Статья 1. არჩევნების საფუძვლები
1. ადგილობრივი წარმომადგენლობითი ორგანოების – საკრებულოების (შემდგომში – საკრებულოები) არჩევნები ტარდება საყოველთაო, თანასწორი და პირდაპირი საარჩევნო უფლების საფუძველზე, ფარული კენჭისყრით.
2. ადგილობრივი წარმომადგენლობითი ორგანოების – საკრებულოების არჩევნები ტარდება მრავალმანდატიანი საარჩევნო ოლქების მიხედვით, პროპორციული საარჩევნო სისტემის საფუძველზე, თუ შესაბამისი საკრებულოს ტერიტორიაზე ამომრჩეველთა რაოდენობა აღემატება 2000-ს.
3. ადგილობრივი წარმომადგნლობითი ორგანოების – საკრებულოების არჩევნები ტარდება მრავალმანდატიანი საარჩევნო ოლქების მიხედვით, მაჟორიტარული საარჩევნო სისტემის საფუძველზე, თუ შესაბამისი საკრებულოს ტერიტორიაზე ამომრჩეველთა რაოდენობა არ აღემატება 2000-ს.
4. საკრებულოს წევრები აირჩევიან მისი უფლებამოსილების ვადით – 3 წლით.