საქართველოს განათლებისა და მეცნიერების სამინისტროს დებულების დამტკიცების შესახებ

მუხლი 3. სამინისტროს ხელმძღვანელობა

რედაქცია №78 კონსოლიდირებული · 14 სექ. 2018

გჭირდებათ რჩევა ამ მუხლთან დაკავშირებით?

აღწერეთ თქვენი საკითხი

1.სამინისტროს ხელმძღვანელობს მინისტრი, რომელიც კანონმდებლობის ფარგლებში ერთმმართველობის პრინციპზე დაყრდნობით, საქართველოს კონსტიტუციით, „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონით, საქართველოს პრეზიდენტის ბრძანებულებებითა და განკარგულებებით, მთავრობისა და პრემიერ-მინისტრის აქტებით და ამ დებულებით დადგენილ ფარგლებში ახორციელებს სამინისტროს აპარატისა და სამინისტროს სისტემაში შემავალი სტრუქტურების, დაწესებულებების მართვასა და კოორდინაციას.

2.მინისტრი: ა) ხელმძღვანელობს სამინისტროს, წარმართავს მის საქმიანობას, და წყვეტს სამინისტროს გამგებლობის სფეროსათვის მიკუთვნებულ საკითხებს; ბ) პასუხისმგებელია საქართველოს კონსტიტუციის, კანონების, საქართველოს პრეზიდენტის ბრძანებულებებისა და განკარგულებების, საქართველოს მთავრობის დადგენილებებისა და განკარგულებების შესრულებისათვის; გ) თვალყურს ადევნებს სამინისტროს სტრუქტურული ქვედანაყოფებისა და სამინისტროს მმართველობის სფეროში შემავალი საჯარო სამართლის იურიდიული პირებისა და ტერიტორიული ორგანოების მიერ თავიანთი მოვალეობების შესრულების მიმდინარეობას, მათი საქმიანობის კანონიერებასა და მიზანშეწონილობას და კანონით დადგენილი წესით ახორციელებს სამინისტროს საჯარო მოსამსახურეთა გადაწყვეტილებებისა და საქმიანობის სამსახურებრივ ზედამხედველობას; დ) საქართველოს კანონმდებლობით დადგენილი წესით, თავისი კომპეტენციის ფარგლებში თანამდებობაზე ნიშნავს და თანამდებობიდან ათავისუფლებს სამინისტროს საშტატო ნუსხით გათვალისწინებულ საჯარო მოსამსახურეებს; ე) (ამოღებულია – 04.08.2011, №305); ვ) პრემიერ-მინისტრს წარუდგენს სამინისტროს საქმიანობის ანგარიშს, აგრეთვე წინადადებებს სამინისტროს წლიური ბიუჯეტის შემოსავლისა და გასავლის საკითხებზე და, აუცილებლობის შემთხვევაში, – დამატებითი ბიუჯეტის პროექტის თაობაზე; ზ) იღებს გადაწყვეტილებებს საბიუჯეტო სახსრების მიზნობრივი გამოყენების შესახებ და პასუხისმგებელია ბიუჯეტის ზუსტად და მიზანშეწონილად შესრულები-სათვის; თ) (ამოღებულია – 04.08.2011, №305); ი) (ამოღებულია – 04.08.2011, №305); კ) პასუხისმგებელია სახელმწიფო ქონების დაცვისა და გამოყენებისათვის; ლ) თავისი მმართველობის სფეროში ქმნის კომისიებს, საბჭოებს – სათათბირო უფლებით; მ) თავისი კომპეტენციის ფარგლებში გამოსცემს ნორმატიული და ინდივიდუალური ხასიათის სამართლებრივ აქტებს; ნ) ამტკიცებს სამინისტროს სტრუქტურული ქვედანაყოფების დებულებებს; ო) ახორციელებს საქართველოს კანონმდებლობით გათვალისწინებულ სხვა უფლებამოსილებებს; პ) თანამდებობაზე ნიშნავს და თანამდებობიდან ათავისუფლებს ტერიტორიული ორგანოების ხელმძღვანელებსა და მათ მოადგილეებს; ჟ) თანამდებობაზე ნიშნავს და თანამდებობიდან ათავისუფლებს საგანმანათლებლო-სააღმზრდელო დაწესებულებების დირექტორებს; რ) (ამოღებულია); ს) ამტკიცებს ადმინისტრაციული სამართალდარღვევის ოქმის სარეგისტრაციო ჟურნალის ფორმასა და ჟურნალის წარმოების წესს; ტ) ინდივიდუალური ადმინისტრაციულ-სამართლებრივი აქტით ამტკიცებს საჯარო სამართლის იურიდიული პირის – საგანმანათლებლო და სამეცნიერო ინფრასტრუქტურის განვითარების სააგენტოს მიერ წარმოდგენილ ინფრასტრუქტურის განვითარების სამოქმედო გეგმას; უ) ამტკიცებს საგანმანათლებლო დაწესებულებებში უსაფრთხოების მიზნით გასატარებელ ღონისძიებათა ინსტრუქციას; ფ) ამტკიცებს სამინისტროს სისტემაში სტაჟირების გავლის წესს. ქ) ინდივიდუალური ადმინისტრაციულ-სამართლებრივი აქტით ამტკიცებს საჯარო სკოლებში საქმისწარმოების წესს; ღ) (ამოღებულია - 17.06.2016, №271); ყ) ინდივიდუალური ადმინისტრაციულ-სამართლებრივი აქტით აცხადებს კონკურსებს; შ) სამინისტროს ტერიტორიული ორგანოების – საგანმანათლებლო რესურსცენტრებისა და სამინისტროს სისტემაში შემავალი საჯარო სამართლის იურიდიული პირების ხელმძღვანელების წარდგინებით იღებს გადაწყვეტილებას განსაკუთრებული სირთულის ან მნიშვნელოვანი დავალების წარმატებით შესრულებისათვის, აგრეთვე სამსახურებრივ მოვალეობათა მაღალპროფესიულ დონეზე განხორციელებისათვის სამინისტროს ტერიტორიული ორგანოების – საგანმანათლებლო რესურსცენტრებისა და სამინისტროს სისტემაში შემავალი საჯარო სამართლის იურიდიული პირების თანამშრომლების მიმართ საქართველოს კანონმდებლობით გათვალისწინებული წახალისების ამა თუ იმ ფორმის (მათ შორის, პრემირების) გამოყენების თაობაზე; შ 1 ) ამტკიცებს სამინისტროს სისტემაში დასაქმებულ თანამშრომელთათვის სამინისტროს ჯილდოს გაცემის წესს; ჩ) უფლებამოსილია, რომ ამ პუნქტით გათვალისწინებული უფლებამოსილებები დელეგირების უფლებით გადასცეს თავის მიერ განსაზღვრულ უფლებამოსილ პირებს.

