ფიზიკური პირის რეზიდენტობის წესები
საქართველოსა და არაბეთის გაერთიანებული საამიროების შორის გადაადგილებული პირების საგადასახადო დაგეგმვა იწყება რეზიდენტობის სწორი განსაზღვრიდან. საგადასახადო კოდექსის მიხედვით, საქართველოს რეზიდენტად მთელი მიმდინარე საგადასახადო წლის განმავლობაში ითვლება ფიზიკური პირი, რომელიც ფაქტობრივად იმყოფება საქართველოს ტერიტორიაზე ას ოთხმოცდასამ დღე ან მეტ ხანს ნებისმიერი უწყვეტი თორმეტი კალენდარული თვის პერიოდში, რომელიც მთავრდება ამ საგადასახადო წელს. ყოფნის დღედ ითვლება დღე, რომლის განმავლობაშიც პირი საქართველოში იმყოფებოდა ხანგრძლივობის მიუხედავად, ხოლო დრო, რომლითაც პირი საქართველოს ფარგლებს გარეთ გავიდა სპეციალურად სამკურნალოდ, დასასვენებლად, მივლინებით ან სასწავლებლად, ყოფნის დროდ ითვლება.
ამავდროულად, ფაქტოვრივი ყოფნის დროს არ მიეკუთვნება პერიოდი, როდესაც პირი იმყოფებოდა საქართველოში დიპლომატიური ან საკონსულო სტატუსით ან ასეთი პირის ოჯახის წევრად, საერთაშორისო ორგანიზაციის თანამშრომლად ან უცხო ქვეყნის სახელმწიფო სამსახურში მყოფ პირად, ტრანზიტულ გადაადგილებისას ერთი უცხო ქვეყნიდან მეორეში, ასევე სამკურნალოდ ან დასასვენებლად ყოფნისას. რეზიდენტობის სტატუსი ყოველი საგადასახადო პერიოდისთვის ცალკე დგინდება, და ის დღეები, რომლებითაც პირი წინა პერიოდში ჩაითვალა რეზიდენტად, მომდევნო პერიოდში აღარ გაითვალისწინება — ეს წესი ორ ქვეყანას შორის მოძრავ პირებს ზუსტ დღეთა აღრიცხვას ავალდებულებს.