საქართველოს სამოქალაქო კოდექსი
მუხლი 736. ზიანის დროულად შეტყობინების მოვალეობა
რედაქცია №138 გადამოწმებულია მოქმედ რედაქციასთან · 1 აპრ. 2026
735-ე მუხლის მიხედვით დადებული დაზღვევის ხელშეკრულების საფუძველზე შემკვეთმა უნდა იზრუნოს ზიანის დროულად შეტყობინებისათვის. თუ ზიანის შესახებ შეტყობინება ეგზავნება ექსპედიტორს, მაშინ იგი ვალდებულია დაუყოვნებლივ გადაუგზავნოს შეტყობინება მზღვეველს ან მზღვეველებს.