1.მშენებლობის ნებართვა ამ თავით დადგენილი წესით გაიცემა საქართველოს თავდაცვისა და უსაფრთხოების სექტორში შემავალი უწყებების საკუთრებაში ან სახელმწიფო საკუთრებაში და მათ დროებით სარგებლობაში არსებულ მიწის ნაკვეთებზე ყველა სახის შენობა- ნაგებობაზე.
2.ამ მუხლის პირველი პუნქტით გათვალისწინებული მშენებლობის ნებართვის გაცემაზე უფლებამოსილი ადმინისტრაციული ორგანოა სააგენტო.
3.ამ მუხლით დადგენილი წესით მშენებლობის ნებართვის მისაღებად საქართველოს თავდაცვისა და უსაფრთხოების სექტორში შემავალი უწყებები სააგენტოს წარუდგენენ არქიტექტურულ პროექტს.
4.ამ მუხლის მე-3 პუნქტით გათვალისწინებული არქიტექტურული პროექტი შედგება შემდეგი დოკუმენტაციისგან: ა) განმარტებითი ბარათი; ბ) ინფორმაცია მიწის ნაკვეთისა და შენობა-ნაგებობის (არსებობის შემთხვევაში) საკუთრების შესახებ, მათ შორის, მიწის ნაკვეთის საკადასტრო მონაცემები; გ) მიწის ნაკვეთის ტოპოგრაფიულ გეგმაზე დატანილი მიწის ნაკვეთის გეგმა (მაგ.: სადაც შეიძლება ნაჩვენები იყოს მიწის ნაკვეთის საკადასტრო საზღვრები, არსებული საინჟინრო-კომუნალური ქსელები, მიწის ნაკვეთზე შენობა-ნაგებობის განთავსება, მისასვლელი გზები, ავტოსადგომები, ღობეები, გამწვანება და სხვა ნაწილები); დ) შენობის სახურავის გეგმა (საკადასტრო საზღვრის პროექციის ჩვენებით) და შენობის ყველა სართულის გეგმა საკადასტრო საზღვრის პროექციის, იატაკის ზედაპირების ნიშნულების ჩვენებით, შენობა-ნაგებობის ნულოვანი ნიშნული აბსოლუტურ ნულოვან ნიშნულთან მიმართებით; ე) შენობა-ნაგებობის ფასადები; ვ) შენობის მახასიათებელი ჭრილები (საკადასტრო საზღვრის პროექციის, იატაკის ზედაპირის ნიშნულების ჩვენებით, შენობა-ნაგებობის ნულოვანი ნიშნული აბსოლუტურ ნულოვან ნიშნულთან მიმართებით); ზ) ინფორმაცია შეზღუდული შესაძლებლობის მქონე პირებისთვის შენობა-ნაგებობისა და საზოგადოებრივი სივრცის გამოყენების შესაძლებლობის შესახებ, საჭიროების შემთხვევაში; თ) არსებული სიტუაციის ამსახველი ფოტომასალა (შორი და ახლო ხედებით); ი) ფოტომონტაჟი; კ) საჭიროების შემთხვევაში, მიწის ნაკვეთის ტერიტორიის კეთილმოწყობის პროექტი; ლ) ინფორმაცია შენობა-ნაგებობის დამპროექტებლის შესახებ, რომელიც მოიცავს დამპროექტებლის სახელს/დასახელებას, საკონტაქტო ინფორმაციას (ტელეფონის ნომერი და ელექტრონული ფოსტის მისამართი), მეწარმეთა და არასამეწარმეო (არაკომერციული) იურიდიული პირების რეესტრის სარეგისტრაციო მონაცემებს, ასევე პირადობის დამადასტურებელი დოკუმენტის ნომერსა და პირად ნომერს.
5.სააგენტო მშენებლობის ნებართვას გასცემს არაუმეტეს 20 სამუშაო დღის ვადაში.
6.არქიტექტურულ პროექტში ცვლილების შეტანა წარმოებს სამშენებლო ნებართვის გაცემისათვის ამ თავით დადგენილი წესით.
7.სამშენებლო სამუშაოების დასრულების შემდეგ საქართველოს თავდაცვისა და უსაფრთხოების სექტორში შემავალი უწყებები უფლებამოსილნი არიან, აზომვითი ნახაზის საფუძველზე, ობიექტზე სახელმწიფო საკუთრების უფლების რეგისტრაციის მოთხოვნით მიმართონ შესაბამის ორგანოს.
