ფუნდამენტური კვლევებისათვის სახელმწიფო სამეცნიერო გრანტების შესახებ

მუხლი 4 (დანართი 1). სუბიექტები

რედაქცია №9 კონსოლიდირებული · 30 დეკ. 2025

გჭირდებათ რჩევა ამ მუხლთან დაკავშირებით?

1.კონკურსში მონაწილეობის უფლება აქვთ: ა) წამყვანი ან/და თანამონაწილე ორგანიზაციის სახით, საქართველოს კანონმდებლობის შესაბამისად შექმნილ საჯარო სამართლის იურიდიულ პირებს, საქართველოში რეგისტრირებულ კერძო სამართლის არასამეწარმეო (არაკომერციულ) იურიდიულ პირებს, რომელთა წესდების/დებულების მიზანია სამეცნიერო კვლევების განხორციელება, უმაღლეს საგანმანათლებლო დაწესებულებებს; ბ) ძირითადი პერსონალის სახით – დოქტორის, მაგისტრის ან მათთან გათანაბრებული აკადემიური ხარისხის მქონე პირს, დოქტორანტურის, მაგისტრატურის ან რეზიდენტურის სტუდენტს.

2.ერთსა და იმავე პირს, ერთსა და იმავე დროს, ძირითადი პერსონალის სტატუსით არ შეუძლია იყოს ჩართული ფონდის მიერ გამოცხადებული და ადმინისტრირებული კონკურსის შედეგად დაფინანსებულ, ჯამში 2-ზე მეტ პროექტში. პროექტში ჩართვა გულისხმობს, როგორც კონკურსში წარმოდგენილ, ასევე უკვე დაფინანსებულ და მიმდინარე პროექტებში ჩართვას შემდეგ კონკურსებში: ფუნდამენტური კვლევებისათვის სახელმწიფო სამეცნიერო გრანტების, გამოყენებითი კვლევებისათვის სახელმწიფო სამეცნიერო გრანტებისა და უცხოეთში მოღვაწე თანამემამულეთა მონაწილეობით ერთობლივი კვლევებისათვის სახელმწიფო გრანტების კონკურსები.

2¹.ერთი და იგივე პირი, ერთსა და იმავე დროს, არ უნდა ხელმძღვანელობდეს ფონდის მიერ გამოცხადებული ან ადმინისტრირებული კონკურსის შედეგად დაფინანსებულ ერთზე მეტ პროექტს. პროექტის ხელმძღვანელობაში იგულისხმება, როგორც კონკურსში წარმოდგენილი, ასევე უკვე დაფინანსებული, მიმდინარე პროექტების ხელმძღვანელობა შემდეგ  კონკურსებში: ფუნდამენტური კვლევებისათვის სახელმწიფო სამეცნიერო გრანტების, გამოყენებითი კვლევებისათვის სახელმწიფო სამეცნიერო გრანტებისა და უცხოეთში მოღვაწე თანამემამულეთა მონაწილეობით ერთობლივი კვლევებისათვის სახელმწიფო გრანტების კონკურსები.

2².(ამოღებულია - 18.05.2017, №243) .

3.პროექტში აუცილებელია წამყვანი ორგანიზაციის მონაწილეობა.

4.პროექტში დამხმარე პერსონალის სახით აუცილებლად ჩართული უნდა იყოს, სულ მცირე, ერთი ბაკალავრიატის საფეხურის სტუდენტი. საქართველოს მთავრობის 2012 წლის 5 აპრილის დადგენილება №132 - ვებგვერდი, 12.04.2012წ. საქართველოს მთავრობის 2016 წლის 29 მარტის დადგენილება №148 - ვებგვერდი, 31.03.2016წ. საქართველოს მთავრობის 2017 წლის 18 მაისის დადგენილება №243 - ვებგვერდი, 22.05.2017წ. საქართველოს მთავრობის 2025 წლის 30 დეკემბრის დადგენილება №624 – ვებგვერდი, 30.12.2025წ.

გჭირდებათ დახმარება ამ კანონთან დაკავშირებით?

აღწერეთ თქვენი სიტუაცია და დაგეხმარებით შესაფერისი სპეციალისტის პოვნაში.

მსგავსი მუხლები მთელ კანონმდებლობაში

მნიშვნელობით ახლოს, სხვა კანონებშიც

ფუნდამენტური კვლევებისათვის სახელმწიფო სამეცნიერო გრანტების შესახებ

სამართლებრივი რუკა

დააწკაპუნე გასახსნელად
15¹10⁷1045²37²37¹37⁴2 (და…9 (და…1 (და…10 (დ…4 (დანართი 1)
მნიშვნელობით ახლოსგრანტების შესახებფუნდამენტური კვლევების…მეცნიერების, ტექნოლოგი…უმაღლესი განათლების შე…საჯარო სამსახურში კონკ…

წყარო: საქართველოს საკანონმდებლო მაცნე (matsne.gov.ge) · კონსოლიდირებული ვერსია, · რედაქცია №9 · ბოლოს შემოწმდა