თავმჯდომარის მოადგილისა და მდივნის არჩევის წესი 1. უსკოს თავმჯდომარეს ჰყავს 1 მოადგილე.
2.უსკოს თავმჯდომარის მოადგილეს, უსკოს მდივანს სრული შემადგენლობის უმრავლესობით, სახელობითი კენჭისყრით, უმაღლესი საბჭოს მიერ არჩეულ უსკოს წევრთაგან ირჩევს უსკო.
3.უსკოს თავმჯდომარის მოადგილის, უსკოს მდივნის კანდიდატურების დასახელების უფლება აქვს უსკოს არანაკლებ 2 წევრს. ერთი და იმავე კანდიდატურის დასახელება შეიძლება მხოლოდ ორჯერ.
4.თუ უსკოს თავმჯდომარის მოადგილე, უსკოს მდივანი ვერ აირჩა, მის არჩევამდე აღნიშნული თანამდებობის პირის მოვალეობას ასრულებს უსკოს ის წევრი, რომელმაც არჩევისას ყველაზე მეტი ხმა მიიღო, ხოლო ხმათა თანაბრობის შემთხვევაში – მათგან წილისყრით გამოვლენილი პირი.
5.უსკოს თავმჯდომარის მოადგილის, უსკოს მდივნის უფლებამოსილების ვადა განისაზღვრება უსკოში მისი წევრობის ვადით.