3.(ამოღებულია);

4.(ამოღებულია); საქართველოს მთავრობის 2005 წლის 17 სექტემბრის დადგენილება №160-სსმ III, №111, 22.09.2005წ., მუხ.1228 საქართველოს მთავრობის 2006 წლის 5 აპრილის დადგენილება №77-სსმ III, №46, 05.04.2006წ., მუხ.525 საქართველოს მთავრობის 2007 წლის 4 ივლისის დადგენილება №135-სსმ III, №97, 10.07.2007წ., მუხ.1035 საქართველოს მთავრობის 2008 წლის 9 ივლისის დადგენილება №148-სსმ III, №98, 10.07.2008წ., მუხ.1083 საქართველოს მთავრობის 2008 წლის 26 ნოემბრის დადგენილება №227-სსმ III, №168, 27.11.2008წ., მუხ.1706 საქართველოს მთავრობის 2008 წლის 29 დეკემბრის დადგენილება №263-სსმ III, №186, 30.12.2008წ., მუხ.1940 საქართველოს მთავრობის 2010 წლის 2 თებერვლის დადგენილება №25-სსმ III, №14, 05.02.2010წ., მუხ.156 საქართველოს მთავრობის 2010 წლის 6 აპრილის დადგენილება №104-სსმ III, №36, 07.04.2010წ., მუხ.596 საქართველოს მთავრობის 2010 წლის 10 სექტემბრის დადგენილება №281-სსმ III, №117, 15.09.2010წ., მუხ.1730 საქართველოს მთავრობის 2010 წლის 8 დეკემბრის დადგენილება №378-სსმ III, №162, 13.12.2010წ., მუხ.2288 საქართველოს მთავრობის 2010 წლის 14 დეკემბრის დადგენილება №381-სსმ III,№165,17.12.2010წ., მუხ.2368 საქართველოს მთავრობის 2011 წლის 4 აგვისტოს დადგენილება №305 – ვებგვერდი, 09.08.2011წ. საქართველოს მთავრობის 2012 წლის 14 თებერვლის დადგენილება №55 - ვებგვერდი, 17 .

