ვახტანგ ბარამაშვილი

ვახტანგ ბარამაშვილმა 2016 წელს თბილისის სახელმწიფო უნივერსიტეტში სამართალმცოდნეობის ბაკალავრის ხარისხი მიიღო, ხოლო 2018 წელს — ილიას სახელმწიფო უნივერსიტეტში ბიზნეს სამართლის მაგისტრის ხარისხი. მან გამოცდილება დააგროვა ადგილობრივ იურიდიულ ფირმებში ასისტენტისა და უმცროსი იურისტის პოზიციებზე, 2016 წელს კი მცირე ხნით კომპანია GLCorp-ში მუშაობდა. 2018 წლის ბოლოს ბარამაშვილი გახდა იურიდიული ფირმა „სოხაძე, ბარამაშვილი და პარტნიორების“ თანადამფუძნებელი და მმართველი პარტნიორი. ამ პოზიციაზე იგი ხელმძღვანელობდა სამოქალაქო სამართლის ფართო პრაქტიკას და წარმოადგენდა კლიენტთა ინტერესებს. 2019 წლის იანვრიდან იგი არბიტრაჟის "თბილისის საერთაშორისო ტრიბუნალის" არბიტრი (საბჭოს წევრი) გახდა. გარდა ამისა, 2020 წელს ბარამაშვილმა „გენეტიკის ეროვნულ ლაბორატორიაში“ უფროსი იურისტის პოზიცია დაიკავა, სადაც აღნიშნულ კომპანიის მთავარი იურისტი გახდა. ამ საქმიანობების პარალელურად, ის მუდმივად ეწეოდა საადვოკატო პრაქტიკას და აქტიურად მონაწილეობდა საქართველოს ადვოკატთა ასოციაციის საქმიანობაში. 2019 წლიდან იგი სულხან-საბა ორბელიანის უნივერსიტეტის მოწვეული პროფესორია.

აქტიურად მუშაობს iGaming-სა და Fintech-ის საკითხებზე.

2025 წელს დააფუძნა Legal.Ge.

ვახტანგ ბარამაშვილის იურიდიული ფილოსოფია სამართალზე, როგორც ანგარიშვალდებულებისა და უფლებების დაცვის საჯარო ინსტრუმენტზეა ორიენტირებული. კანონი ინდივიდთა უნივერსალური საკომუნიკაციო ენაა, რომელიც მოქალაქისთვის საკუთარი მიზნებისკენ გზაზე დაბრკოლების ნაცვლად ხელმშემწყობ ფაქტორს უნდა წარმოადგენდეს. ადვოკატის პროფესიის დანიშნულებაც ესაა, გადაწყვიტოს პრობლემები რომლების გადაწყვეტაც სხვას არ შეუძლია.

სწავლება:

ვახტანგ ბარამაშვილი სულხან-საბა ორბელიანის უნივერსიტეტში 2019 წლიდან მოწვეული ლექტორია. ის ორ ძირითად კურსს ასწავლის:

• კრიპტოვალუტისა და ბლოკჩეინის სამართალი (მაგისტრატურის დონე) — პირველი ასეთი ტიპის კურსი საქართველოში, რომელიც ფოკუსირებულია ფინტექ რეგულირებასა და ბლოკჩეინის ჩარჩოებზე.
• კერძო სამართლის პრაქტიკული კურსი (ბაკალავრის დონე)

ის ასევე არის დოქტორანტი სულხან-საბა ორბელიანის უნივერსიტეტში, სადაც იკვლევს „გონიერი ხელშეკრულებების იგივე Smart contract-ებიდან გამომდინარე ქონებრივი ზიანის ანაზღაურებასთან დაკავშირებული პრობლემური საკითხების იდენტიფიცირება და ზიანის ფარგლების განსაზღვრა”

საჯარო გამოსვლები: ვახტანგ ბარამაშვილი ხშირად გამოდის საჯარო და პროფესიულ ღონისძიებებზე:

2023 წლის ივლისში მან უხელმძღვანელა 10-დღიან ტრენინგს საქართველოს გარემოსდაცვით კანონმდებლობაზე, რომელიც ორგანიზებული იყო GreenPole-ის მიერ ევროკავშირის მიერ მხარდაჭერილი პროექტის ფარგლებში და მოიცავდა ჰაერის დაცვის კანონმდებლობას და ინფორმაციაზე საზოგადოების წვდომას.

მისი მედია გამოსვლები და კონფერენციებზე ლექციები მისი სწავლების პრაქტიკულ გაგრძელებას წარმოადგენს, რაც აძლიერებს მის პოზიციას, როგორც იურისტ-პედაგოგის, რომელიც აერთიანებს სამოქალაქო, გარემოსდაცვით და ტექნოლოგიურ სამართალს.

იხილეთ მისი ბლოგი