სანდრო სარუხანიშვილი არის სამართლის დოქტორი კვალიფიციური იურისტი, რომელიც სპეციალიზებულია სამოქალაქო და ადმინისტრაციულ სამართალში, დიდი მონაცემების, ციფრული კომერციისა და ციფრული ბაზრების სამართალში. მას აქვს მნიშვნელოვანი გამოცდილება საბანკო საქმეში, იურიდიული დოკუმენტაციის მომზადებაში, კონტრაქტების ანალიზსა და შესაბამისობის უზრუნველყოფაში. სანდრომ სამართლის მაგისტრის ხარისხი მიიღო სულხან-საბა ორბელიანის უნივერსიტეტში (2020-2022). მანამდე, 2015-2019 წლებში, სამართლის ბაკალავრის ხარისხი მოიპოვა თბილისის სახელმწიფო უნივერსიტეტში (თსუ). სანდრო გაცვლითი პროგრამით სწავლობდა კადისის უნივერსიტეტში, კადისი, ესპანეთი, (2024-2025), LUMSA-ს, რომი, იტალია (2021-2022) და ვილნიუსის უნივერსიტეტში, ვილნიუსი, ლიეტუვა (2017-2018). სანდროს პროფესიული უნარები მოიცავს სამართლებრივ კვლევას, პრობლემის გადაჭრას, ანალიტიკურ აზროვნებას და სამართლებრივ წერას. ის ფლობს Microsoft Office-ის პროგრამებსა და სამართლებრივ ბაზებზე მუშაობის უნარს.  მისი ძლიერი მხარეებია დეტალებზე ორიენტირებულობა, კრიტიკული ანალიზი, ადაპტირებულობა, ორგანიზებულობა და კომუნიკაციის უნარი.

ნინო ლიპარტია — სამართლის დოქტორი (PhD), ადვოკატი, სამედიცინო, შრომისა და სადაზღვევო სამართლის სპეციალისტი, 15+ წლიანი მრავალმხრივი პროფესიული გამოცდილებით. არის „Medical Disputes Centre“-ის დამფუძნებელი და პარტნიორი. ამჟამად წარმოადგენს საქართველოს ადვოკატთა ასოციაციის აღმასრულებელი საბჭოს წევრს, UN Global Compact Network Georgia-ს საბჭოს წევრს, კლინიკა „იმედის“ მთავარ იურიდიულ მრჩეველს და ორგანიზაციის „Georgian Lawyers for Independent Profession“ აღმასრულებელ დირექტორს. ასევე არის აზიისა და ყურის ქვეყნების ბიზნეს პალატის იურიდიული კომიტეტის თავმჯდომარის მოადგილე. პროფესიული საქმიანობის ფარგლებში მრავალი წლის განმავლობაში იკავებდა ხელმძღვანელ პოზიციებს სადაზღვევო სექტორში, მათ შორის იყო იურიდიული დეპარტამენტის ხელმძღვანელი „Ardi Insurance“-ში და მთავარი იურიდიული მრჩეველი სადაზღვევო კომპანია „Avtografi“-ში. აქვს პრაქტიკული გამოცდილება ადვოკატურ საქმიანობაში, წარმომადგენლობით სასამართლო და საარბიტრაჟო დავებში, ასევე მუშაობს არბიტრად დავების გადაწყვეტის ცენტრში (DRC). აკადემიური და პედაგოგიური მიმართულებით არის ასოცირებული პროფესორი და ლექტორი რამდენიმე წამყვან უნივერსიტეტში (Ilia State University, Grigol Robakidze University, Sulkhan-Saba University, Tbilisi State University და სხვ.), სადაც კითხულობს კურსებს სამედიცინო, შრომისა და ადამიანის უფლებათა სამართალში. ასევე აქტიურად მონაწილეობს პროფესიული ტრენინგების ჩატარებაში როგორც ტრენერი და პროგრამების ხელმძღვანელი. არის „Legal Profession Development Center“-ის დამფუძნებელი და თავმჯდომარე, მრავალი პროფესიული ფორუმისა და ტრენინგის ორგანიზატორი და სპიკერი. საერთაშორისო დონეზე მონაწილეობს კონფერენციებსა და კვლევით პროექტებში როგორც სპიკერი და დელეგატი (ევროპა, აზია), სადაც მისი კვლევითი ინტერესები მოიცავს: • სამედიცინო სამართალსა და ბიოეთიკას • პაციენტის ინფორმირებულ თანხმობასა და ავტონომიას • ვაქცინაციის სამართლებრივ და ეთიკურ საკითხებს • ჯანდაცვის სისტემაში სამართლებრივ რეგულირებასა და პასუხისმგებლობას • ძვირადღირებულ მედიკამენტებზე ხელმისაწვდომობას არის არაერთი სამეცნიერო ნაშრომის, მონოგრაფიისა და სახელმძღვანელოს ავტორი და თანაავტორი, მათ შორის სამოქალაქო სამართლის კომენტარების, შრომის სამართლისა და ალტერნატიული დავების გადაწყვეტის (ADR) მიმართულებით. მისი პროფესიული საქმიანობა აერთიანებს პრაქტიკულ იურიდიულ გამოცდილებას, აკადემიურ ცოდნასა და საერთაშორისო ხედვას, რაც მიმართულია სამართლებრივი სტანდარტების გაუმჯობესებისა და ეფექტიანი სამართლებრივი მექანიზმების განვითარებაზე.