8.იმ განსაკუთრებული ან/და საზოგადოებრივი მნიშვნელობის ან სახელმწიფო უსაფრთხოებისათვის აუცილებელი ან/და ქვეყნისათვის სოციალური ან/და ეკონომიკური თვალსაზრისით მნიშვნელოვანი შენობა-ნაგებობის მშენებლობა, რომელიც დაკავშირებულია შემჭიდროებულ ვადებთან გადაუდებელი აუცილებლობის (მათ შორის, ბუნებრივი, ტექნოგენური ან/და სხვა ფორსმაჟორული სიტუაციის) გამო, შესაძლებელია, განხორციელდეს სამშენებლო ნებართვის გარეშე. ასეთ შემთხვევაში, სამშენებლო სამუშაოების დასრულების შემდგომ, საქართველოს თავდაცვისა და უსაფრთხოების სექტორში შემავალი უწყებები სააგენტოს წარუდგენენ განმარტებით ბარათს შესაბამისი დასაბუთებით და შენობა-ნაგებობის ესკიზურ პროექტს. სააგენტო არაუმეტეს 10 სამუშაო დღის ვადაში გასცემს მშენებლობის ნებართვას. საქართველოს მთავრობის 2019 წლის 18 ივნისის დადგენილება №284 - ვებგვერდი, 20,06,2019წ. საქართველოს მთავრობის 2022 წლის 3 ოქტომბრის დადგენილება №471 – ვებგვერდი, 04.10.2022წ. თავი XIX 2 საერთაშორისო ან / და შიდასახელმწიფოებრივი მნიშვნელობის საავტომობილო გზების ან / და მათზე არსებული ნაგებობების , მაგისტრალური რკინიგზის, მაგისტრალური გაზსადენების ან მათი ნაწილების ან/და მათთან დაკავშირებული ობიექტების, ელექტროენერგიის გადამცემი ქსელის (ელექტროგადამცემი ხაზები, ანძები და ქვესადგურები) საინჟინრო - ტექნიკური ნაწილების საექსპლუატაციოდ ვარგისად აღიარების წესი საქართველოს მთავრობის 2024 წლის 29 თებერვლის დადგენილება №58 - ვებგვერდი, 01.03.2024წ. საქართველოს მთავრობის 2025 წლის 15 აპრილის დადგენილება №112 - ვებგვერდი, 16.04.2025წ. მუხლი 67 2 . საერთაშორისო ან / და შიდასახელმწიფოებრივი მნიშვნელობის საავტომობილო გზების ან / და მათზე არსებული ნაგებობების , მაგისტრალური რკინიგზის, მაგისტრალური გაზსადენების ან მათი ნაწილების ან/და მათთან დაკავშირებული ობიექტების, ელექტროენერგიის გადამცემი ქსელის (ელექტროგადამცემი ხაზები, ანძები და ქვესადგურები) საინჟინრო - ტექნიკური ნაწილების საექსპლუატაციოდ ვარგისად აღიარების წესი 1. დამკვეთი უფლებამოსილია, სამშენებლო სამუშაოების დასრულების შემდგომ მიმართოს სააგენტოს განცხადებით, საერთაშორისო ან/და შიდასახელმწიფოებრივი მნიშვნელობის საავტომობილო გზების ან/და მათზე არსებული ნაგებობების, მაგისტრალური რკინიგზის, მაგისტრალური გაზსადენების ან მათი ნაწილების ან/და მათთან დაკავშირებული ობიექტების, ელექტროენერგიის გადამცემი ქსელის (ელექტროგადამცემი ხაზები, ანძები და ქვესადგურები) საინჟინრო-ტექნიკური ნაწილების საექსპლუატაციოდ ვარგისად აღიარებისათვის, რაც გულისხმობს განხორციელებული სამშენებლო სამუშაოების სააგენტოს მიერ შეთანხმებულ სამშენებლო დოკუმენტთან შესაბამისობის დადასტურებას.
2.განცხადებას უნდა დაერთოს: ა) განხორციელებული ცვლილებების გათვალისწინებით შედგენილი შენობა-ნაგებობის საბოლოო მდგომარეობის ამსახველი ნახაზები, 3 ეგზემპლარად, ცვლილებების არარსებობის შემთხვევაში – დეკლარაცია ცვლილებების არარსებობის შესახებ. ასეთ შემთხვევაში ნახაზების წარდგენა სავალდებულო არ არის; ბ) ქ. თბილისში, მიწის ნაკვეთისა და მასზე არსებული შენობა-ნაგებობების საკადასტრო აზომვითი ნახაზი (გარდა ამ დადგენილების მე-4 მუხლის მე-3 პუნქტით გათვალისწინებული მშენებლობისა); გ) შენობა-ნაგებობებში მექანიკური და ტექნოლოგიური მოწყობილობების არსებობის შემთხვევაში, მათ შორის, ლიფტებისა და ესკალატორების, ხოლო სამრეწველო და საწარმოო ობიექტების შემთხვევაში – დამატებით დამონტაჟებული ტექნოლოგიური მოწყობილობების ან/და ხაზების გამოცდის აქტები, დამოწმებული შესაბამისი ორგანოს მიერ. ასეთი ორგანოების არარსებობის შემთხვევაში, უნდა იქნეს წარდგენილი მოწყობილობათა სამონტაჟო დოკუმენტაციის შესაბამისად განხორციელებული გამოცდის შედეგები, დამოწმებული სამონტაჟო ორგანიზაციისა და დამკვეთის მიერ.
