„ტექნიკური საფრთხის კონტროლის შესახებ“
Article 10. ინტერესთა კონფლიქტის გამორიცხვა
Consolidation №9 Verified against the current consolidation · 8 May 2012
1. საინსპექციო ორგანო დამოუკიდებელია დაინტერესებული მხარეებისაგან.
2. საინსპექციო ორგანო და მისი პერსონალი, რომლებიც პასუხისმგებელი არიან ინსპექტირების განხორციელებისთვის, უშუალოდ არ უნდა მონაწილეობდნენ ობიექტის დაპროექტებაში, წარმოებაში, მიწოდებაში, მონტაჟსა და რემონტში და არ უნდა იყვნენ ზემოაღნიშნულ ფუნქციათა შემსრულებელი პირების უფლებამოსილი წარმომადგენლები.
3. საინსპექციო ორგანო არ უნდა ახორციელებდეს სხვა ისეთ საქმიანობას, რომელმაც შეიძლება ზეგავლენა მოახდინოს მის გადაწყვეტილებათა დამოუკიდებლობაზე და მის მიუკერძოებლობაზე.
4. საინსპექციო ორგანოს ხელმძღვანელს და ობიექტის მფლობელს არ შეიძლება ჰქონდეთ საერთო ეკონომიკური ინტერესი.