ვიპოვეთ სპეციალისტები, რომლებიც ამ საკითხზე მუშაობენ

ადვოკატი იოსებ გაბარაევი დაიბადა 1981 წლის 24 სექტემბერს ქალაქ გორში. 2003 წელს წარჩინებით დაამთავრა გორის ეკონომიკურ-ჰუმანიტარული უნივერსიტეტის სამართალმცოდნეობის ფაკულტეტი. 2011 წელს სწავლა განაგრძო ივანე ჯავახიშვილის სახელობის თბილისის სახელმწიფო უნივერსიტეტის დოქტორანტურაში სისხლის სამართლის სპეციალობით. 2022 წელს წარმატებით დაიცვა სადისერტაციო ნაშრომი თემაზე – „ძალადობით ჩადენილი სქესობრივი დანაშაულის კვალიფიკაციის საკითხები“ და მიენიჭა სამართლის დოქტორის აკადემიური ხარისხი. 2004 წლიდან ეწევა საადვოკატო საქმიანობას. 2007–2019 წლებში მუშაობდა სსიპ იურიდიული დახმარების სამსახურის შიდა ქართლის ბიუროს ადვოკატად, სადაც პროფესიული საქმიანობისთვის 2010 და 2015 წლებში გამოეცხადა მადლობა. 2019 წლიდან განაგრძობს კერძო საადვოკატო პრაქტიკას საერთო სპეციალიზაციით. პარალელურად მრავალი წელია ჩართულია აკადემიურ საქმიანობაში. არის გორის ეკონომიკურ-ჰუმანიტარული უნივერსიტეტის მოწვეული სპეციალისტი და კითხულობს პრაქტიკულ სასწავლო კურსებს, მათ შორის – „არასრულწლოვანთა მართლმსაჯულებას“. 2024 წლის მარტიდან არის თბილისის საერთაშორისო უნივერსიტეტის პროფესორი, ხოლო 2024 წლის ოქტომბრიდან – საქართველოს ეროვნული თავდაცვის აკადემიის ასოცირებული პროფესორი; ასევე, 2025 წლიდან თბილისის ჰუმანიტარული უნივერსიტეტის პროფესორი. არის ორგანიზაცია „საქართველოს ადვოკატები დამოუკიდებელი პროფესიისთვის“ დირექტორთა საბჭოს წევრი. მისი საქმიანობა მოიცავს ადვოკატთა პროფესიული განვითარებისა და სამართლებრივი ცნობიერების ამაღლების ხელშეწყობას, ტრენინგების, სამუშაო შეხვედრებისა და საერთაშორისო სასწავლო ვიზიტების ორგანიზებას. არის რამდენიმე სამეცნიერო სტატიის ავტორი, მონაწილეობს ეროვნულ და საერთაშორისო სამეცნიერო კონფერენციებში, მათ შორის ევროპის სამართლის ინსტიტუტის (European Law Institute – ELI) ყოველწლიურ კონფერენციებსა და პროფესიულ შეხვედრებში, მათ შორის მომხსენებლის სტატუსით. 2024 წლიდან არის სამედიცინო სამართლის მსოფლიო ასოციაციის წევრი. ჩაბარებული აქვს ადვოკატთა, პროკურატურის მუშაკთა და მოსამართლეობის საკვალიფიკაციო გამოცდები სისხლის სამართლის სპეციალობით. გავლილი აქვს არაერთი პროფესიული ტრენინგი სისხლის სამართლის, სასამართლო უნარ-ჩვევების, ადამიანის უფლებათა ევროპული სტანდარტების, ოჯახში ძალადობისა და არასრულწლოვანთა მართლმსაჯულების მიმართულებით. პროფესიული განვითარების მიზნით არაერთხელ იმყოფებოდა სასწავლო ვიზიტებით ევროკავშირის ინსტიტუტებში, მათ შორის ევროკავშირის მართლმსაჯულების სასამართლოში, ევროკომისიაში, ევროკავშირის პარლამენტსა და ევროკავშირის საბჭოში. პროფესიული საქმიანობის ძირითადი მიმართულებებია სისხლის სამართალი, სისხლის სამართლის პროცესი, არასრულწლოვანთა მართლმსაჯულება, ადამიანის უფლებები, სქესობრივი დანაშაულები და საადვოკატო პრაქტიკა.