02.2012წ. საქართველოს მთავრობის 2012 წლის 23 ივლისის დადგენილება №2 82 – ვებგვერდი, 2 4 .

07.2012წ. საქართველოს მთავრობის 2013 წლის 2 მაისის დადგენილება №105 – ვებგვერდი, 07.05.2013წ. საქართველოს მთავრობის 2016 წლის 17 ივნისის დადგენილება №271 - ვებგვერდი, 21.06.2016წ.

ტექსტი თარიღის მიხედვით

რომელი ტექსტი მოქმედებდა ან იმოქმედებს არჩეულ დღეს.

ამ დღეს მოქმედი ტექსტი

რედაქცია №70 · ძალაშია 21 ივნ. 2016-დან

ემთხვევა ზემოთ მოცემულ ტექსტს.

ამ მუხლის ტექსტები დროში

თარიღები ცვლილების აქტის ამოქმედების დღეებია. თუ აქტი რომელიმე დებულებას სხვა დღეს ამოქმედებს, ეს აქ არ ჩანს.

ამ მუხლის ისტორია· 17

ცვლილებები, რომლებიც ამ მუხლმა გაიარა

შენიშვნები ცვლილების აქტის ტექსტიდან ავტომატურად არის შედგენილი და შესაძლოა უზუსტობას შეიცავდეს.

  1. · გამოქვეყნდა 14 სექ. 2018
  2. მე-3 მუხლის მინისტრის უფლებამოსილებათა ჩამონათვალს დაემატა „შ 1“ ქვეპუნქტი სამინისტროს ჯილდოს გაცემის წესის დამტკიცების შესახებ.

  3. მე-3 მუხლის მე-2 პუნქტს დაემატა „ჩ“ ქვეპუნქტი, რომლის თანახმადაც მინისტრს შეუძლია ამ პუნქტით გათვალისწინებული უფლებამოსილებები დელეგირებით გადასცეს თავის მიერ განსაზღვრულ პირებს.

  4. მე-3 მუხლის მე-2 პუნქტს დაემატა „შ“ ქვეპუნქტი, რომლითაც სამინისტროს ტერიტორიული ორგანოებისა და სისტემაში შემავალი საჯარო სამართლის იურიდიული პირების თანამშრომლების წახალისების, მათ შორის პრემირების, გადაწყვეტილებას იღებს მინისტრი ამ ორგანოთა ხელმძღვანელების წარდგინებით.

  5. მე-3 მუხლის მე-2 პუნქტში „გ“ ქვეპუნქტიდან ამოღებულია საქვეუწყებო დაწესებულებები, ამოღებულია „ე“, „თ“ და „ი“ ქვეპუნქტები საქვეუწყებო დაწესებულებებთან დაკავშირებით და დაემატა „ყ“ ქვეპუნქტი კონკურსების გამოცხადების შესახებ.

  6. · გამოქვეყნდა 13 დეკ. 2010

    მე-3 მუხლის მე-3 და მე-4 პუნქტების ადგილას ახლა მხოლოდ „(ამოღებულია)“ წერია, ანუ მინისტრის მოადგილეების შესახებ ეს პუნქტები ამოღებულია; დაემატა მუხლი 2288 ცვლილებათა ჩამონათვალში.

  7. მე-3 მუხლის მე-2 პუნქტს დაემატა „ქ“ და „ღ“ ქვეპუნქტები, რომლებიც მინისტრს ანიჭებს საჯარო სკოლებში საქმისწარმოების წესისა და ატესტატის მისაღები მინიმალური კომპეტენციის საგამოცდო პროგრამის დამტკიცების უფლებამოსილებას. ამასთან დაემატა ცვლილების აღნიშვნა „მუხ. 2368“.

