1.დეპარტამენტის უფლებამოსილ საჯარო მოსამსახურეებს ეკრძალებათ : ა ) დეპარტამენტის კუთვნილი სატრანსპორტო საშუალების უმეთვალყუროდ დატოვება დაუკეტავ მდგომარეობაში ; ბ ) არასამსახურებრივი მიზნებისათვის სატრანსპორტო საშუალებით უცხო პირთა გადაყვანა და მათი ტვირთის გადაზიდვა ; გ ) დაკავებული პირების სატრანსპორტო საშუალებაში უმეთვალყურეოდ დატოვება ; დ ) დადგენილი სამუშაო რეჟიმის თვითნებური შეცვლა .
2.დეპარტამენტის უფლებამოსილ საჯარო მოსამსახურეებს ეკრძალებათ სპეციალური ტანსაცმლის (უნიფორმის) გამოყენება არასამუშაო დროს.
3.შემოწმებისათვის გაჩერებულ ავტოსატრანსპორტო საშუალებასთან მისვლისას დეპარტამენტის უფლებამოსილი საჯარო მოსამსახურის პირადი უსაფრთხოების უზრუნველსაყოფად უფლებამოსილია: ა) სატრანსპორტო საშუალებას მიუახლოვდეს უკანა მხრიდან, მძღოლის კარის მიმართულებით; ბ) სატრანსპორტო საშუალებასთან შეჩერდეს ისეთ მანძილზე, რომ არ მიიღოს დაზიანება ან ტრავმა მოძრაობის მოულოდნელი დაწყებისას; გ) მოსთხოვოს მძღოლს ძრავის გამორთვა; დ) შებინდებისას ან ღამით მოსთხოვოს მძღოლს ჩართოს სალონის განათება; ე) მძღოლის მიერ მოწოდებული დოკუმენტები გამოართვას მარცხენა ხელით, რათა კანონით გათვალისწინებულ შემთხვევებში შეუფერხებლად გამოიყენოს სამსახურებრივი საშტატო იარაღი. საქართველოს მთავრობის 2017 წლის 21 თებერვლის დადგენილება №95 - ვებგვერდი, 22.02.2017წ. საქართველოს მთავრობის 2018 წლის 9 ივლისის დადგენილება №357 - ვებგვერდი, 10.07.2018წ.