1.საქართველოში დასაშვებია მხოლოდ ამ ბრძანების დანართი №4-ით გათვალისწინებული მიმართულების, დარგის/სპეციალობის, ქვედარგის/სპეციალიზაციის ან პროფესიული სპეციალიზაციის შესაბამისი კვალიფიკაციის მინიჭება კანონმდებლობით დადგენილი წესით.
2.დაინტერესებული მხარე უფლებამოსილია ამ ბრძანების დანართი №4-ით გაუთვალისწინებელი მიმართულების, დარგის/სპეციალობის, ქვედარგის/ სპეციალიზაციის ან პროფესიული სპეციალიზაციის დამატების, ხოლო არსებულის შეცვლის ან ამოღების მოთხოვნით განცხადებით მიმართოს საჯარო სამართლის იურიდიულ პირს - განათლების ხარისხის განვითარების ეროვნულ ცენტრს (შემდგომში - ცენტრი) ცენტრის დირექტორის ინდივიდუალური ადმინისტრაციულ-სამართლებრივი აქტით დადგენილი ფორმის შესაბამისად წელიწადში ორჯერ. მიმართვის ვადები დგინდება ყოველწლიურად, ცენტრის დირექტორის მიერ.
2¹.გამონაკლის შემთხვევაში, ამ მუხლის მე-2 პუნქტში განსაზღვრული ვადის მიუხედავად, ცენტრში განცხადების წარდგენა დასაშვებია მხოლოდ ცენტრის დირექტორის თანხმობის შემთხვევაში. ცენტრის დირექტორის თანხმობა უნდა ემყარებოდეს გამონაკლისის დაშვების შესახებ დაინტერესებული პირის დასაბუთებულ მოთხოვნას.
3.ამ მუხლის მე-2 პუნქტით გათვალისწინებული განცხადების განხილვის წესი და განხილვის პროცესში მონაწილე სუბიექტთა წრე (მათ შორის, საქართველოს განათლებისა და მეცნიერების სამინისტრო, საგანმანათლებლო დაწესებულება და სხვ.) დგინდება ცენტრის დირექტორის ინდივიდუალური ადმინისტრაციულ-სამართლებრივი აქტით. განცხადების განხილვისა და გადაწყვეტილების მიღების ვადა არ უნდა აღემატებოდეს 6 თვეს.
4.ცენტრი, დირექტორის ინდივიდუალური ადმინისტრაციულ-სამართლებრივი აქტით დადგენილი წესის შესაბამისად არკვევს მიმართულების, დარგის/ სპეციალობის, ქვედარგის/სპეციალიზაციის ან პროფესიული სპეციალიზაციის დამატების, შეცვლის ან ამოღების მიზანშეწონილობის საკითხს და საქართველოს განათლებისა და მეცნიერების სამინისტროს წარუდგენს წინადადებებს მიმართულების, დარგის/სპეციალობის, ქვედარგის/სპეციალიზაციის ან პროფესიული სპეციალიზაციის ჩამონათვალში დამატების, შეცვლის ან ჩამონათვალიდან ამოღების თაობაზე.
5.საქართველოს განათლებისა და მეცნიერების სამინისტროს მიერ მიმართულების, დარგის/სპეციალობის, ქვედარგის/სპეციალიზაციის ან პროფესიული სპეციალიზაციის ჩამონათვალში დამატება არის შესაბამისი კვალიფიკაციის მინიჭების წინაპირობა. საქართველოს განათლებისა და მეცნიერების მინისტრის 2012 წლის 8 ოქტომბრის ბრძანება №219/ნ - ვებგვერდი, 09.10.2012წ.. საქართველოს განათლებისა და მეცნიერების მინისტრის 2012 წლის 22 ნოემბრის ბრძანება №244/ნ - ვებგვერდი, 26.11.2012წ. საქართველოს განათლებისა და მეცნიერების მინისტრის 2014 წლის 8 იანვრის ბრძანება №02/ნ - ვებგვერდი, 08.01.2014წ. საქართველოს განათლებისა და მეცნიერების მინისტრის 2014 წლის 6 ივნისის ბრძანება №65/ ნ - ვებგვერდი, 06.06.2014წ.