  8. მე-3 მუხლის 1-ლი პუნქტიდან ამოღებულია „რ“ ქვეპუნქტი სალიცენზიო რეესტრისა და შემოწმების აქტების ჟურნალის ფორმისა და წარმოების წესის დამტკიცების შესახებ; ცნობარულ ჩანაწერს დაემატა მუხ. 1730.

  9. მე-2 პუნქტს დაემატა „ფ“ ქვეპუნქტი, რომლის თანახმად მინისტრი ამტკიცებს სამინისტროს სისტემაში სტაჟირების გავლის წესს. ამასთან, მუხლის ბოლოს არსებულ მითითებათა ჩამონათვალს დაემატა „მუხ. 596“.

  10. მე-3 მუხლის მე-2 პუნქტს დაემატა „უ“ ქვეპუნქტი, რომლის თანახმად მინისტრი ამტკიცებს საგანმანათლებლო დაწესებულებებში უსაფრთხოების მიზნით გასატარებელ ღონისძიებათა ინსტრუქციას. ასევე დაემატა მითითება „მუხ. 156“ მუხლის ბოლოს არსებულ სიაში.

  11. · გამოქვეყნდა 30 დეკ. 2008

    მე-3 მუხლის „ჟ“ ქვეპუნქტში დირექტორთა წრე შემცირდა: სკოლამდელი სააღმზრდელო დაწესებულებები ამოღებულია და დარჩა საგანმანათლებლო-სააღმზრდელო დაწესებულებები. მუხლის ბოლოს ცნობით ჩამონათვალს დაემატა „მუხ. 1940“.

  12. · გამოქვეყნდა 27 ნოე. 2008

    მე-3 მუხლის მე-2 პუნქტს დაემატა „ტ“ ქვეპუნქტი, რომლითაც მინისტრი ამტკიცებს სააგენტოს მიერ წარმოდგენილ ინფრასტრუქტურის განვითარების სამოქმედო გეგმას; ასევე დაემატა მითითება „მუხ. 1706“.

  13. მე-3 მუხლის მე-2 პუნქტს დაემატა რ და ს ქვეპუნქტები (სალიცენზიო რეესტრისა და სარეგისტრაციო ჟურნალების ფორმების და წარმოების წესების დამტკიცება), ხოლო მე-3 პუნქტში მინისტრის მოადგილეთა რაოდენობა სამიდან ოთხამდე გაიზარდა.

  14. მე-3 მუხლში ტერიტორიულ ორგანოთა ხელმძღვანელებისა და მოადგილეების დანიშვნა-გათავისუფლება „დ“ ქვეპუნქტიდან გადავიდა „პ“ ქვეპუნქტში, რომელიც ადრე მოხელეებს ეხებოდა.

  15. მე-3 მუხლის „ი“ ქვეპუნქტით მინისტრი ამტკიცებს საქვეუწყებო დაწესებულებათა დებულებებს, ხოლო ახალი „ჟ“ ქვეპუნქტით ნიშნავს და ათავისუფლებს სკოლამდელი დაწესებულებების დირექტორებს. ტექსტის ბოლოს „მუხ. 1228“-ის შემდეგ დაემატა „მუხ. 525“.

გჭირდებათ დახმარება ამ კანონთან დაკავშირებით?

აღწერეთ თქვენი სიტუაცია და დაგეხმარებით შესაფერისი სპეციალისტის პოვნაში.

მსგავსი მუხლები მთელ კანონმდებლობაში

მნიშვნელობით ახლოს, სხვა კანონებშიც

საქართველოს განათლებისა და მეცნიერების სამინისტროს დებულების დამტკიცების შესახებ

სამართლებრივი რუკა

დააწკაპუნე გასახსნელად
208133¹551362220222893
მნიშვნელობით ახლოსსაქართველოს მთავრობის …აჭარის ავტონომიური რეს…აფხაზეთის ავტონომიური …საქართველოს ფინანსთა ს…თავდაცვის კოდექსისაქართველოს განათლების…

წყარო: საქართველოს საკანონმდებლო მაცნე (matsne.gov.ge) · კონსოლიდირებული ვერსია, · რედაქცია №78 · ბოლოს შემოწმდა