Article 3. ლიცენზიისა და ნებართვის გაცემის პრინციპები

ლიცენზიისა და ნებართვის გაცემის სფეროებში მოქმედი კრიტერიუმები, მოთხოვნები, პირობები და წესები უნდა ეყრდნობოდეს შემდეგ პრინციპებს: ა) კანონის წინაშე მხარეთა თანასწორობა; ბ) ადამიანის სიცოცხლისა და ჯანმრთელობის, მისი საცხოვრებელი და კულტურული გარემოს უსაფრთხოების უზრუნველყოფა და დაცვა; გ) მეწარმეთა ინტერესების დაცვა; დ) სახელმწიფო და საზოგადოებრივი უსაფრთხოების დაცვა; ე) მომხმარებელთა უფლებებისა და ინტერესების დაცვა; ვ) კულტურული მემკვიდრეობის დაცვა.