1.ამ კანონით დადგენილი საზღვრების ფარგლებში თუშეთის, ბაწარა-ბაბანეურის, ლაგოდეხისა და ვაშლოვანის დაცული ტერიტორიების მიწების ინვენტარიზაციის (საზღვრების გამიჯვნის) და მათი მიღება-ჩაბარების სამუშაოების, აგრეთვე სამიწათმოწყობო დოკუმენტაციის შექმნისა და მომზადების ორგანიზება დასრულდეს 2004 წლის 1 დეკემბრამდე.
2.ამ კანონით დადგენილი საზღვრების ფარგლებში თუშეთის, ბაწარა-ბაბანეურის, ლაგოდეხისა და ვაშლოვანის დაცული ტერიტორიების მიწების ინვენტარიზაცია და მათი მიღება-ჩაბარების სამუშაოები განხორციელდეს „სახელმწიფო საკუთრებაში არსებული არასასოფლო-სამეურნეო დანიშნულების მიწის მართვისა და განკარგვის შესახებ" საქართველოს კანონის შესაბამისად.
3.თუშეთის, ბაწარა-ბაბანეურის, ლაგოდეხისა და ვაშლოვანის დაცული ტერიტორიების საზღვრების ფარგლებში არსებულ მიწებზე, გარდა თუშეთის დაცული ლანდშაფტის ტერიტორიისა, არ ვრცელდება „ ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების შესახებ “ საქართველოს კანონით გათვალისწინებული მოთხოვნები. საქართველოს 2007 წლის 4 ივლისის კანონი №5204 - სსმ I, №28, 18.07.2007 წ., მუხ.289 საქართველოს 2008 წლის 27 ივნისის კანონი №90 - სსმ I, №48, 14.07.2008 წ., მუხ.102 საქართველოს 2011 წლის 22 მარტის კანონი №4457-ვებგვერდი, 05.04.2011წ.