Article 20. ნარკოტიკული საშუალებების, ფსიქოტროპული ნივთიერებებისა და პრეკურსორების შენახვა

1. სპეციალურ კონტროლს დაქვემდებარებული ნივთიერებების შენახვის უფლება აქვს: ა) ფიზიკურ პირს – პირადი მოხმარებისათვის, სამკურნალო მიზნით; ბ) შესაბამისი ლიცენზიის მფლობელ იურიდიულ პირს, ხოლო მხოლოდ პრეკურსორისა – ინდივიდუალურ მეწარმეს, საქართველოს კანონმდებლობით დადგენილი მიზნითა და წესით; გ) უკანონო ბრუნვიდან ამოღებული ნარკოტიკული საშუალებების, ფსიქოტროპული ნივთიერებებისა და პრეკურსორების შენახვის უფლებამოსილების მქონე სახელმწიფო დაწესებულებას.

2. შესაბამისი ლიცენზიის მფლობელ იურიდიულ პირს უფლება აქვს შეინახოს ნარკოტიკული საშუალებების, ფსიქოტროპული ნივთიერებებისა და პრეკურსორების, ხოლო ინდივიდუალურ მეწარმეს – მხოლოდ პრეკურსორების ის რაოდენობა, რომელიც საჭიროა მათი საქმიანობისათვის.

3. საქართველოში აკრძალულია ნარკოტიკული საშუალებების საბაჟო საწყობში შენახვა საწყობის სასაქონლო ოპერაციის გამოყენებით. საქართველოს 2010 წლის 12 ნოემბრის კანონი №3806 - სსმ I, №66, 03.12.2010 წ., მუხ.414 საქართველოს 2012 წლის 27 მარტის კანონი №5960 – ვებგვერდი, 12.04.2012წ.