შემადგენლობა , უსკოს არჩევითი წევრებისა და უსკოს თავმჯდომარის თანამდებობებზე განწესება 1. უსკო შედგება თავმჯდომარისა და 7 წევრისგან , ხოლო საარჩევნო პერიოდში , ასევე ამ კანონის 21-ე მუხლით განსაზღვრული პოლიტიკური პარტიების მიერ დანიშნული დროებითი წევრებისგან . უსკოს არჩევით წევრებს შორის არიან უსკოს თავმჯდომარე , უსკოს თავმჯდომარის მოადგილე და უსკოს მდივანი . უსკოს თავმჯდომარე იმავდროულად არის უსკოს წევრი . უსკოს თავმჯდომარის უფლებამოსილების შეწყვეტა იმავდროულად იწვევს მისი , როგორც უსკოს წევრის , უფლებამოსილების შეწყვეტას .
2.უსკოს 7 წევრს ამ კანონითა და უმაღლესი საბჭოს რეგლამენტით დადგენილი წესით ირჩევს უმაღლესი საბჭო , ხოლო უსკოს არაუმეტეს 9 წევრს ამ კანონით დადგენილი წესით ნიშნავენ პარტიები .
3.უსკოს წევრობის კანდიდატს უმაღლეს საბჭოს ასარჩევად წარუდგენს უმაღლესი საბჭოს თავმჯდომარე ამ მუხლისა და უმაღლესი საბჭოს რეგლამენტის შესაბამისად . უსკოს წევრობის კანდიდატი უმაღლესი საბჭოს რეგლამენტით დადგენილი წესით შეირჩევა ღია კონკურსით .
4.უსკოს წევრობის კანდიდატი უნდა იყოს საქართველოს ქმედუნარიანი მოქალაქე 25 წლის ასაკიდან , რომელიც არის უპარტიო , ბოლო 5 წლის განმავლობაში არ ყოფილა საარჩევნო კომისიაში პარტიის მიერ დანიშნული წევრი , საარჩევნო სუბიექტი , საარჩევნო სუბიექტის წარმომადგენელი ან რომელიმე პარტიის შემომწირველი , აქვს უმაღლესი განათლება , თავისუფლად ფლობს საქართველოს სახელმწიფო ენას , აკმაყოფილებს „ საჯარო სამსახურის შესახებ “ საქართველოს კანონის 27- ე მუხლის მე -2 პუნქტის მოთხოვნებს და აქვს არანაკლებ 5 წლის შრომითი გამოცდილება და საარჩევნო ადმინისტრაციის მოხელის სერტიფიკატი .
5.უსკოს წევრად არ შეიძლება აირჩეს / დაინიშნოს : ა ) პირი , რომელსაც არ აქვს საარჩევნო ადმინისტრაციის მოხელის სერტიფიკატი ; ბ ) პირი , რომელიც საქართველოს საარჩევნო კანონმდებლობის დარღვევის გამო საარჩევნო კომისიამ ან სასამართლომ გაათავისუფლა საარჩევნო ადმინისტრაციაში დაკავებული თანამდებობიდან , – თანამდებობიდან გათავისუფლების დღიდან 4 წლის განმავლობაში ; გ ) პირი , რომელიც საქართველოს საარჩევნო კანონმდებლობის დარღვევის გამო სასამართლომ ცნო ადმინისტრაციულ სამართალდამრღვევად , – სასამართლოს გადაწყვეტილების კანონიერ ძალაში შესვლიდან 4 წლის განმავლობაში ; დ ) ნასამართლევი პირი ; ე ) საარჩევნო სუბიექტი / საარჩევნო სუბიექტობის კანდიდატი , მისი წარმომადგენელი ; ვ ) დამკვირვებელი .
6.უმაღლესი საბჭოს მიერ არჩეული უსკოს წევრის უფლებამოსილების ვადაა 5 წელი . თუ უსკოს მოქმედი წევრის უფლებამოსილების ვადის გასვლამდე უსკოს ახალი წევრი უმაღლესმა საბჭომ არ აირჩია , უსკოს მოქმედი წევრის უფლებამოსილების ვადა გრძელდება უსკოს ახალი წევრის არჩევამდე .
7.უსკოს თავმჯდომარეს უმაღლესი საბჭო ირჩევს უსკოს წევრის უმაღლესი საბჭოს მიერ არჩევისთვის ამ კანონითა და უმაღლესი საბჭოს რეგლამენტით დადგენილი წესით . უსკოს თავმჯდომარეობის კანდიდატი უნდა აკმაყოფილებდეს ამ მუხლის მე -4 და მე -5 პუნქტების მოთხოვნებს .
8.უსკოს თავმჯდომარის უფლებამოსილების ვადაა 5 წელი . თუ უსკოს მოქმედი თავმჯდომარის უფლებამოსილების ვადის გასვლამდე უსკოს ახალი თავმჯდომარე უმაღლესმა საბჭომ არ აირჩია , უსკოს მოქმედი თავმჯდომარის უფლებამოსილების ვადა გრძელდება უსკოს ახალი თავმჯდომარის არჩევამდე .
9.უსკოს წევრის / უსკოს თავმჯდომარის არჩევის შესახებ უმაღლესი საბჭოს დადგენილება მისი მიღებიდან 7 დღეში წარედგინება უსკოს .