მუხლი 4¹ (დანართი 1). სამხედრო პროდუქციაზე ნებართვის მისაღებად წარსადგენი დოკუმენტაცია

კანონის მე-9 მუხლით გათვალისწინებული ნებართვის მაძიებელმა ნებართვის გამცემს უნდა წარუდგინოს: ა) წერილობითი განცხადება; ბ) კომისიის რეკომენდაცია; გ) გარიგების ღირებულების დამადასტურებელი დოკუმენტაცია (ხელშეკრულება, ინვოისი); დ) სანებართვო მოსაკრებლის გადახდის დამადასტურებელი საბუთი; ე)  ცნობები ნასამართლობის/უფლების ჩამორთმევის, ამ დებულების     მე-6 მუხლის 1 1 პუნქტის „დ“ ქვეპუნქტით გათვალისწინებული დანაშაულისთვის მსჯავრდების, ნარკოლოგიურ აღრიცხვაზე არყოფნისა და ფსიქიკური მდგომარეობის შესახებ (გარდა ტრანზიტის ნებართვისა); ვ) ნებართვის გამცემის მოთხოვნის შემთხვევაში სანებართვო ქმედების განსახორციელებლად საჭირო „ლიცენზიებისა და ნებართვების შესახებ“ საქართველოს კანონით განსაზღვრული შესაბამისი ლიცენზია ან/და ნებართვა; ზ) საქმისთვის მნიშვნელობის მქონე გარემოებების დასადგენად საჭირო დოკუმენტაცია. საქართველოს მთავრობის 2026 წლის 8 სექტემბრის დადგენილება №432 - ვებგვერდი, 09.09.2026წ.