მუხლი 4

1.საქართველოს ნორმატიული აქტებია: ა) საქართველოს კონსტიტუცია; ბ) საქართველოს კონსტიტუციური კანონი; გ) საქართველოს კონსტიტუციური შეთანხმება; დ) საქართველოს საერთაშორისო ხელშეკრულება და შეთანხმება; ე) საქართველოს ორგანული კანონი; ვ) საქართველოს კანონი; ზ) საქართველოს პარლამენტის რეგლამენტი; თ) საქართველოს პრეზიდენტის დეკრეტი; ი) საქართველოს პრეზიდენტის ბრძანებულება; კ) საქართველოს პარლამენტის დადგენილება; ლ) საქართველოს მთავრობის დადგენილება; მ) საქართველოს ეროვნული ბანკის საბჭოს დადგენილება; ნ) (ამოღებულია - 29.06.07 №5164); ო) ბუღალტრული აღრიცხვის სტანდარტების კომისიის დადგენილება; პ) აუდიტორული საქმიანობის საბჭოს კოლეგიის დადგენილება; ჟ) ცენტრალური საარჩევნო კომისიის დადგენილება; რ) საქართველოს ენერგეტიკისა და წყალმომარაგების მარეგულირებელი ეროვნული კომისიის დადგენილება; ს) საქართველოს კომუნიკაციების ეროვნული კომისიის დადგენილება; ტ) (ამოღებულია - 25.05.06 №3181); უ) (ამოღებულია - 25.05.06 №3181); ფ) საქართველოს კონტროლის პალატის თავმჯდომარის ბრძანება; ქ) საქართველოს სახელმწიფო შესყიდვების სააგენტოს თავმჯდომარის ბრძანება; ღ) თავისუფალი ვაჭრობისა და კონკურენციის სააგენტოს უფროსის ბრძანება; ყ) (ამოღებულია - 29.06.07 №5164); შ) საქართველოს ენერგეტიკის სამინისტროს სახელმწიფო საქვეუწყებო დაწესებულების – ნავთობისა და გაზის ეროვნული სააგენტოს უფროსის ბრძანება; ჩ) (ამოღებულია - 30.03.07 №4601); ც) (ამოღებულია - 25.05.06 №3181); ძ) (ამოღებულია - 25.05.06 №3181); წ) საქართველოს მინისტრის ბრძანება; ჭ) სახელმწიფო დაცვის სპეციალური სამსახურის უფროსის ბრძანება; ხ) საქართველოს საგარეო დაზვერვის სპეციალური სამსახურის უფროსის ბრძანება; ჯ) აკრედიტაციის ერთიანი ეროვნული ორგანოს – აკრედიტაციის ცენტრის გენერალური დირექტორის ბრძანება; ჰ) სტანდარტების, ტექნიკური რეგლამენტებისა და მეტროლოგიის ეროვნული სააგენტოს გენერალური დირექტორის ბრძანება; ჰ 1 ) საქართველოს შინაგან საქმეთა სამინისტროს სახელმწიფო საქვეუწყებო დაწესებულების – საქართველოს სასაზღვრო პოლიციის უფროსის ბრძანება; ჰ 2 ) ერთიანი სატრანსპორტო ადმინისტრაციის უფროსის ბრძანება; ჰ 3 ) ეროვნული პროფესიული სააგენტოს პროფესიული საბჭოს დადგენილება.