ირაკლი ღლონტი არის იურისტი და ბიზნეს სამართლის სპეციალისტი, რომელსაც 15 წელზე მეტი გამოცდილება აქვს ბიზნესის, ინვესტორებისა და კერძო პირების სამართლებრივი ინტერესების დაცვაში. მისი პრაქტიკა მოიცავს ბიზნეს საქმიანობის სრულ სამართლებრივ მხარდაჭერას, კორპორაციულ სამართალს, კომერციულ ურთიერთობებს, მოლაპარაკებების წარმოებას, სამართლებრივი რისკების მართვასა და ადამიანის უფლებათა დაცვას, წარმომადგენლობას სასამართლოებში და ადმინისტრაციულ ორგანოებში. მრავალწლიანი საქმიანობის განმავლობაში თანამშრომლობდა ადგილობრივ და საერთაშორისო ინვესტორებთან, მსხვილ კომპანიებთან და სხვადასხვა სექტორში მოქმედ ორგანიზაციებთან. როგორც იურიდიული კომპანია „ირაკლი ღლონტი და პარტნიორების“ დამფუძნებელი და დირექტორი, იგი კლიენტებს სთავაზობს არა მხოლოდ სამართლებრივ მომსახურებას, არამედ ბიზნესზე ორიენტირებულ, პრაქტიკულ და შედეგზე დაფუძნებულ გადაწყვეტილებებს. მისი პროფესიული გამოცდილება სახელმწიფო, კერძო, არასამთავრობო და პოლიტიკურ სექტორებში საშუალებას აძლევს, კომპლექსური სამართლებრივი და ბიზნეს გამოწვევები ფართო ხედვითა და სტრატეგიული მიდგომით შეაფასოს. პროფესიულ საქმიანობასთან ერთად ირაკლი ღლონტი გახლდათ არაერთი საერთაშორისო კონფერენციის სპიკერი, არასამთავრობო ორგანიზაციის ხელმძღვანელი, პოლიტიკური პარტიის ,,რეფორმატორები''-ის ლიდერი, თავმჯდომარე და ქ. თბილისის მერობის კანდიდატი, რაც მის ლიდერულ და საზოგადოებრივ გამოცდილებას კიდევ უფრო უსვამს ხაზს. 2007 – 2008 - ქ. თბილისის საკრებულოს იურიდიულ საკითხთა და ადამიანის უფლებათა დაცვის კომისიის იურისტი; 2009-2010 - ქ.თბილისის საკრებულოს იურიდიულ საკითხთა და ადამიანის უფლებათა დაცვის კომისიის სამდივნოს (აპარატის) უფროსი; 2010-2012 - საქართველოს ეკონომიკისა და მდგრადი განვითარების სამინისტრო - სამმართველოს უფროსი; 2012 - 2014 -შპს ქართული კაპიტალის მართვის ჯგუფის დირექტორი; 2014-2018 - პოლიტიკური გაერთიანება ,,რეფორმატორები''-ს თავმჯდომარე; ლიდერი; 2014 - ქ. თბილისის მერობის კანდიდატი; 2018 წლიდან დღემდე - იურიდიული კომპანია შპს ,,ირაკლი ღლონტი და პარტნიორები''-ს დირექტორი;

გიორგი ბუიღლიშვილი არის ბიზნესის განვითარების, შეფასების და ბაზრის ანალიზის სფეროში გამოცდილი პროფესიონალი, მრავალწლიანი პრაქტიკული გამოცდილებით ფინანსურ ინსტიტუტებსა და საერთაშორისო საკონსულტაციო კომპანიებში. იგი არის MRICS-ის წევრი, რაც ადასტურებს მის მაღალი დონის პროფესიულ კომპეტენციას უძრავი ქონებისა და შეფასების სფეროში. მისი კარიერა მოიცავს როგორც სტრატეგიულ, ისე ოპერაციულ როლებს, სადაც იგი წარმატებით ხელმძღვანელობდა გუნდებს, ავითარებდა