მია ზოიძე არის მრავალწლიანი გამოცდილების მქონე ადვოკატი და იურიდიული კომპანია „გიორგი ფანცულაია და პარტნიორები“-ს დამფუძნებელი პარტნიორი. იგი ფლობს სამართლისა და სოციალური ფსიქოლოგიის მაგისტრის ხარისხებს და პროფესიულ საქმიანობაში აქტიურად იყენებს როგორც სამართლებრივ ცოდნას, ასევე კომუნიკაციისა და მოლაპარაკებების ფსიქოლოგიურ მიდგომებს. მია ზოიძე მუშაობს სისხლის, სამოქალაქო და ადმინისტრაციული სამართლის მიმართულებით. მისი პრაქტიკა მოიცავს ბიზნესთან დაკავშირებულ დავებს, ხელშეკრულებით ურთიერთობებს, ქონებრივ და საოჯახო საკითხებს, ასევე რთულ და საზოგადოებისთვის მნიშვნელოვან საქმეებს. ჩაბარებული აქვს არასრულწლოვანთა მართლმსაჯულების სპეციალიზაციის გამოცდები როგორც სისხლის, ასევე სამოქალაქო სამართლის სფეროში. პრაქტიკის განმავლობაში მონაწილეობდა საზოგადოებისთვის ცნობილ არაერთ რეზონანსულ საქმეში. აქვს გამოცდილება მედიასთან, ადგილობრივ და საერთაშორისო არასამთავრობო ორგანიზაციებთან, დიპლომატიურ კორპუსთან, საქართველოს სახალხო დამცველის აპარატთან და სახელმწიფო ინსტიტუტებთან თანამშრომლობის მიმართულებით. მია ზოიძე ახორციელებს სამართლებრივ წარმომდგენლობას ქართულ, ინგლისურ და რუსულ ენებზე.

გიორგი ბუიღლიშვილი არის ბიზნესის განვითარების, შეფასების და ბაზრის ანალიზის სფეროში გამოცდილი პროფესიონალი, მრავალწლიანი პრაქტიკული გამოცდილებით ფინანსურ ინსტიტუტებსა და საერთაშორისო საკონსულტაციო კომპანიებში. იგი არის MRICS-ის წევრი, რაც ადასტურებს მის მაღალი დონის პროფესიულ კომპეტენციას უძრავი ქონებისა და შეფასების სფეროში. მისი კარიერა მოიცავს როგორც სტრატეგიულ, ისე ოპერაციულ როლებს, სადაც იგი წარმატებით ხელმძღვანელობდა გუნდებს, ავითარებდა ბიზნეს მიმართულებებს და ქმნიდა მონაცემებზე დაფუძნებულ გადაწყვეტილებებს. George-ს აქვს ძლიერი გამოცდილება ბაზრის კვლევაში, ფინანსურ ანალიზში, მონაცემთა სისტემატიზაციასა და პროექტების მართვაში. ამჟამად იგი საქმიანობს ARGOS-ში (მალტა და იტალია), როგორც პროექტის მენეჯერის თანამდებობაზე, სადაც ფოკუსირებულია საკონსულტაციო და აუდიტორულ პროექტებზე. მანამდე, Cushman & Wakefield-ში (საქართველო) ეკავა როგორც ბიზნეს განვითარების მენეჯერის, ასევე შეფასების დეპარტამენტის ხელმძღვანელის პოზიციები, სადაც მნიშვნელოვანი წვლილი შეიტანა კომპანიის ზრდასა და ოპერაციული ეფექტურობის გაუმჯობესებაში. გიორგის პროფესიული გამოცდილება ასევე მოიცავს მუშაობას Basis Bank-ში, Georgian National Communications Commission-ში, Colliers International-ში და Bank Republic Société Générale Group-ში, სადაც იგი მონაწილეობდა როგორც ფინანსურ ანალიზში, ასევე სტრატეგიული მიმართულებების განვითარებაში. აკადემიურად, მას აქვს მაგისტრის ხარისხი ეკოლოგიურ ეკონომიკაში (GUP) და ბაკალავრის ხარისხი ბიზნესსა და ეკონომიკაში (TSU). იგი თავისუფლად ფლობს ქართულ, რუსულ და ინგლისურ ენებს. მისი პროფესიული პროფილი გამოირჩევა ანალიტიკური აზროვნებით, სტრუქტურირებული მიდგომით და შედეგზე ორიენტირებული მუშაობის სტილით.

