მუხლი 17. ავტონომიური რესპუბლიკებისა და მუნიციპალიტეტებისათვის გადასაცემი ტრანსფერები

ავტონომიური რესპუბლიკებისა და მუნიციპალიტეტებისათვის გადასაცემი ტრანსფერები განისაზღვროს 742,000.0 ათასი ლარის ოდენობით, მათ შორის: ა) სპეციალური ტრანსფერი: ა.ა) ავტონომიური რესპუბლიკებისა და მუნიციპალიტეტებისათვის გადასაცემი სპეციალური ტრანსფერი განისაზღვროს 735,500.0 ათასი ლარის ოდენობით, თანდართული რედაქციით: ათას ლარებში ავტონომიური რესპუბლიკებისა და მუნიციპალიტეტების დასახელება სპეციალური ტრანსფერი აფხაზეთის ავტონომიური რესპუბლიკა 22,000.0 ქალაქ თბილისის მუნიციპალიტეტი 630,000.0 აჟარის მუნიციპალიტეტი 2,050.0 ქურთის მუნიციპალიტეტი 3,700.0 ერედვის მუნიციპალიტეტი 3,550.0 თიღვის მუნიციპალიტეტი 3,150.0 ახალგორის მუნიციპალიტეტი 5,150.0 სხვადასხვა მუნიციპალიტეტი 65,900.0 სულ 735,500.0 ა.ბ) სხვადასხვა მუნიციპალიტეტის ხელშეწყობის მიზნით ამ მუხლის „ა.ა“ ქვეპუნქტით გათვალისწინებული სხვადასხვა მუნიციპალიტეტისათვის სპეციალური ტრანსფერის სახით განსაზღვრული 65,900.0 ათასი ლარის განკარგვა განხორციელდეს საქართველოს მთავრობის მიერ მიღებული გადაწყვეტილების შესაბამისად; ბ) მიზნობრივი ტრანსფერი: ბ.ა) დელეგირებული უფლებამოსილების განსახორციელებლად მუნიციპალიტეტებისათვის გადასაცემი მიზნობრივი ტრანსფერი განისაზღვროს 6,500.0 ათასი ლარის ოდენობით და მისი განკარგვა განხორციელდეს საქართველოს მთავრობის მიერ მიღებული გადაწყვეტილების შესაბამისად; ბ.ბ) დელეგირებულ უფლებამოსილებებს განეკუთვნება „საქართველოს ოკუპირებული ტერიტორიებიდან იძულებით გადაადგილებულ პირთა − დევნილთა შესახებ“, „სამშობლოს დაცვისას დაღუპულთა და ომის შემდეგ გარდაცვლილ მეომართა ხსოვნის უკვდავყოფის შესახებ“ და „მაღალმთიანი რეგიონების განვითარების შესახებ“ საქართველოს კანონებით, ბავშვის უფლებათა კოდექსით და სხვა საქართველოს კანონებით განსაზღვრული უფლებამოსილებებით გათვალისწინებულ ღონისძიებათა დაფინანსება; ბ.გ) „საზოგადოებრივი ჯანმრთელობის შესახებ“ და „შეზღუდული შესაძლებლობის მქონე პირთა უფლებების შესახებ“ საქართველოს კანონებით განსაზღვრული დელეგირებული უფლებამოსილებების განხორციელების მიზნით საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრომ უზრუნველყოს მისთვის გათვალისწინებული ასიგნებებიდან მუნიციპალიტეტებისათვის შესაბამისი თანხის გამოყოფა; ბ.დ) ამ მუხლის „ბ.ბ“ და „ბ.გ“ ქვეპუნქტებით გათვალისწინებული დელეგირებული უფლებამოსილებების გარდა, 2026 წელს შესაძლებელია განხორციელდეს: ბ.დ.ა) საქართველოს რეგიონული განვითარების სამინისტროს ასიგნებების ფარგლებში: ბ.დ.ა.ა) მუნიციპალიტეტებისათვის მოსწავლეთა ტრანსპორტით უზრუნველყოფის უფლებამოსილების დელეგირება პროგრამიდან „საჯარო სკოლის მოსწავლეების ტრანსპორტით უზრუნველყოფა“ (პროგრამული კოდი − 35 02); ბ.დ.ა.ბ) მუნიციპალიტეტებისათვის ზოგადსაგანმანათლებლო დაწესებულებების ინფრასტრუქტურის რეაბილიტაციის უფლებამოსილების დელეგირება პროგრამიდან „ზოგადსაგანმანათლებლო დაწესებულებების ინფრასტრუქტურის განვითარება“ (პროგრამული კოდი − 35 03); ბ.დ.ა.გ) მუნიციპალიტეტებისათვის ზოგადსაგანმანათლებლო დაწესებულებების მოვლა-პატრონობის უფლებამოსილების დელეგირება პროგრამიდან „საჯარო სკოლების ოპერირებისა და მოვლა-პატრონობის სისტემის განვითარება“ (პროგრამული კოდი − 35 04); ბ.დ.ბ) საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსათვის გათვალისწინებული ასიგნებების (27 02 03 − სოციალური რეაბილიტაცია და ბავშვზე ზრუნვა) ფარგლებში შეზღუდული შესაძლებლობის მქონე პირთა დამოუკიდებელი ცხოვრების ხელშეწყობის უფლებამოსილების დელეგირება; ბ.ე) ამ მუხლის „ბ.ბ“ ქვეპუნქტით გათვალისწინებული დელეგირებული უფლებამოსილებების განსახორციელებლად საჭირო თანხის გამოყოფის მიზნით მუნიციპალიტეტმა უნდა მიმართოს საქართველოს ფინანსთა სამინისტროს.