მუხლი 22. პოლიციის თანამშრომლის პასუხისმგებლობა

სამსახურებრივი დისციპლინის დარღვევისთვის პოლიციის თანამშრომლის მიმართ გამოიყენება შემდეგი დისციპლინური სახდელები: ა) შენიშვნა; ბ) საყვედური; გ) სასტიკი საყვედური; დ) ფინანსური პოლიციის სამკერდე ნიშნის ჩამორთმევა; ე) უფრო დაბალი თანრიგის (რანგის) თანამდებობრივ სარგოზე გადაყვანა არა უმეტეს ერთი წლისა; ვ) სპეციალური წოდების ერთი საფეხურით დაქვეითება; ზ) არა უმეტეს 10 სამუშაო დღის ხელფასის დაკავება; თ) თანამდებობიდან გათავისუფლება; ი) სამსახურიდან დათხოვნა.