სალომე კობერიძე არის Strategic Counsel Group-ის პარტნიორი 10 წელზე მეტი პროფესიული გამოცდილებით საკორპორაციო და სამოქალაქო სამართლის სფეროებში. მისი საქმიანობა მოიცავს ბიზნეს პროცესების სრულ სამართლებრივ მხარდაჭერას, სასამართლოში წარმომადგენლობის ჩათვლით. პროფესიული საქმიანობის ფარგლებში მან მნიშვნელოვანი გამოცდილება შეიძინა სხვადასხვა სექტორში ოპერირებად მსხვილ ორგანიზაციებში მუშაობისას, მათ შორის, შპს „ჯიარ ლოგისტიკში“ (სს „საქართველოს რკინიგზის“ შვილობილი კომპანია), შპს „საქართველოს ფოსტასა“ და სავაჭრო მარკეტების ქსელ შპს “გვირილა რითეილში”, სადაც პასუხისმგებელი იყო ორგანიზაციების საქმიანობის სრულ სამართლებრივ მხარდაჭერაზე. პარალელურად სალომე კობერიძე ეწევა აქტიურ აკადემიურ საქმიანობას, არის სულხან-საბა ორბელიანის უნივერსიტეტის აფილირებული ასისტენტი და დოქტორანტი, მონაწილეობს საერთაშორისო აკადემიურ პროექტებსა და სამართლებრივ კვლევებში. სალომე კობერიძე არის არაერთი სტატიის ავტორი. მისი აკადემიური და პროფესიული გამოცდილება მოიცავს საერთაშორისო კომპონენტებს, მათ შორის, დოქტორანტურის საფეხურზე სწავლას კადისის უნივერსიტეტში (Cadiz University, Spain) და კვლევით ვიზიტს მაქს პლანკის ინსტიტუტში (Max Planck Institute for Comparative and International Private Law in Hamburg, Germany).

დავით მაისურაძე არის მაღალკვალიფიციური იურისტი და ადვოკატი, 15 წელზე მეტი პროფესიული გამოცდილებით სამოქალაქო, საკორპორაციო და ადმინისტრაციულ სამართალში. იგი 2008 წლიდან არის საქართველოს ადვოკატთა ასოციაციის წევრი საერთო სპეციალიზაციით და წლების განმავლობაში წარმატებით იცავდა და კონსულტაციას უწევდა როგორც კერძო კომპანიებს, ისე არასამთავრობო და საჯარო ორგანიზაციებს სხვადასხვა სახელმწიფო და კერძო სტრუქტურებთან სამართლებრივი დავების პროცესში. მისი პრაქტიკული გამოცდილება მოიცავს მაღალბიუჯეტური, საერთაშორისო პარტნიორებთან დადებული ინგლისურენოვანი და რუსულენოვანი ხელშეკრულებების შედგენას და ანალიზს, კონტრაქტების სამართლებრივ ექსპერტიზას კომერციული სამართლის, სამოქალაქო სამართლის, კორპორაციული მართვის, საწარმოთა რეორგანიზაციისა და ფასიანი ქაღალდების ბაზრის სამართლებრივ საკითხებთან დაკავშირებით. ამავდროულად, დავით მაისურაძეს აქვს სახელმწიფო და არასამთავრობო სექტორში მუშაობის მრავალწლიანი გამოცდილება. დავითი არის ილიას სახელმწიფო უნივერსიტეტის სამართლის სკოლის პროფესორი, სადაც, ასევე, ხელმძღვანელობს კერძო (ბიზნეს) სამართლის სამაგისტრო პროგრამას და კითხულობს ლექციებს საკორპორაციო სამართალში, კორპორაციულ მართვაში, საწარმოთა რეორგანიზაციებსა და ფასიანი ქაღალდების ბაზრის სამართალში. მისი აკადემიური ნაშრომები ციტირებულია საქართველოს უზენაესი სასამართლოს მიერ, რაც ადასტურებს მის მაღალი დონის ექსპერტიზას საკორპორაციო სამართლის სფეროში. დავით მაისურაძე არის კალიფორნიის დევისის უნივერსიტეტის მაგისტრი (UC Davis LLM) და ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის დოქტორი.

ალექსანდრე ხარატიშვილს აქვს საქართველოსა და ამერიკის შეერთებულ შტატებში წამყვან იურიდიულ ფირმებში იურისტად მუშაობის 6+ წლიანი გამოცდილება. ალექსანდრეს ჩაბარებული აქვს ნიუ-იორკის შტატის საადვოკატო გამოცდა (New York Bar) და ფლობს LL.M. ხარისხს ლოილას სამართლის სკოლიდან (Loyola New Orleans College of Law). კარიერის განმავლობაში ალექსანდრეს მოპოვებული აქვს არაერთი პრესტიჟური აკადემიური და პროფესიული სტიპენდია — Fulbright Graduate Scholarship, Edmund S. Muskie Fellowship და Erasmus+ Scholarship. ალექსანდრეს აქვს M&A ტრანზაქციებზე მუშაობის გამოცდილება დიდი ოთხეულის (Big Four) იურიდიულ პრაქტიკაში, სადაც იგი იკავებდა უფროსი იურისტის (Senior Associate) პოზიციას, მას ასევე ეკავა იურიდიული მრჩევლის პოზიცია საპენსიო ფონდში, წარმოადგენდა ფონდს კომერციულ ბანკებთან ურთიერთობაში და ჩართული იყო არარერთ პროექტში დერივატივების, სადეპოზიტო სერტიფიკატების, ვადიანი დეპოზიტების, და ობლიგაციების შესყიდვის საკითხებში. ვებ-გვერდი: https://www.kharatishvili-law.com/ Tel: 577335540