მია ზოიძე არის მრავალწლიანი გამოცდილების მქონე ადვოკატი და იურიდიული კომპანია „გიორგი ფანცულაია და პარტნიორები“-ს დამფუძნებელი პარტნიორი. იგი ფლობს სამართლისა და სოციალური ფსიქოლოგიის მაგისტრის ხარისხებს და პროფესიულ საქმიანობაში აქტიურად იყენებს როგორც სამართლებრივ ცოდნას, ასევე კომუნიკაციისა და მოლაპარაკებების ფსიქოლოგიურ მიდგომებს. მია ზოიძე მუშაობს სისხლის, სამოქალაქო და ადმინისტრაციული სამართლის მიმართულებით. მისი პრაქტიკა მოიცავს ბიზნესთან დაკავშირებულ დავებს, ხელშეკრულებით ურთიერთობებს, ქონებრივ და საოჯახო საკითხებს, ასევე რთულ და საზოგადოებისთვის მნიშვნელოვან საქმეებს. ჩაბარებული აქვს არასრულწლოვანთა მართლმსაჯულების სპეციალიზაციის გამოცდები როგორც სისხლის, ასევე სამოქალაქო სამართლის სფეროში. პრაქტიკის განმავლობაში მონაწილეობდა საზოგადოებისთვის ცნობილ არაერთ რეზონანსულ საქმეში. აქვს გამოცდილება მედიასთან, ადგილობრივ და საერთაშორისო არასამთავრობო ორგანიზაციებთან, დიპლომატიურ კორპუსთან, საქართველოს სახალხო დამცველის აპარატთან და სახელმწიფო ინსტიტუტებთან თანამშრომლობის მიმართულებით. მია ზოიძე ახორციელებს სამართლებრივ წარმომდგენლობას ქართულ, ინგლისურ და რუსულ ენებზე.

ნინო ხუციშვილი არის ადვოკატი, რომელიც სპეციალიზირებულია სამოქალაქო და ადმინისტრაციულ სამართალში. 2016-2020 წლებში წარჩინებით დაამთავრა საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტი, ხოლო 2020-2022 წლებში სწავლობდა სულხან-საბა ორბელიანის უნივერსიტეტში, კერძო სამართლის მიმართულებით. ფლობს რუსულ და ინგლისურ ენებს. 2016-2018 წლებში იყო საქართველოს ტექნიკური უნივერსიტეტის თვითმმართველობის აქტიური წევრი. 2018 წელს საქმიანობდა ა(ა)იპ „ასოციაცია პირველი თანასწორთა შორის“-ში იურისტისა და ორგანიზაციის წევრის სტატუსით. მონაწილეობდა პროექტების ორგანიზებაში, ჯგუფების ხელმძღვანელობასა და მენტორობაში, მათ შორის, სკოლებს შორის იმიტირებულ სისხლის სამართლის პროცესებში. 2018 წლიდან არის ა(ა)იპ „თავისუფალი განვითარებისა და სამართლის ცენტრი“-ს თანადამფუძნებელი, სადაც აქტიურად იყო ჩართული პროექტების წერასა და ორგანიზებაში, მოლაპარაკებების წარმოებასა და ორგანიზაციულ მართვაში. 2018-2019 წლებში გაიარა სტაჟირება საქართველოს ტექნიკური უნივერსიტეტის სამართლის კლინიკის იურიდიული კონსულტაციის ცენტრში, 2018-2020 წლებში - მაღალი აკადემიური მოსწრებისთვის დაენიშნა სახელმწიფო სტიპენდია და 2019-2020 წლებში - გაიარა სახელმწიფო სტაჟირება თბილისის საქალაქო სასამართლოში. 2019-2020 წლებში მუშაობდა ადვოკატის თანაშემწედ მერიის ა(ა)იპ იურიდიულ კლინიკაში - „ჩემი ადვოკატი“. 