3.შენობა-ნაგებობის ნაწილ(ებ)ის საექსპლუატაციოდ ვარგისად აღიარების შემთხვევაში განცხადებას უნდა დაერთოს: ა) საერთაშორისო ან/და შიდასახელმწიფოებრივი მნიშვნელობის საავტომობილო გზების ან/და მათზე არსებული ნაგებობების საინჟინრო-ტექნიკური ნაწილების შემთხვევაში: ა.ა) საავტომობილო გზის/საავტომობილო გზის მონაკვეთ(ებ)ის პიკეტ(ებ)ის შესახებ ინფორმაცია; ა.ბ) საგზაო მოძრაობის უსაფრთხოების უზრუნველყოფისათვის სამშენებლო დოკუმენტით გათვალისწინებული სამშენებლო სამუშაოების დასრულების დამადასტურებელი დოკუმენტი: ა.ბ.ა) საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებული სახელმწიფო საქვეუწყებო დაწესებულების საქართველოს საავტომობილო გზების დეპარტამენტის სათათბირო ორგანოს – ტექნიკური საბჭოს დადებითი დასკვნა; ა.ბ.ბ) საქართველოს შინაგან საქმეთა სამინისტროს შესაბამისი სტრუქტურული ქვედანაყოფის ან ტერიტორიული ორგანოების მიერ შეთანხმებული დოკუმენტი, რომლითაც დასტურდება საავტომობილო გზაზე/საავტომობილო გზის მონაკვეთ(ებ)ზე საგზაო მოძრაობის ორგანიზების პირობები; ბ) მაგისტრალური რკინიგზის, მაგისტრალური გაზსადენების ან მათი ნაწილების ან/და მათთან დაკავშირებული ობიექტების, ელექტროენერგიის გადამცემი ქსელის (ელექტროგადამცემი ხაზები, ანძები და ქვესადგურები) საინჟინრო-ტექნიკური ნაწილების საექსპლუატაციოდ ვარგისად აღიარების შემთხვევაში: ბ.ა) მშენებლობის უსაფრთხოების უზრუნველყოფის მეთოდებისა და ღონისძიებების გათვალისწინებით შედგენილი მშენებლობის ორგანიზების ახალი პროექტი. ასეთ შემთხვევაში მშენებლობის ორგანიზების ახალი პროექტის სააგენტოსთან შეთანხმება სავალდებულო არ არის; ბ.ბ) წარდგენილ ნაწილ(ებ)ში მექანიკური და ტექნოლოგიური მოწყობილობების არსებობის შემთხვევაში, მათ შორის, ლიფტებისა და ესკალატორების, ხოლო სამრეწველო და საწარმოო ობიექტების შემთხვევაში – დამატებით დამონტაჟებული ტექნოლოგიური მოწყობილობების ან/და ხაზების გამოცდის აქტები, დამოწმებული შესაბამისი ორგანოს მიერ. ასეთი ორგანოების არარსებობის შემთხვევაში წარდგენილ უნდა იქნეს მოწყობილობათა სამონტაჟო დოკუმენტაციის შესაბამისად განხორციელებული გამოცდის შედეგები, დამოწმებული სამონტაჟო ორგანიზაციისა და დამკვეთის მიერ; ბ.გ) საექსპერტო დასკვნა მშენებლობის ორგანიზების ახალი პროექტის მოქმედ სამშენებლო ნორმებსა და წესებთან შესაბამისობის, მშენებლობის უსაფრთხოების უზრუნველსაყოფად დადგენილი მეთოდებისა და განხორციელებული ღონისძიებების მშენებლობის ორგანიზების ახალი პროექტით გათვალისწინებულ პირობებთან შესაბამისობისა და შენობა-ნაგებობის ნაწილ(ებ)ის შემდგომი უსაფრთხო ექსპლუატაციის (ფუნქციონირების) მზადყოფნის შესახებ; ბ.დ) მიწის ნაკვეთის საკადასტრო აზომვითი ნახაზი, მასზე არსებული შენობა-ნაგებობებით.
