1.საქართველოს მთავრობამ ამ კანონის გამოქვეყნებიდან 30 დღის ვადაში დაამტკიცოს საჯარო სამართლის იურიდიული პირის – საქართველოს რეფორმებისა და თანამშრომლობის ორგანიზაციის დებულება.
2.საქართველოს პრემიერ-მინისტრმა ამ კანონის გამოქვეყნებიდან 30 დღის ვადაში თანამდებობაზე დანიშნოს საჯარო სამართლის იურიდიული პირის – საქართველოს რეფორმებისა და თანამშრომლობის ორგანიზაციის თავმჯდომარე.
3.საქართველოს ეკონომიკისა და მდგრადი განვითარების სამინისტრომ ამ კანონის გამოქვეყნებიდან 30 დღის ვადაში უზრუნველყოს საჯარო სამართლის იურიდიული პირის – საქართველოს რეფორმებისა და თანამშრომლობის ორგანიზაციის ფუნქციონირებისათვის აუცილებელი ქონების ორგანიზაციისათვის გადაცემა საქართველოს კანონმდებლობით დადგენილი წესით.