ბიზნეს მიმართულებებს და ქმნიდა მონაცემებზე დაფუძნებულ გადაწყვეტილებებს. George-ს აქვს ძლიერი გამოცდილება ბაზრის კვლევაში, ფინანსურ ანალიზში, მონაცემთა სისტემატიზაციასა და პროექტების მართვაში. ამჟამად იგი საქმიანობს ARGOS-ში (მალტა და იტალია), როგორც პროექტის მენეჯერის თანამდებობაზე, სადაც ფოკუსირებულია საკონსულტაციო და აუდიტორულ პროექტებზე. მანამდე, Cushman & Wakefield-ში (საქართველო) ეკავა როგორც ბიზნეს განვითარების მენეჯერის, ასევე შეფასების დეპარტამენტის ხელმძღვანელის პოზიციები, სადაც მნიშვნელოვანი წვლილი შეიტანა კომპანიის ზრდასა და ოპერაციული ეფექტურობის გაუმჯობესებაში. გიორგის პროფესიული გამოცდილება ასევე მოიცავს მუშაობას Basis Bank-ში, Georgian National Communications Commission-ში, Colliers International-ში და Bank Republic Société Générale Group-ში, სადაც იგი მონაწილეობდა როგორც ფინანსურ ანალიზში, ასევე სტრატეგიული მიმართულებების განვითარებაში. აკადემიურად, მას აქვს მაგისტრის ხარისხი ეკოლოგიურ ეკონომიკაში (GUP) და ბაკალავრის ხარისხი ბიზნესსა და ეკონომიკაში (TSU). იგი თავისუფლად ფლობს ქართულ, რუსულ და ინგლისურ ენებს. მისი პროფესიული პროფილი გამოირჩევა ანალიტიკური აზროვნებით, სტრუქტურირებული მიდგომით და შედეგზე ორიენტირებული მუშაობის სტილით.

სალომე კობერიძე არის Strategic Counsel Group-ის პარტნიორი 10 წელზე მეტი პროფესიული გამოცდილებით საკორპორაციო და სამოქალაქო სამართლის სფეროებში. მისი საქმიანობა მოიცავს ბიზნეს პროცესების სრულ სამართლებრივ მხარდაჭერას, სასამართლოში წარმომადგენლობის ჩათვლით. პროფესიული საქმიანობის ფარგლებში მან მნიშვნელოვანი გამოცდილება შეიძინა სხვადასხვა სექტორში ოპერირებად მსხვილ ორგანიზაციებში მუშაობისას, მათ შორის, შპს „ჯიარ ლოგისტიკში“ (სს „საქართველოს რკინიგზის“ შვილობილი კომპანია), შპს „საქართველოს ფოსტასა“ და სავაჭრო მარკეტების ქსელ შპს “გვირილა რითეილში”, სადაც პასუხისმგებელი იყო ორგანიზაციების საქმიანობის სრულ სამართლებრივ მხარდაჭერაზე. პარალელურად სალომე კობერიძე ეწევა აქტიურ აკადემიურ საქმიანობას, არის სულხან-საბა ორბელიანის უნივერსიტეტის აფილირებული ასისტენტი და დოქტორანტი, მონაწილეობს საერთაშორისო აკადემიურ პროექტებსა და სამართლებრივ კვლევებში. სალომე კობერიძე არის არაერთი სტატიის ავტორი. მისი აკადემიური და პროფესიული გამოცდილება მოიცავს საერთაშორისო კომპონენტებს, მათ შორის, დოქტორანტურის საფეხურზე სწავლას კადისის უნივერსიტეტში (Cadiz University, Spain) და კვლევით ვიზიტს მაქს პლანკის ინსტიტუტში (Max Planck Institute for Comparative and International Private Law in Hamburg, Germany).