2020-2024 წლებში მუშაობდა სს „თიბისი ბანკში“ იურისტის პოზიციაზე. მისი საქმიანობა მოიცავდა საკრედიტო და იურიდიული დოკუმენტაციის მომზადებასა და ვიზირებას, კლიენტებთან კომუნიკაციას, დოკუმენტების კანონმდებლობასთან და ბანკის შიდა სტანდარტებთან შესაბამისობის უზრუნველყოფას, საკრედიტო პროდუქტების პროგრამულ რეგისტრაციას, სესხების გაცემისა და გადაფარვის პროცედურების განხორციელებასა და საკრედიტო დოკუმენტაციის სრულ ადმინისტრირებას, ხოლო 2024 წლიდან მუშაობს იურისტად სს “პროკრედიტ ბანკში”. 2021-2024 წლებში იყო შპს „რეესტრი+“-ის ავტორიზებული პირი და ახორციელებდა საჯარო რეესტრში უძრავი ქონებისა და მასთან დაკავშირებული ცვლილებების რეგისტრაციას, ასევე, შსს მომსახურების სააგენტოში - სატრანსპორტო საშუალებების გირავნობის რეგისტრაციას. არის იურისტი და დამოუკიდებელი სპეციალისტი, რომელიც თანამშრომლობს Legal.ge-ის იურიდიული სერვისების პლატფორმასთან. 2026 წლის მარტიდან არის არასამთავრობო ორგანიზაცია "იურისტთა საერთაშორისო საზოგადოების" წევრი. მისი პროფესიული საქმიანობა მოიცავს იურიდიული კონსულტაციების გაწევას და პროფესიულ განვითარებაზე ორიენტირებულ აქტოვობებში აქტიურ ჩართულობას. გავლილი აქვს არაერთი პროფესიული ტრენინგი და კურსი, მიღებული აქვს უამრავი სერთიფიკატი. მისი პროფესიული კარიერა მოიცავს როგორც კერძო, ასევე საჯარო სექტორებში მუშაობას, სადაც მან დააგროვა მნიშვნელოვანი გამოცდილება სამართლის სხვადასხვა დარგებში.

განათლება ბაკალავრი - აკაკი წერეთლის სახელმწიფო უნივერსიტეტი - 2012-2016 - ბიზნესის, სამართლისა და სოციალურ მეცნიერებათა ფაკულტეტი, სამართალმცოდნე მაგისტრანტი - კავკასიის უნივერსიტეტი - 2016-2019 - სამართალი, სამართალმცოდნე სამუშაო გამოცდილება ადვოკატი - საერთო სპეციალიზაცია (სისხლის სამართალი, სამოქალაქო სამართალი, ადმინისტრაციული სამართალი) , მათ შორის დამატებითი სპეციალიზაციები, არასრულწლოვანთა მართლმსაჯულებასა და ბავშვის უფლებებში. ვმუშაობ წარმატებით სამართლის ყველა მიმართულებით. გთავაზობთ, წარმომადგენლობას საგამოძიებო ორგანოებში, კერძო და საჯარო დაწესებულებებში, სასამართლოში, კვალიფიციურ კონსულტაციებს, ხელშეკრულებებსა და სხვა სახის დოკუმენტებზე მუშაობას. აქტიურად ვთანამშრომლობ კერძო კომპანიებთან, ბიზნეს სამართლის მიმართულებით გთავაზობთ მომსახურებას. ჩემი გამოცდილება ადვოკატობამდე მოიცავს, იურისტად მუშაობას სხვადასხვა კერძო კომპანიასთან. ასევე აქტიურად ვიყავი ჩართული საიას სხვადასხვა პროექტში. 2014 წლიდან ვარ საქართველოს ახალგაზრდა იურისტთა ასოციაციის წევრი. ვატარებ ტრენინგებს სხვადასხვა ორგანიზაციებისთვის სამართლის მოთხოვნად თემებზე.

