მუხლი 12. ფრაქციის საქმიანობისათვის იქმნება სათანადო პირობები.

ფრაქციის სხდომათა დარბაზში გამოეყოფა შესაბამისი ადგილი, ხოლო პარლამენტის შენობაში – სამუშაო ფართი. ფრაქციის საქმიანობას უზრუნველყოფს ფრაქციის აპარატი, რომლის ორგანიზაციას, საშტატო ოდენობას და ანაზღაურების პირობებს განსაზღვრავს პარლამენტი. ფრაქცია სარგებლობს პარლამენტის დამხმარე ორგანოების მომსახურებით. მუხლი 13. ფრაქციის წარმომადგენელთა რაოდენობა პარლამენტის ორგანოებში, როგორც წესი, განისაზღვრება ფრაქციაში გაერთიანებულ პარლამენტის წევრთა რაოდენობის პროპორციულად, თუ კანონმდებლობით სხვა რამ არ არის გათვალისწინებული.