ოპერატიულ-სამძებრო საქმიანობის შესახებ
Article 10. ოპერატიულ-სამძებრო ღონისძიების შეწყვეტა
Consolidation №58 Verified against the current consolidation · 17 Dec 2025
1. ოპერატიულ-სამძებრო ღონისძიება შეწყდება, თუ: ა) შესრულდა ამ კანონის მე-3 მუხლით გათვალისწინებული კონკრეტული ამოცანა; ბ) დადგინდა გარემოებები, რომლებიც ადასტურებს, რომ ამ კანონის მე-3 მუხლით გათვალისწინებული კონკრეტული ამოცანის შესრულება ობიექტურად შეუძლებელია; გ) დადგინდა კონკრეტული გარემოებები, რომლებიც გამორიცხავს შესამოწმებელი პირის სისხლისსამართლებრივ პასუხისგებაში მიცემის საფუძველს; დ) გავიდა ოპერატიულ-სამძებრო ღონისძიების ჩატარების ვადა.
2. ოპერატიულ-სამძებრო ღონისძიების ჩატარებისა და შეწყვეტის ვადები და წესი განისაზღვრება ამ კანონითა და უწყებრივი ნორმატიული აქტებით. საქართველოს 2015 წლის 1 მაისის კანონი №3537 - ვებგვერდი, 18.05.2015წ.