სისხლის სამართლის სფეროში საერთაშორისო თანამშრომლობის შესახებ
მუხლი 20. სამხედრო დანაშაული
რედაქცია №12 გადამოწმებულია მოქმედ რედაქციასთან · 26 ივნ. 2025
1. თუ საქართველოს საერთაშორისო ხელშეკრულებით ან ინდივიდუალური შეთანხმებით სხვა რამ არ არის გათვალისწინებული, ექსტრადიცია არ განხორციელდება, თუკი დანაშაული, რომლის ჩადენისთვისაც მოითხოვება პირის გადაცემა, სამხედრო დანაშაულია.
2. სამხედრო დანაშაულის განსაზღვრისას გამოიყენება ამ კანონის მე-12 მუხლის პირველი პუნქტის „ე“ ქვეპუნქტით გათვალისწინებული წესი.