1.ეს კანონი არეგულირებს საგარეჯოს, გურჯაანის, სიღნაღისა და თელავის მუნიციპალიტეტების ადმინისტრაციულ საზღვრებში დაცული ტერიტორიების შექმნისა და მართვის სფეროში არსებულ ძირითად სამართლებრივ ურთიერთობებს.
2.ცივ-გომბორის დაცული ტერიტორიებისთვის მიკუთვნებული მიწის, ტყის, წყლისა და სხვა ბუნებრივი რესურსების, აგრეთვე ისტორიული და კულტურული მემკვიდრეობის ძეგლების დაცვასა და გამოყენებასთან დაკავშირებული ურთიერთობები რეგულირდება ამ კანონითა და საქართველოს სხვა საკანონმდებლო და კანონქვემდებარე ნორმატიული აქტებით.