ყაჩაღობა – მუხლი 179 და მისი ოთხი დონე
ყაჩაღობა საქართველოს სისხლის სამართლის კოდექსის მძიმე დანაშაულთა რიცხვს განეკუთვნება: სასჯელი ამ მუხლით იწყება ხუთი წლით და მიდის თხუთმეტ წლამდე თავისუფლების აღკვეთის სახით კანონი ყაჩაღობას განსაზღვრავს როგორც თავდასხმას სხვისი მოძრავი ნივთის მართლსაწინააღმდეგო მისაკუთრების მიზნით, ჩადენილს სიცოცხლისათვის ან ჯანმრთელობისათვის საშიში ძალადობით ანდა ასეთი ძალადობის გამოყენების მუქარით. თუ ასეთი ბრალდება თქვენ შეეხოთ, მნიშვნელოვანია პირველივე დღიდან იცოდეთ, რომელი ელემენტებზეა აგებული ეს შემადგენლობა და რა ამაღლებს სასჯელს – სწორედ ამ დეტალებშია თავდაცვის შესაძლებლობები.