მუხლი 10. საკრებულოების არჩევნებში მონაწილეობისა და კანდიდატის დასახელების უფლება

საკრებულოების არჩევნებში მონაწილეობისა და კანდიდატის დასახელების (წარდგენის) უფლება აქვთ კანონით დადგენილი წესით რეგისტრირებულ პარტიებსა და მათ გაერთიანებებს – საარჩევნო ბლოკებს, რომლებიც საკრებულოების არჩევნებში მონაწილეობისათვის რეგისტრაციას გადიან ცენტრალურ სარჩევნო კომისიაში, აგრეთვე კანდიდატის დასახელების (წარდგენის) უფლება აქვთ ამომრჩეველთა არანაკლებ ხუთკაციან საინიციატივო ჯგუფებს, რომლებიც საკრებულოების არჩევნებში მონაწილეობისათვის რეგისტრაციას გადიან შესაბამის სარჩევნო კომისიაში.