სალომე ბეჟაშვილი არის ადვოკატი, მედიატორი, ლექტორი და საადვოკატო ბიუროს (BBK - Business & Law) მმართველი პარტნიორი, რომელსაც 15 წელზე მეტი პროფესიული გამოცდილება აქვს ბიზნეს სამართლის, კომერციული სამართლის, შრომითი სამართლის, კორპორაციული მმართველობის, მედიაციისა და დავების ეფექტიანი გადაწყვეტის მიმართულებით. იგი არის საადვოკატო ბიურო „ბი ბი ქეი – ბიზნესი და სამართალი“ (BBK)-ის მმართველი პარტნიორი და სამართლის მიმართულების ხელმძღვანელი, ასევე საერთაშორისო ბიზნეს წარმომადგენლობა რეკუსის მმართველი პარტნიორი. პარალელურად ხელმძღვანელობს საერთაშორისო კომპანია AE-SOLAR იურიდიულ დეპარტამენტს და წარმოადგენს არაერთ ქართულ და უცხოურ კომპანიას ყოველდღიურ სამართლებრივ საქმიანობასა და სტრატეგიულ გადაწყვეტილებებში. სალომე ბეჟაშვილი 2017 წლიდან არის საქართველოს ადვოკატთა ასოციაციის წევრი, მენტორი ადვოკატი და აქტიურად მონაწილეობს პროფესიული სტანდარტების განვითარებაში. 2022–2025 წლებში ხელმძღვანელობდა საქართველოს ადვოკატთა ასოციაციის კონკურენციისა და კომერციული სამართლის კომიტეტს, ხოლო მანამდე იყო მედიაციისა და არბიტრაჟის განვითარების კომიტეტის თავმჯდომარე. დღეის მდგომარეობით კი არის საქართველოს ადვოკატთა ასოციაციის კომერციული სამართლის კომიტეტის თავმჯდომარე. იგი არის საქართველოს მედიატორთა ასოციაციის დამფუძნებელი წევრი და აკრედიტებული მედიატორი, სასამართლო მედიატორი, ასევე საქართველოს მედიაციის პალატის (BBK) დამფუძნებელი წევრი და აღმასრულებელი დირექტორი. 2019–2023 წლებში საქმიანობდა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს კოლექტიური შრომითი დავების მედიატორად, სადაც მონაწილეობდა მრავალ მნიშვნელოვან შრომით დავაში. სალომე არის კავკასიის უნივერსიტეტის მოწვეული ლექტორი, სადაც ასწავლის საგანს „დავის ალტერნატიული გადაწყვეტის გზები“. ასევე არის მარკეტინგის საერთაშორისო სკოლის მენტორი და აქტიურად მონაწილეობს ახალგაზრდა იურისტებისა და ბიზნესის წარმომადგენლების პროფესიულ განვითარებაში. მის პროფესიულ გამოცდილებაში შედის როგორც კერძო სექტორის, ისე სახელმწიფო უწყებებისა და საერთაშორისო პროექტების სამართლებრივი მხარდაჭერა. სხვადასხვა პერიოდში ეკავა იურიდიული დეპარტამენტის ხელმძღვანელისა და მთავარი იურისტის პოზიციები სახელმწიფო და კერძო ორგანიზაციებში, მათ შორის საქართველოს მთავრობის ადმინისტრაციაში, ევროპის ახალგაზრდული ოლიმპიური ფესტივალისა (თბილისი 2015) და ევროპის ახალგაზრდული მძლეოსნობის ჩემპიონატის საორგანიზაციო კომიტეტებში, ასევე სხვადასხვა საერთაშორისო და ადგილობრივ კომპანიაში. 2016 წლიდან სალომე ბეჟაშვილი ხელმძღვანელობს საქართველოს მძლეოსნობის ეროვნული ფედერაციის იურიდიულ დეპარტამენტს, ხოლო სხვადასხვა პერიოდში იყო სსიპ საზღვაო ტრანსპორტის სააგენტოსა და ბათუმის სახელმწიფო საზღვაო აკადემიის იურისტი. სალომე ბეჟაშვილს მიღებული აქვს სამართლის ბაკალავრისა და მაგისტრის ხარისხები კავკასიის უნივერსიტეტში. დამატებით გავლილი აქვს შრომის საერთაშორისო ორგანიზაციის (ILO) სპეციალიზებული პროგრამა შრომის საერთაშორისო სტანდარტების მიმართულებით. მისი საქმიანობის ძირითადი მიმართულებებია: ბიზნესისა და კორპორაციული სამართალი; კომერციული და სახელშეკრულებო სამართალი; შრომითი სამართალი; მედიაცია და დავების ალტერნატიული გადაწყვეტა (ADR); კორპორაციული მმართველობა და სამართლებრივი რისკების მართვა; საერთაშორისო ბიზნესის სამართლებრივი მხარდაჭერა; სასამართლო წარმომადგენლობა და კომპლექსური სამართლებრივი კონსულტაცია. სალომე ბეჟაშვილი თავისუფლად ფლობს ქართულ, ინგლისურ და რუსულ ენებს

დავიბადე 1998 წელს, ქალაქ ბათუმში. დავამთავრე პირველი საჯარო სკოლა. სწავლა გავაგრძელე თბილისის სახელმწიფო უნივერსიტეტში იურიდიულ ფაკულტეტზე. სკოლა და უნივერსიტეტი დავამთავრე წარჩინებით. 2019 წლიდან დავიწყე მუშაობა პროფესიული მიმართულებით და დღემდე ვმუშაობ. მიყვარს სპორტი, ლიტერატურა, ხელოვნება და ადამიანებთან ურთიერთობა. ვფლობ ქართულ, ინგლისურ და რუსულ ენებს. 2026 წელს დავოჯახდი და კიდევ უფრო გავიაზრე, რომ მხოლოდ სიყვარული გადაგვარჩენს ამ სამყაროში.