დავით მაისურაძე არის მაღალკვალიფიციური იურისტი და ადვოკატი, 15 წელზე მეტი პროფესიული გამოცდილებით სამოქალაქო, საკორპორაციო და ადმინისტრაციულ სამართალში. იგი 2008 წლიდან არის საქართველოს ადვოკატთა ასოციაციის წევრი საერთო სპეციალიზაციით და წლების განმავლობაში წარმატებით იცავდა და კონსულტაციას უწევდა როგორც კერძო კომპანიებს, ისე არასამთავრობო და საჯარო ორგანიზაციებს სხვადასხვა სახელმწიფო და კერძო სტრუქტურებთან სამართლებრივი დავების პროცესში. მისი პრაქტიკული გამოცდილება მოიცავს მაღალბიუჯეტური, საერთაშორისო პარტნიორებთან დადებული ინგლისურენოვანი და რუსულენოვანი ხელშეკრულებების შედგენას და ანალიზს, კონტრაქტების სამართლებრივ ექსპერტიზას კომერციული სამართლის, სამოქალაქო სამართლის, კორპორაციული მართვის, საწარმოთა რეორგანიზაციისა და ფასიანი ქაღალდების ბაზრის სამართლებრივ საკითხებთან დაკავშირებით. ამავდროულად, დავით მაისურაძეს აქვს სახელმწიფო და არასამთავრობო სექტორში მუშაობის მრავალწლიანი გამოცდილება. დავითი არის ილიას სახელმწიფო უნივერსიტეტის სამართლის სკოლის პროფესორი, სადაც, ასევე, ხელმძღვანელობს კერძო (ბიზნეს) სამართლის სამაგისტრო პროგრამას და კითხულობს ლექციებს საკორპორაციო სამართალში, კორპორაციულ მართვაში, საწარმოთა რეორგანიზაციებსა და ფასიანი ქაღალდების ბაზრის სამართალში. მისი აკადემიური ნაშრომები ციტირებულია საქართველოს უზენაესი სასამართლოს მიერ, რაც ადასტურებს მის მაღალი დონის ექსპერტიზას საკორპორაციო სამართლის სფეროში. დავით მაისურაძე არის კალიფორნიის დევისის უნივერსიტეტის მაგისტრი (UC Davis LLM) და ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის დოქტორი.

დავით ელისაბედაშვილი არის კერძო აღმასრულებელი, რომელსაც სააღსრულებო საქმიანობის მრავალწლიანი პრაქტიკული გამოცდილება აქვს. იგი აღნიშნულ სფეროში საქმიანობას 2007 წლიდან ახორციელებს და გამოირჩევა მაღალი პროფესიონალიზმითა და პრაქტიკული ცოდნით. დავითის პროფესიული კარიერა უკავშირდება თბილისის სააღსრულებო ბიუროს, სადაც მუშაობდა აღმასრულებლის პოზიციაზე. 2009 წლიდან კი საქმიანობას აგრძელებს როგორც კერძო აღმასრულებელი, სადაც წარმატებით ახორციელებს სააღსრულებო საქმიანობას სხვადასხვა კატეგორიის საქმეებზე. იგი არის გრიგოლ რობაქიძის სახელობის უნივერსიტეტის დოქტორანტი, რაც კიდევ უფრო ამყარებს მის თეორიულ და აკადემიურ ცოდნას სამართლის სფეროში. 2016 წლიდან დავითი გახლავთ მიწვეული ლექტორი ილიას სახელმწიფო უნივერსიტეტში, სადაც კითხულობს სალექციო კურსებს სააღსრულებო, სანივთო, ადმინისტრაციული საპროცესო და სამოქალაქო საპროცესო სამართლის მიმართულებით. დავითს ასევე აქვს მნიშვნელოვანი გამოცდილება განათლების ხარისხის უზრუნველყოფის მიმართულებით — 2019 წლიდან იგი არის აკრედიტაციის ექსპერტი განათლების ხარისხის განვითარების ეროვნულ ცენტრში. მისი პროფესიული განვითარება მოიცავს საერთაშორისო გამოცდილებასაც: 2022 წლიდან არის საერთაშორისო ორგანიზაციის CONNEX – European Collection and Enforcement Network-ის წევრი და საქართველოს წარმომადგენელი. დავითს გამოქვეყნებული აქვს არაერთი სამეცნიერო ნაშრომი სამართლის სფეროში, რაც მის აკადემიურ და პრაქტიკულ საქმიანობას დამატებით ღირებულებას სძენს.