1.მონაცემთა ბაზაში რეგისტრაციისათვის მიმართვა შეუძლია ნებისმიერ ოჯახს, მათ შორის, იმ ოჯახს, რომელიც მიიჩნევს, რომ მისი სოციალურ-ეკონომიკური პირობების მიხედვით იმყოფება სოციალურად დაუცველ მდგომარეობაში, საჭიროებს დახმარებას და შეიძლება გახდეს ამ დახმარების მიმღები.
2.მონაცემთა ბაზაში რეგისტრაციის უფლება აქვს ოჯახს, რომლის წევრ(ებ)ი: ა) საქართველოს მოქალაქეა; ბ) ფლობს საქართველოს კანონმდებლობის შესაბამისად გაცემულ პირადობის ნეიტრალურ მოქმედ მოწმობას; გ) უცხოელი, რომელიც ფლობს საქართველოს კანონმდებლობის შესაბამისად გაცემულ მოქმედ მუდმივი ბინადრობის მოწმობას; დ) საქართველოში სტატუსის მქონე მოქალაქეობის არმქონე პირი, რომელიც ფლობს საქართველოს კანონმდებლობის შესაბამისად გაცემულ მოქმედ ბინადრობის მოწმობას; ე) არის ლტოლვილის ან ჰუმანიტარული სტატუსის მქონე პირი, რომელიც ფლობს საქართველოს კანონმდებლობის შესაბამისად გაცემულ მოქმედ ბინადრობის მოწმობას. საქართველოს მთავრობის 2022 წლის 29 მარტის დადგენილება №153 – ვებგვერდი, 29.03.2022წ.

