1.ფშავ-ხევსურეთის დაცული ტერიტორიების სახელმწიფო მართვა ხორციელდება „დაცული ტერიტორიების სისტემის შესახებ“ საქართველოს კანონის შესაბამისად.
2.ფშავ-ხევსურეთის დაცული ტერიტორიების დაცვისა და გამოყენების რეჟიმი განისაზღვრება საქართველოს კანონმდებლობით, მათ შორის, დაცული ტერიტორიის მენეჯმენტის გეგმით ან დროებითი რეგულირების წესის შესაბამისად, რომელსაც ამტკიცებს საქართველოს მთავრობა.
3.ფშავ-ხევსურეთის მრავალმხრივი გამოყენების ტერიტორიაში (დამხმარე ზონაში) შემავალი დასახლებების მცხოვრებლების პირადი მოხმარებისთვის, აგრეთვე დაცული ტერიტორიის მენეჯმენტის გეგმით ან დროებითი რეგულირების წესით განსაზღვრული საქმიანობისთვის დასაშვებია საქართველოს კანონმდებლობით დადგენილი წესით მრგვალი მორის გაცემა. საქართველოს 2021 წლის 22 დეკემბრის კანონი №1199 – ვებგვერდი, 28.12.2021წ.