მუხლი 24. „სახელმწიფო საკუთრებაში არსებული არასასოფლო-სამეურნეო დანიშნულების მიწის მართვისა და განკარგვის შესახებ“ საქართველოს კანონის შესაბამისად წარმოშობილი საკუთრების უფლების პირველადი რეგისტრაცია

საჯარო რეესტრში სახელმწიფოს საკუთრების უფლება დაურეგისტრირებელი არასასოფლო-სამეურნეო დანიშნულების მიწისა და სხვა უძრავი ნივთის განკარგვის შედეგად წარმოშობილი საკუთრების უფლების რეგისტრაციისათვის წარდგენილ უნდა იქნეს: ა) სანოტარო წესით დამოწმებული ნასყიდობის ხელშეკრულება (აუქციონის, კონკურსის და პირდაპირი განკარგვის დროს); ბ) მიწის ნაკვეთის საკადასტრო აზომვითი ნახაზი; გ) სარეგისტრაციო მომსახურების საფასურის გადახდის დამადასტურებელი საბუთი.