed comprehensive service packages that empower platforms to thrive. Since 2022, we've managed over $1.3 million in investor assets as hands-on investment managers, prioritizing precision and growth. In parallel, I co-founded Pixel Academy, the region's sole educational powerhouse for crypto finance, investment, Web3 solutions, blockchain development (including Solidity, Rust, and testnets), project management, and crypto engineering. As CEO, I've forged strategic partnerships with global giants like Bitcoin Magazine, Glassnode, Messari.io, and exchanges including Binance, Bybit, WhiteBIT, Bitnet, Cryptal, and PrimeXBT. I've also launched innovative hackathon marathons and built a vibrant developer community to capitalize on emerging opportunities. My crowning innovation? An Automated Investment App—the first in crypto history to integrate traditional finance principles (NPV, CAGR, Beta, CAPM) with on-chain analytics like Cointime Theory. It empowers users to make superior decisions based on sentiments, on-chain data, financial metrics, and FED policies, outperforming any traditional broker. Passionate about democratizing crypto's potential, I'm eager to connect with investors and collaborators to scale these ventures globally. Let's shape the future of finance together.