4.თუ შენობა-ნაგებობის საექსპლუატაციოდ ვარგისად აღიარებისათვის წარდგენილი შენობა-ნაგებობის მშენებლობის ეტაპის დასრულების დროს არ იყო შედგენილი ან სათანადო წესით არ შედგა ოქმები, დამკვეთი ვალდებულია, განცხადებას დაურთოს საექსპერტო დასკვნა სანებართვო პირობებით განსაზღვრული მშენებლობის ეტაპებით გათვალისწინებული სამუშაოების სანებართვო პირობებთან შესაბამისობის შესახებ (გარდა ამ დადგენილების მე-60 მუხლის მე-5 პუნქტში მითითებული ობიექტებისა).
5.სააგენტო მარტივი ადმინისტრაციული წარმოების წესით განიხილავს ამ მუხლის პირველი პუნქტით წარდგენილ განცხადებას და იღებს შესაბამის გადაწყვეტილებას, განცხადების წარდგენიდან 30 დღის ვადაში.
6.სააგენტო ამ მუხლის მე-5 პუნქტით გათვალისწინებული გადაწყვეტილების მიღებასთან დაკავშირებით ახორციელებს: ა) შენობა-ნაგებობის ინსპექტირებას/შემოწმებას ერთი ადმინისტრაციული წარმოების ფარგლებში, რომლის დროსაც დამკვეთი ვალდებულია, უზრუნველყოს ობიექტზე სააგენტოს წარმომადგენლის შეუფერხებელი და უპირობო შესვლა; ბ) განცხადებისა და მასზე თანდართული დოკუმენტაციის კანონმდებლობასთან შესაბამისობის შემოწმებას და, ხარვეზის დადგენის შემთხვევაში, მოქმედებს კანონმდებლობის შესაბამისად; გ) შენობა-ნაგებობის დათვალიერებას ან/და, საჭიროების შემთხვევაში, აზომვას, მისი მშენებლობის განხორციელების დოკუმენტებთან შესაბამისობის დადგენის მიზნით; დ) შენობა-ნაგებობაზე დარღვევის აღმოჩენის შემთხვევაში, კანონმდებლობის შესაბამის რეაგირებას; ე) საექსპლუატაციოდ ვარგისად აღიარების შესახებ ან საექსპლუატაციოდ ვარგისად აღიარების უარის თქმის შესახებ ადმინისტრაციულ-სამართლებრივი აქტის გამოცემას.
7.შენობა-ნაგებობის ან მისი ნაწილ(ებ)ის საექსპლუატაციოდ ვარგისად აღიარების შესახებ უარის თქმის საფუძველია: ა) ამ მუხლით გათვალისწინებული დოკუმენტების წარუდგენლობა ან არასწორი დოკუმენტების წარდგენა; ბ) დამკვეთის ან მისი უფლებამოსილი წარმომადგენლის მიერ სააგენტოს წარმომადგენლისათვის შენობა-ნაგებობის დათვალიერებაზე უარის თქმა, ხელის შეშლა ან დათვალიერებისთვის სათანადო პირობების შეუქმნელობა; გ) განხორციელებული სამშენებლო სამუშაოების შეთანხმებულ სამშენებლო დოკუმენტთან შეუსაბამობა; დ) შენობა-ნაგებობების ნაწილ(ებ)ის საექსპლუატაციოდ ვარგისად აღიარების შემთხვევაში, ასევე მშენებლობის უსაფრთხოების უზრუნველსაყოფად დადგენილი მეთოდებისა და ღონისძიებების შეუსრულებლობა ან განხორციელებული ღონისძიებების შეუსაბამობა წარდგენილი მშენებლობის ორგანიზების საბოლოო პროექტთან, უარყოფითი საექსპერტო შეფასება ან/და მშენებლობის უსაფრთხოების წესების დარღვევა (გარდა საერთაშორისო მნიშვნელობის საავტომობილო გზისა).
8.ობიექტის სანებართვო პირობებთან შესაბამისობის დადგენა ხორციელდება ამ დადგენილების XVIII თავის შესაბამისად. საქართველოს მთავრობის 2024 წლის 29 თებერვლის დადგენილება №58 - ვებგვერდი, 01.03.2024წ. საქართველოს მთავრობის 2025 წლის 15 აპრილის დადგენილება №112 - ვებგვერდი, 16.04.2025წ. თავი XIX 3 ელექტროენერგიის გადამცემი ქსელის შემადგენლობაში არსებული ელექტროგადამცემი ხაზების ან/და ელექტროქვესადგურების სამშენებლო სამუშაოების მშენებლობის ნებართვის აღებამდე წარმოების, განხორციელებულ მშენებლობაზე მშენებლობის ნებართვის აღებისა და ექსპლუატაციაში მიღების წესი საქართველოს მთავრობის 2026 წლის 1 ოქტომბრის დადგენილება №477 - ვებგვერდი, 01.10.2026წ.