მიწაზე და სხვა უძრავ ნივთებზე სახელმწიფოს საკუთრების უფლების პირველადი რეგისტრაციისათვის წარდგენილ უნდა იქნეს: ა) სასოფლო-სამეურნეო დანიშნულების მიწაზე და სხვა უძრავ ნივთებზე სახელმწიფოს საკუთრების უფლების რეგისტრაციისას ადგილობრივი მმართველობის ორგანოს, ეკონომიკური განვითარების სამინისტროს ან მისი ტერიტორიული ორგანოს, ხოლო არასასოფლო-სამეურნეო დანიშნულების მიწაზე და სხვა უძრავ ნივთებზე სახელმწიფოს საკუთრების უფლების რეგისტრაციისას – თუ მიწის ნაკვეთზე განლაგებული არ არის შენობა-ნაგებობა, ადგილობრივი მმართველობის ორგანოს, თუ მიწის ნაკვეთზე განლაგებულია შენობა-ნაგებობა – ეკონომიკური განვითარების სამინისტროს ან მისი ტერიტორიული ორგანოს მომართვა ან/და საკუთრების უფლების დამადასტურებელი სხვა დოკუმენტი; ბ) მიწის ნაკვეთის საკადასტრო აზომვითი ნახაზი; გ) შენობა-ნაგებობაზე თანასაკუთრების უფლების რეგისტრაციისათვის დამატებით – შენობა-ნაგებობის გეგმა, რომელზედაც ასახული იქნება სახელმწიფოს, როგორც თანამესაკუთრის უფლებების გავრცელების საზღვრები და ფართობი.
უძრავ ნივთებზე უფლებათა რეგისტრაციის შესახებ ინსტრუქციის დამტკიცების თაობაზე
მუხლი 15. მიწაზე და სხვა უძრავ ნივთებზე სახელმწიფოს საკუთრების უფლების პირველადი რეგისტრაცია
რედაქცია №2 გადამოწმებულია მოქმედ რედაქციასთან · 15 იან. 2010
