მუხლი 15. სპეციფიკური ინფექციების პრევენცია და კონტროლი

1. სამინისტრო უზრუნველყოფს პრევენციისა და კონტროლის ერთიანი სახელმწიფო სტრატეგიის შემუშავებას და მისი განხორციელების ორგანიზებას შემდეგი სპეციფიკური ინფექციების დროს: ა) ტუბერკულოზი; ბ) აივ-შიდსი. 1 1 . ტუბერკულოზის თავიდან აცილებასთან და კონტროლთან დაკავშირებული საკითხები წესრიგდება ამ კანონითა და „ტუბერკულოზის კონტროლის შესახებ“ საქართველოს კანონით. 2. სამინისტრო სპეციალური კანონმდებლობით ადგენს სისხლის ჩაბარებისა და გადასხმის კონტროლთან, სისხლისა და მისი კომპონენტების უსაფრთხოებასა და ხარისხთან, მათ წარმოებასთან, შენახვასა და გამოყენებასთან, დონორის ჯანმრთელობისა და უფლებების დაცვასთან დაკავშირებულ ნორმებს. [ 2. ადამიანის სისხლისა და მისი კომპონენტების ხარისხსა და უსაფრთხოებასთან, სისხლის დონორობასა და დონორის უფლებებთან დაკავშირებული საკითხები წესრიგდება „ადამიანის სისხლისა და მისი კომპონენტების ხარისხისა და უსაფრთხოების შესახებ“ საქართველოს კანონით. (ამოქმედდეს 2025 წლის 1 იანვრიდან)] საქართველოს 2015 წლის 11 დეკემბრის კანონი №4631 - ვებგვერდი, 23.12.2015წ. საქართველოს 2022 წლის 15 დეკემბრის კანონი №2389 – ვებგვერდი, 27.12.2022წ. თავი V. ბიოლოგიური უსაფრთხოების უზრუნველყოფა