1.ამ კანონის მე-3 მუხლის „ა“−„ვ“ ქვეპუნქტებით განსაზღვრულ დაცულ ტერიტორიებზე დაშვებული საქმიანობა, მათი დაცვისა და გამოყენების რეჟიმი (მათ შორის, დაცული ტერიტორიების ფუნქციურ-გეგმარებითი ორგანიზება − ზონირება) განისაზღვრება ამ კანონის, საქართველოს სხვა საკანონმდებლო და კანონქვემდებარე ნორმატიული აქტებისა და ჯავახეთის დაცული ტერიტორიების მენეჯმენტის გეგმის შესაბამისად.
2.(ამოღებულია – 22.03.2013, №383).
3.ჯავახეთის დაცული ტერიტორიების ფარგლებში მოქცეულ სასაზღვრო ზონასა და ზოლში სამეურნეო საქმიანობა ხორციელდება „საქართველოს სახელმწიფო საზღვრის შესახებ“ საქართველოს კანონის საფუძველზე დადგენილი სასაზღვრო ზონისა და ზოლის რეჟიმის შესაბამისად.
4.ჯავახეთის დაცული ტერიტორიებისათვის მიკუთვნებული სახელმწიფო საკუთრებაში არსებული მიწები გასხვისებას არ ექვემდებარება. საქართველოს 2013 წლის 22 მარტის კანონი №383 – ვებგვერდი, 27.03.2013წ. საქართველოს 2019 წლის 20 დეკემბრის კანონი №5653 – ვებგვერდი, 26.12.2019წ.