მუხლი 16. ადმინისტრაციული ორგანოების ურთიერთდახმარების ვალდებულება

1.ადმინისტრაციული ორგანო ვალდებულია თავისი კომპეტენციის ფარგლებში და მის ხელთ არსებული საშუალებებით აღმოუჩინოს აუცილებელი სამართლებრივი დახმარება სხვა ადმინისტრაციულ ორგანოს შესაბამისი წერილობითი თხოვნის საფუძველზე.

2.სამართლებრივ დახმარებად არ ჩაითვლება: ა) ზემდგომი ან ქვემდგომი ორგანოს რაიმე თხოვნის შესრულება; ბ) ნებისმიერი მოქმედება, რომლის შესრულების ვალდებულება ადმინისტრაციულ ორგანოს კანონმდებლობით აქვს დაკისრებული.