ანგარიშგებითი ვალდებულებების ჩარჩო
შემოსავლების სამსახურთან ურთიერთობა სათამაშო ორგანიზატორისთვის ყოველდღიურობის ნაწილია, და ეს ურთიერთობა კანონით განსაზღვრულ ანგარიშგებით ჩარჩოში ხდება. „ლატარიების, აზარტული და მომგებიანი თამაშობების მოწყობის შესახებ“ კანონის მე-29 მუხლი ორგანიზატორს ავალდებულებს განახორციელოს გაცემულ მოგებათა რეგისტრაცია, შექმნას ელექტრონული ბაზა და საქართველოს ფინანსური მონიტორინგის სამსახურს კანონმდებლობით დადგენილი წესით წარუდგინოს შესაბამისი ინფორმაცია.
იმავე მუხლით დადგენილი სხვა ვალდებულებებიც შემოწმებისთვის მზადების საგანია: ორგანიზატორი თამაშობასა და მოგებების გაცემას რეგლამენტის ან/და სისტემურ-ელექტრონული თამაშობის წესის შესაბამისად აწარმოებს, მოთხოვნისას მოთამაშეს წერილობით ცნობას გასცემს, პრეტენზიებს რეგლამენტით დადგენილ ვადაში განიხილავს, დროულად იხდის მოსაკრებლებსა და გადასახადებს, ხოლო საქმიანობის შეწყვეტამდე ან განახლებამდე წერილობით აცნობებს შემოსავლების სამსახურს.