თავდაცვის კოდექსის რეგულირების სფერო
საქართველოს თავდაცვის კოდექსი მოიცავს თავდაცვის ორგანიზებას, რომელიც ეფუძნება ტოტალური თავდაცვის მიდგომას, ეროვნული მედეგობის გაძლიერებას, ეროვნული წინააღმდეგობის ორგანიზებასა და ამოცანით მართვას. კოდექსი ასევე აწესრიგებს სახელმწიფო თავდაცვის პოლიტიკის დაგეგმვას, თავდაცვის სამინისტროს უფლებამოსილებებსა და სტრუქტურას, სამხედრო აღრიცხვას, სამხედრო სამსახურის გავლას, თავდაცვის ძალების რეზერვის მართვას, სამხედრო განათლებას, საერთაშორისო სწავლებას, სამშვიდობო ოპერაციას, წახალისებასა და დისციპლინურ პასუხისმგებლობას, საომარი მდგომარეობის რეგულირებას და თავდაცვის სფეროში მოხალისეობას. ეს კოდექსი სწორედ ის სამართლებრივი საფუძველია, რომელზედაც მობილიზაციასთან და სარეზერვო სამსახურთან დაკავშირებული ურთიერთობები იგება.