Article 5. რეზიდენტობის ცნობის მოთხოვნა (ფორმა №4)

1. ფორმა №4-ის I ნაწილი ივსება საქართველოს რეზიდენტის მიერ, ხოლო II ნაწილი კი საქართველოს საგადასახადო ორგანოს მიერ.

2. ფორმა №4-ის I ნაწილის: ა) პირველ გრაფაში მიეთითება რეზიდენტის სახელი და გვარი - ფიზიკური პირის შემთხვევაში, ხოლო იურიდიული პირის შემთხვევაში - სახელწოდება; ბ) მე-2 გრაფაში მიეთითება საქართველოს გადასახადის გადამხდელის საიდენტიფიკაციო ნომერი (ასეთის არსებობის შემთხვევაში); გ) მე-3 გრაფაში მიეთითება სრული მისამართი (საცხოვრებელი ადგილის მისამართი/იურიდიული მისამართი); დ) მე-4 გრაფა ივსება მხოლოდ იმ შემთხვევაში, თუ რეზიდენტი არის ფიზიკური პირი. აღინიშნება პირადობის დამადასტურებელი საბუთის სახელწოდება (მოწმობა, პასპორტი), საბუთის გაცემის თარიღი, მოქმედების ვადა და პირადი ნომერი; ე) მე-5 გრაფაში რეზიდენტი მიუთითებს, თუ რა კრიტერიუმის საფუძველზე განიხილება იგი საქართველოს რეზიდენტად; ვ) ფორმა №4 - ის პირველი ნაწილის ბოლოს აღინიშნება შევსების თარიღი, შესაბამისი უფლებამოსილება/თანამდებობა და რეზიდენტი მოთხოვნას ადასტურებს ხელმოწერით და ოფიციალური ბეჭდით (ასეთის არსებობის შემთხვევაში).