სალომე კობერიძე არის Strategic Counsel Group-ის პარტნიორი 10 წელზე მეტი პროფესიული გამოცდილებით საკორპორაციო და სამოქალაქო სამართლის სფეროებში. მისი საქმიანობა მოიცავს ბიზნეს პროცესების სრულ სამართლებრივ მხარდაჭერას, სასამართლოში წარმომადგენლობის ჩათვლით. პროფესიული საქმიანობის ფარგლებში მან მნიშვნელოვანი გამოცდილება შეიძინა სხვადასხვა სექტორში ოპერირებად მსხვილ ორგანიზაციებში მუშაობისას, მათ შორის, შპს „ჯიარ ლოგისტიკში“ (სს „საქართველოს რკინიგზის“ შვილობილი კომპანია), შპს „საქართველოს ფოსტასა“ და სავაჭრო მარკეტების ქსელ შპს “გვირილა რითეილში”, სადაც პასუხისმგებელი იყო ორგანიზაციების საქმიანობის სრულ სამართლებრივ მხარდაჭერაზე. პარალელურად სალომე კობერიძე ეწევა აქტიურ აკადემიურ საქმიანობას, არის სულხან-საბა ორბელიანის უნივერსიტეტის აფილირებული ასისტენტი და დოქტორანტი, მონაწილეობს საერთაშორისო აკადემიურ პროექტებსა და სამართლებრივ კვლევებში. სალომე კობერიძე არის არაერთი სტატიის ავტორი. მისი აკადემიური და პროფესიული გამოცდილება მოიცავს საერთაშორისო კომპონენტებს, მათ შორის, დოქტორანტურის საფეხურზე სწავლას კადისის უნივერსიტეტში (Cadiz University, Spain) და კვლევით ვიზიტს მაქს პლანკის ინსტიტუტში (Max Planck Institute for Comparative and International Private Law in Hamburg, Germany).

ნაზი შიოშვილი ბიზნეს იურისტი, რომელიც ორიენტირებულია შედეგზე, პასუხისმგებლობასა და თითოეული კლიენტის ინტერესების მაქსიმალურ დაცვაზე. საქმიანობას ვახორციელებ ბიზნეს სამართლის მიმართულებით და ყოველდღიურად ვმუშაობ როგორც კომპანიებთან, ისე კერძო პირებთან სამართლებრივ საკითხებზე. ჩემთვის მნიშვნელოვანია, რომ თითოეულმა კლიენტმა მიიღოს არა მხოლოდ იურიდიული მომსახურება, არამედ სწორი სტრატეგია, უსაფრთხოება და ნდობა. მაქვს გამოცდილება ხელშეკრულებების, შრომითი და ბიზნეს სამართლის, სამართლებრივი დოკუმენტაციის, მოლაპარაკებებისა და ბიზნეს პროცესების იურიდიული მხარდაჭერის მიმართულებით. განსაკუთრებულ ყურადღებას ვაქცევ დეტალებს, დროულ კომუნიკაციასა და პრობლემის ეფექტურად გადაწყვეტას. ასევე მაქვს გამოცდილება სამედიცინო და ჯანდაცვის სამართლის მიმართულებით — როგორც სამედიცინო დაწესებულების ინტერესების სამართლებრივი დაცვის, ასევე პაციენტის უფლებების დაცვის კუთხით. შემიძლია სამედიცინო დაწესებულების იურიდიული მოწყობა და სამართლებრივი პროცესების გამართვა, მათ შორის ნებართვებთან და რეგულაციებთან დაკავშირებული საკითხების სრულყოფილი უზრუნველყოფა. ჩემთვის მთავარი პრინციპებია პროფესიონალიზმი, ეთიკა და კლიენტის ინტერესებზე სრულად მორგებული მიდგომა.