პროფესიული საჯარო მოხელის შეფასების წესისა და პირობების დამტკიცების შესახებ
Article 7. მოხელის უფლება-მოვალეობანი
Consolidation №1 Verified against the current consolidation · 31 Mar 2025
პროფესიული საჯარო მოხელის შეფასების წესისა და პირობების დამტკიცების შესახებ
Closest in meaning — including in other laws
პროფესიული საჯარო მოხელის შეფასების წესისა და პირობების დამტკიცების შესახებ
Always up-to-date legal framework
1.შეფასების პროცესში მონაწილე მოხელეს უფლება აქვს: ა) მოითხოვოს შეფასების პროცესის ობიექტურად, კანონიერად, მიუკერძოებლად, სამართლიანად და გამჭვირვალედ ჩატარება; ბ) გაეცნოს შეფასების პერიოდში შექმნილ დოკუმენტურ მასალებს წარადგინოს დამატებითი დოკუმენტები, როგორც მატერიალური, ასევე ელექტრონული ფორმით; გ) შეფასების თითოეულ ეტაპზე თავისუფლად და შეუზღუდავად გამოხატოს საკუთარი მოსაზრებები, წარადგინოს შესაბამისი განმარტებები წერილობით, როგორც მატერიალური, ასევე ელექტრონული ფორმით; დ) გაასაჩივროს შეფასების შედეგები; ე) განახორციელოს ამ წესითა და კანონმდებლობით დადგენილი სხვა უფლებამოსილებები.
2.მოხელე ვალდებულია: ა) ჯეროვნად და კეთილსინდისიერად განახორციელოს დაკისრებული მოვალეობები და შეფასების შეუფერხებლად წარმართვისთვის წარადგინოს მასალები დროულად; ბ) ხელი შეუწყოს შეფასების პროცესის ობიექტურად განხორციელებას; გ) ხელმძღვანელის მოთხოვნის შემთხვევაში, წარუდგინოს მას ნებისმიერი ინფორმაცია/დოკუმენტაცია, რაც დაკავშირებულია შეფასების პროცესთან; დ) თავი შეიკავოს ნებისმიერი ქმედებისაგან, რომელიც პირდაპირ თუ არაპირდაპირ ხელს შეუშლის შეფასების პროცესის სამართლიანად განხორციელებას; ე) შეასრულოს ხელმძღვანელის მითითებები, შეფასების შედეგების შემდგომი გაუმჯობესების მიზნით.
3.შესაფასებელი მოხელის მიერ შეფასებაზე უარის თქმა განიხილება როგორც მძიმე დისციპლინური გადაცდომა.
These lawyers work in the legal area related to this article.
