1.საქართველოს ფინანსთა სამინისტრო უფლებამოსილია საქართველოს ეროვნულ ბანკთან კონსულტაციით, საქართველოს სახელით გამოუშვას სახელმწიფო ფასიანი ქაღალდები.
2.სახელმწიფო ფასიანი ქაღალდები, რომლებიც საქართველოს კანონმდებლობის საფუძველზეა გამოშვებული და რომლებზედაც ვრცელდება საქართველოს კანონმდებლობა, შეიძლება არსებობდეს მხოლოდ დემატერიალიზებული ფორმით. სახელმწიფო ფასიანი ქაღალდების ემისია შეიძლება განხორციელდეს უცხო ქვეყნის კანონმდებლობის საფუძველზე, იმავე კანონმდებლობით დაშვებული ფორმით.
3.(ამოღებულია - 16.11.2023, №3722);
4.(ამოღებულია - 16.11.2023, №3722);
5.სახელმწიფო ფასიანი ქაღალდების გამოშვება, მიმოქცევა, დაგირავება და აღრიცხვა, აგრეთვე პროცენტის გადახდა და ძირითადი თანხის დაფარვა წესრიგდება ამ კანონით, „დემატერიალიზებული ფასიანი ქაღალდების ფლობის შესახებ“ საქართველოს კანონითა და სხვა საკანონმდებლო და კანონქვემდებარე ნორმატიული აქტებით. საქართველოს 2016 წლის 22 ივნისის კანონი №5436 - ვებგვერდი, 11.07.2016წ. საქართველოს 2023 წლის 16 ნოემბრის კანონი №3722 – ვებგვერდი, 07.12.2023წ.
