1.ცენტრის/დამგეგმავი ორგანოს წარმომადგენელი (წარმომადგენლები) საჯარო განხილვის ჩატარებიდან 5 დღის ვადაში ადგენს საჯარო განხილვის შესახებ ოქმს და 1 დღის ვადაში უგზავნის სააგენტოს.
2.ოქმში უნდა მიეთითოს: ა) ადმინისტრაციული ორგანოს დასახელება; ბ) განხილვის დრო და ადგილი ან/და გარემოსდაცვითი შეფასების კოდექსის 34-ე მუხლის 2 1 ნაწილით გათვალისწინებულ შემთხვევაში, საჯარო განხილვის დისტანციურად, კომუნიკაციის ელექტრონული საშუალებების გამოყენებით ჩატარების შესახებ ინფორმაცია; გ) საჯარო განხილვის ჩატარებაზე პასუხისმგებელი პირის ვინაობა, ხოლო გზშ-ისადმი დაქვემდებარებული საქმიანობის საჯარო განხილვაზე – საქმიანობის განმახორციელებლის და კონსულტანტის (ასეთის არსებობის შემთხვევაში) ვინაობა; დ) განსახილველი საკითხის მოკლე მიმოხილვა; ე) საჯარო განხილვის დროს გამოთქმული შენიშვნები და წინადადებები.
3.სხდომის ოქმს ხელს აწერს და მისი სისწორისთვის პასუხისმგებელია ცენტრის/დამგეგმავი ორგანოს წარმომადგენელი (წარმომადგენლები).
4.საჯარო განხილვაში მონაწილე პირს უფლება აქვს, გაეცნოს ოქმს და ოქმის გაცნობიდან 3 დღის ვადაში წარადგინოს შენიშვნები მის თაობაზე, მიუთითოს მასში არასწორი ან არასრული ინფორმაციის არსებობა. თუ სააგენტო/დამგეგმავი ორგანო ეთანხმება შენიშვნას, – ადასტურებს მის სისწორეს, ხოლო თუ არ ეთანხმება, – გამოსცემს ინდივიდუალურ ადმინისტრაციულ- სამართლებრივ აქტს შენიშვნის უარყოფის შესახებ. აღნიშნული აქტის გასაჩივრება შესაძლებელია ზემდგომ ადმინისტრაციულ ორგანოში კანონმდებლობით დადგენილი წესით.
5.დამგეგმავი ორგანო სგშ-ის ანგარიშის საჯარო განხილვის შესახებ ოქმს მისი შედგენიდან 5 დღის ვადაში წარუდგენს ცენტრს, სააგენტოსა და საქართველოს შრომის, ჯანმრთელობისა და სოციალური დაცვის სამინისტროს.
6.საჯარო განხილვის შესახებ ოქმს თან უნდა ერთოდეს ცხრილი საჯარო განხილვაზე გამოთქმული შენიშვნების და აღნიშნული შენიშვნების გათვალისწინების შესახებ. საქართველოს გარემოს დაცვისა და სოფლის მეურნეობის მინისტრის 2020 წლის 13 ოქტომბრის ბრძანება №2-915 - ვებგვერდი, 15.10.2020წ. საქართველოს გარემოს დაცვისა და სოფლის მეურნეობის მინისტრის 2022 წლის 21 აპრილის ბრძანება №2-309 - ვებგვერდი, 27.04.2022წ. საქართველოს გარემოს დაცვისა და სოფლის მეურნეობის მინისტრის 2023 წლის 19 ივნისის ბრძანება №2-476 - ვებგვერდი, 20.06.2023წ.